✅✅✅✅

Bandlik va iqtisodiy ko‘rsatkichlarni yaxshilash masalalari muhokama qilindi

Nurafshon shahri hokimi Qobil Xamdamov boshchiligida moliya sohasi mas’ullari, Bandlik bo‘limi vakillari hamda tegishli tashkilot va idoralar rahbarlari ishtirokida muhim yig‘ilish bo‘lib o‘tdi.

Yig‘ilish davomida aholi bandligini ta’minlash, yangi ish o‘rinlarini yaratish, soliq tushumlari hajmini oshirish, norasmiy faoliyat yuritayotgan tadbirkorlik subyektlari faoliyatini qonuniylashtirish, muammoli korxonalar faoliyatini chuqur tahlil qilish hamda ularning mavjud muammolarini bartaraf etish masalalari atroflicha ko‘rib chiqildi.

✅ Shuningdek, sanoat, qurilish va xizmat ko‘rsatish tarmoqlari kesimida bandlik ko‘rsatkichlarini oshirish, investitsiya loyihalarini jadallashtirish, tadbirkorlikni qo‘llab-quvvatlash hamda mavjud ichki imkoniyatlardan samarali foydalanish yuzasidan mas’ullarning hisobotlari tinglandi.

Muhokamalar davomida yo‘l qo‘yilgan kamchiliklar tanqidiy tahlil qilinib, ularni bartaraf etish bo‘yicha aniq vazifalar belgilandi. Har bir yo‘nalish kesimida mas’ullarga qat’iy topshiriqlar berilib, ijro muddatlari belgilandi hamda natijadorlik bo‘yicha shaxsiy mas’uliyat yuklatildi.

❗️Yig‘ilish yakunida belgilangan vazifalar ijrosini tizimli nazorat qilish maqsadida mas’ullardan kunlik hisobot va so‘rovlar olib borilishi, har bir topshiriqning bajarilish holati muntazam monitoring qilinishi ta’kidlandi.

✅Telegram 🌐Instagram 📹YouTube✅Facebook

✅✅✅✅

Kuz-qish mavsumiga tayyorgarlik ishlari izchil davom etmoqda

⚡️ Aholini kuz-qish mavsumida uzluksiz va barqaror elektr energiyasi bilan taʼminlash maqsadida Nurafshon shahar elektr tarmoqlari korxonasi tomonidan rejali texnik ishlar amalga oshirilmoqda.

✅ Jumladan, Toʻytepa hududidagi TP-9, 2-fider tarmogʻida SIP kabelini montaj qilish ishlari bajarildi. Shuningdek, avariya holatlarining oldini olish hamda elektr taʼminoti ishonchliligini oshirish maqsadida TP-345 transformator punktida avtomat uskunasi yangisiga almashtirildi.

Mazkur texnik tadbirlar kuz-qish mavsumida elektr tarmoqlari barqaror ishlashini taʼminlash, yuzaga kelishi mumkin boʻlgan nosozliklarning oldini olish hamda isteʼmolchilarga sifatli elektr energiyasini yetkazib berishga xizmat qiladi.

✅Telegram 🌐Instagram 📹YouTube✅Facebook

✅✅✅✅

Yoshlar bilan ochiq muloqot — muammo va takliflar muhokama markazida

Nurafshon shahrida yoshlar bilan ochiq muloqotni yo‘lga qo‘yish, ularning muammo va takliflarini bevosita o‘rganish hamda qo‘llab-quvvatlashga qaratilgan uchrashuvlar izchil davom etmoqda. Bu kabi muloqotlar yoshlarning fikr va tashabbuslarini tinglash, dolzarb masalalariga amaliy yechim topish hamda davlat tomonidan yaratilayotgan imkoniyatlar to‘g‘risida batafsil ma’lumot berishga xizmat qilmoqda.

✅ Bugun ham Nurafshon shahar hokimi Qobil Xamdamov, shahar IIB boshlig‘i A. Yuldashev, shahar prokurori o‘rinbosari S. Yuldashev, yoshlar yetakchilari hamda tegishli idora va tashkilotlar mas’ullari ishtirokida navbatdagi ochiq muloqot bo‘lib o‘tdi. Uchrashuv avvalida shahar hokimi mazkur tadbir rasmiy yig‘ilish emas, balki yoshlarning fikr-mulohazalari, tashabbus va takliflarini bevosita eshitish, ularni qiynayotgan masalalarni birgalikda muhokama qilish hamda amaliy yechimlar ishlab chiqishga qaratilgan ochiq muloqot maydoni ekanini alohida ta’kidladi.

Muloqot davomida yoshlarni ijtimoiy loyihalar va davlat dasturlariga faol jalb etish, ularning bandligini ta’minlash, ta’lim olishi, kasb-hunar egallashi hamda tadbirkorlik faoliyatini qo‘llab-quvvatlash borasida amalga oshirilayotgan ishlar va kelgusidagi ustuvor vazifalar muhokama qilindi.

Shuningdek, yoshlar tomonidan ta’lim, ish bilan ta’minlash va boshqa dolzarb masalalar yuzasidan bildirilgan murojaat hamda takliflar atroflicha ko‘rib chiqildi. Har bir murojaat yuzasidan mas’ul tashkilot rahbarlariga aniq topshiriqlar berilib, ijrosi nazoratga olindi.

❗️Bunday ochiq muloqotlar yoshlarning davlat va jamiyat hayotidagi faolligini oshirish, ularning tashabbuslarini har tomonlama qo‘llab-quvvatlash hamda muammolarini o‘z vaqtida hal etishning muhim vositalaridan biri bo‘lib xizmat qilmoqda.

✅Telegram 🌐Instagram 🌐Website✅Facebook