DIQQAT! AVTOTRANSPORT QATNOVI VAQTINCHA TO‘XTATILADI
Hurmatli Nurafshon shahri aholisi va yo‘l harakati qatnashchilari! Nurafshon shahri Bobur ko‘chasida, “Makro” supermarketi yon qismida yangi yer osti piyodalar yo‘lini qurish-montaj ishlari olib borilishi munosabati bilan yo‘l harakati xavfsizligini ta’minlash maqsadida avtotransport vositalari qatnovi vaqtincha to‘xtatiladi.
✅ 2026-yil 8-sentabr kuni soat 06:00 dan qurilish-montaj ishlari yakunlangunga qadar Bobur ko‘chasida avtotransport vositalarining harakati vaqtincha cheklanadi.
Mazkur vaqtinchalik cheklov qurilish ishlarini xavfsiz tashkil etish hamda aholi va yo‘l harakati qatnashchilarining xavfsizligini ta’minlash maqsadida joriy etilmoqda.
Please open Telegram to view this post
VIEW IN TELEGRAM
❤3
Nurafshonda xotin-qizlar bandligini ta’minlash va salomatligini mustahkamlash markazi ochildi
O‘zbekiston Respublikasi Prezidentining 2025-yil 3-dekabrdagi PF-240-son Farmoni ijrosini ta’minlash maqsadida bugun Nurafshon shahrining “Navro‘z” mahallasida tikuvchilik markazining tantanali ochilish marosimi bo‘lib o‘tdi.
❗️Tadbirda faollar, hudud nuroniylari ishtirok etib, aholi farovonligini ta’minlash, xususan, xotin-qizlarni qo‘llab-quvvatlash, ularning bandligini ta’minlash va daromadlarini oshirish borasida amalga oshirilayotgan ishlar haqida so‘z yuritdi.
Mazkur markazda xotin-qizlarga tikuvchilik sirlarini o‘rganish, kasb-hunar egallash hamda tayyor mahsulotlar ishlab chiqarish uchun zarur sharoitlar yaratilgan.
Markaz faoliyati orqali yoshlar va xotin-qizlarning bo‘sh vaqtini mazmunli tashkil etish, kasb-hunarga yo‘naltirish hamda barqaror daromad manbaiga ega bo‘lishlari uchun yangi imkoniyatlar yaratish ko‘zda tutilgan.
Please open Telegram to view this post
VIEW IN TELEGRAM
❤2👏2🔥1👌1
➡️ Kreditlash shartlari:🔷 Mehmonxona qurish uchun — 50 milliard so‘mgacha;🔷 Mehmonxonani rekonstruksiya qilish va jihozlash uchun — 20 milliard so‘mgacha;🔷 Kredit muddati — 10 yil (120 oy)gacha;🔷 Imtiyozli davr — 2 yil;🔷 Kreditlar tijorat banklari tomonidan ajratiladi.➡️ Foiz xarajatlarini qoplash:
Kreditlarning milliy valyutada yillik 16 foizdan, xorijiy valyutada esa SOFR, EURIBOR yoki SHIBOR stavkalaridan oshgan qismi bo‘yicha foiz xarajatlari “Tadbirkorlikni rivojlantirish kompaniyasi” AJ tomonidan qoplab beriladi.➡️ Murojaat tartibi:
Kredit mablag‘lariga bo‘lgan ehtiyoj Qoraqalpog‘iston Respublikasi, viloyatlar va Toshkent shahar hududiy turizm boshqarmalari orqali yig‘iladi va Turizm xizmatlarini sertifikatlashtirish markaziga taqdim etiladi.
Turizm xizmatlarini sertifikatlashtirish markazi,
Tadbirkorlar bilan ishlash bo‘limi:
https://t.me/Rasmiy_axborot_official
Please open Telegram to view this post
VIEW IN TELEGRAM
Media is too big
VIEW IN TELEGRAM
Mehnatdan kelsa boylik, turmush bo‘lar chiroylik!
Tomorqasi besamar, o‘zi ishsiz yurganlarni Nurafshon shahar Muqimiy mahallasida yashovchi Muzaffarxo‘jayevlar xonadoniga taklif qilamiz.
✅ Obod xonadon vakillari 40 yildan buyon tomorqasidagi 18 sotix issiqxonadan yiliga 80–100 milliongacha daromad olmoqda. Davlat tomonidan ajratilgan 15 million so‘mlik imtiyozli kredit esa ishlarni yanada rivojlantirdi. Yiliga 2–3 marotaba hosil, halol mehnat oila a’zolariga ham hobbi, ham jismoniy mashg‘ulot, ham daromad manbaiga aylangan.
Videoni ko‘ring, siz ham harakatni boshlang. Unutmang, baxtli hayot siri — mehnatda. Siz ham shunday tomorqa tashkil qilmoqchi bo‘lsangiz, mahalla hokim yordamchisiga murojaat qiling.
Please open Telegram to view this post
VIEW IN TELEGRAM
❤1
Please open Telegram to view this post
VIEW IN TELEGRAM
Fuqarolar murojaatlari joyida hal etilmoqda
Nurafshon shahrida fuqarolar bilan ochiq muloqotni yo‘lga qo‘yish, ularni qiynayotgan masalalarni joyida ko‘rib chiqish hamda amaliy yechimlar ishlab chiqish maqsadida shahar hokimi Qobil Xamdamov tomonidan navbatdagi fuqarolar qabuli tashkil etildi.
Unda shahar hokimining o‘rinbosarlari, tegishli tashkilotlar mas’ullari, mahalla faollari hamda boshqa mutasaddi idoralar vakillari ishtirok etdi.
✅ Qabul davomida fuqaroning murojaati eshitildi. Har bir murojaat alohida tartibda ko‘rib chiqilib, masalalarning mazmuni chuqur tahlil qilindi hamda ularni qonunchilik doirasida hal etish yuzasidan zarur choralar belgilandi.
Qabulda ko‘tarilgan masalalarning asosiy qismini ijtimoiy qo‘llab-quvvatlash, yer va kadastr, qurilish, kommunal hamda yo‘l infratuzilmasi, bandlik va sog‘liqni saqlash yo‘nalishlariga oid murojaatlar tashkil etdi.
Yakunda mas’ul tashkilotlar rahbarlariga har bir murojaat yuzasidan aniq vazifalar yuklatilib, ularning ijrosini belgilangan muddatlarda ta’minlash hamda amalga oshirilgan ishlar haqida murojaatchilarga belgilangan tartibda ma’lumot berish topshirildi.
Please open Telegram to view this post
VIEW IN TELEGRAM
❤2👍2🔥1