🇺🇿 НУРАФШОНДА МУСТАҚИЛЛИК ШУКУҲИ — ХАЛҚ БИЛАН БИРГА!

Бугун Нурафшон шаҳрида Ўзбекистон Республикаси Мустақиллигининг 35 йиллиги муносабати билан шаҳар аҳолиси учун яна бир катта, кўтаринки ва унутилмас байрам тадбири ташкил этилди.

Одатда, вилоят маркази бўлганимиз боис, байрам тантаналари вилоят миқёсидаги тадбирлар билан уйғун ҳолда ўтказилар эди. Аммо бугунги байрамнинг ўзига хос жиҳати — у бевосита Нурафшон аҳолиси учун ташкил этилгани бўлди.

Байрам майдонида одамлар жуда гавжум. Назаримда, беш мингдан зиёд нурафшонликлар бир майдонга жам бўлиб, Мустақиллик шодлигини биргаликда нишонлади. Энг муҳими, аҳоли учун муносиб шароитлар яратилди, байрамона кайфият ва кўтаринки руҳ ҳукм сурди.

Халқнинг қувончи, самимий табассуми ва байрамдан мамнунлиги — бугунги тадбирнинг энг катта натижаси бўлди.
Бу каби катта тадбирни муносиб даражада ташкил этиш ва аҳолига юқори кайфият улашишда Нурафшон шаҳар ҳокими Қ.Хамдамов ҳамда ҳокимлик масъулларининг меҳнати ва саъй-ҳаракатларини алоҳида эътироф этиш жоиз.

Шунингдек, байрам давомида жамоат тартиби ва хавфсизликни таъминлаган ҳуқуқ-тартибот органлари ходимларига ҳам алоҳида миннатдорчилик билдириш лозим.
Хусусан, Нурафшон шаҳар ИИБ бошлиғи А.Юлдашев раҳбарлигидаги ходимлар томонидан хавфсизлик ва жамоат тартибига жиддий эътибор қаратилди. Минглаб инсонлар иштирок этган тадбирнинг осойишта ва тартибли ўтишида уларнинг хизмати катта бўлди.

🇺🇿 Мустақиллик — бу нафақат байрам, балки халқимизнинг эркин ва фаровон ҳаётга бўлган ишончидир.

Бугунги байрам Нурафшон аҳли қалбида ана шу юксак туйғулар, самимий қувонч ва эзгу таассуротлар билан муҳрланди.
Мустақиллигимиз абадий бўлсин!

Юртимиз тинч, халқимиз доимо фаровон ва бахтли бўлсин! 🇺🇿

Телеграм | Instagram  | Youtube | Tik tok | Facebook