✅✅✅✅

Mehnat yarmarkasi: fuqarolar ish bilan ta’minlanmoqda

✅ Nurafshon shahrining "Hurriyat" MFY binosida ishsiz fuqarolar bandligini ta’minlash hamda mavjud muammolarni joyida hal etish maqsadida navbatdagi mehnat yarmarkasi tashkil etildi.

🟣Mazkur tadbir Nurafshon shahar hokimligi, Respublika ishchi guruhi a’zolari, Nurafshon shahar Adliya bo'limi hamda Nurafshon shahar Kambag‘allikni qisqartirish va bandlikka ko‘maklashish bo‘limi hamkorligida o‘tkazildi.

✅ Mehnat yarmarkasida 11 dan ortiq korxona va tashkilotlar ishtirok etib, fuqarolarga jami 321 ta bo‘sh ish o‘rni taklif etildi. Tadbirda 23 nafar ishsiz fuqaro qatnashdi. Yakunlarga ko‘ra, 1 nafar fuqaroga ishga joylashish uchun yo‘llanma berildi, yana 2 nafari kasb-hunarga o‘qitish kurslariga yo‘naltirildi.

✅Telegram 🌐Instagram 📹YouTube✅Facebook

#festival

Toshkent viloyatida «Do‘stlik» festivali yuqori kayfiyatda o‘tdi

Nurafshon shahri markazidagi Amfiteatrda O‘zbekiston Respublikasi davlat mustaqilligining 35 yilligi hamda 30 iyul — Xalqlar do‘stligi kuni munosabati bilan «Yagona Vatan, yagona xalq bo‘lib, yangi hayot va kelajak yaratamiz!» g‘oyasi ostida «Do‘stlik» festivalining viloyat bosqichi tantanali tarzda bo‘lib o‘tdi.

Tadbirda Toshkent viloyatining barcha shahar va tumanlaridan kelgan ishtirokchilar, milliy madaniy markazlar vakillari, mehnat faxriylari, yoshlar, volontyorlar, san’atkorlar hamda keng jamoatchilik ishtirok etdi.

Festival «Mustaqillik marsh yurishi» bilan boshlanib, unda milliy madaniy markazlar vakillari hamda yoshlar davlat bayroqlari bilan yurish qilib, yurtimizdagi do‘stlik, hamjihatlik va vatanparvarlik g‘oyalarini tarannum etdilar.

Amfiteatrda o‘tkazilgan bayram dasturida milliy madaniy markazlarning qo‘shiq va raqs chiqishlari, adabiy-badiiy kompozisiyalar, xalq amaliy san’ati va hunarmandchilik ko‘rgazmalari, milliy taomlar taqdimotlari namoyish etildi. Turli millat vakillarining boy madaniyati va an’analari bir sahnada uyg‘unlashib, mamlakatimizda qaror topgan millatlararo totuvlik va bag‘rikenglik muhitini yana bir bor yorqin namoyon qildi.

Tadbir yakunida turli nominatsiyalar bo‘yicha faol ishtirokchilar va milliy madaniy markazlar munosib taqdirlandi.

«Do‘stlik» festivali yurtimizdagi tinchlik, millatlararo totuvlik va umumxalq birdamligini mustahkamlash, shuningdek, davlat mustaqilligining 35 yilligini munosib qarshi olish yo‘lidagi muhim madaniy-ma’rifiy tadbirlardan biri sifatida katta ahamiyat kasb etdi.

✅Telegram 🌐Website 📹YouTube✅Facebook 🕊Twitter🌐Instagram