✅✅✅✅

To‘ytepa mahallasida sayyor qabul: murojaatlar nazoratga olindi

✅Bugun Nurafshon shahar “To‘ytepa” MFY binosida aholining murojaatlarini o‘rganish, mavjud muammolarni aniqlash va ularni manzilli hal etish maqsadida sayyor qabul tashkil etildi.

✔️Sayyor qabulda shahar hokimining birinchi o‘rinbosari A. Eshbayev, Nurafshon shahar Kengashi deputatlari hamda tegishli korxona va tashkilotlar mutasaddilari ishtirok etdi. Muloqot davomida fuqarolar tomonidan ijtimoiy himoya, moddiy yordam, yer va kadastr, qurilish, kommunal xizmatlar hamda infratuzilmaga oid qator masalalar yuzasidan murojaatlar bildirildi.

✔️Har bir murojaat mas’ullar ishtirokida atroflicha ko‘rib chiqilib, fuqarolarga tegishli tushuntirishlar berildi. Qabul jarayonining o‘zida hal etish imkoniyati mavjud bo‘lgan ayrim masalalar ijobiy yechim topgan bo‘lsa, qo‘shimcha o‘rganishni talab etadigan murojaatlar nazoratga olinib, mas’ul tashkilot va mutasaddilarga biriktirildi.

Shuningdek, ko‘tarilgan masalalar yuzasidan mas’ullarga aniq vazifalar belgilanib, murojaatlarning qonunchilikda belgilangan tartibda ko‘rib chiqilishi va ijrosi ta’minlanishi bo‘yicha tegishli topshiriqlar berildi.

❗️Bunday sayyor qabullar aholini qiynayotgan muammolarni bevosita joyida o‘rganish, ularning amaliy yechimini ta’minlash hamda fuqarolar bilan ochiq va samarali muloqotni yo‘lga qo‘yishga xizmat qilmoqda.

✅Telegram 🌐Instagram 🌐Website✅Facebook

✅✅✅✅

Nurafshonda ixtisoslashtirilgan san’at maktab-internati quriladi

✅Bugun Nurafshon shahridagi “ Business City” hududida O‘zbekiston Badiiy akademiyasi tizimidagi ixtisoslashtirilgan san’at maktab-internati qurilishiga tamal toshi qo‘yish marosimi bo‘lib o‘tdi.

🔘Tadbirda Toshkent viloyati hokimi Zoir Mirzayev, Nurafshon shahar hokimi Qobil Xamdamov, nuroniylar hamda jamoatchilik vakillari ishtirok etdi.

🔘Yangi maktab-internat uchun 16 400 kvadrat metr maydon ajratilgan. Loyiha doirasida zamonaviy o‘quv binosi, o‘quvchilar uchun barcha zarur sharoitlarga ega alohida yotoqxona barpo etiladi. Shuningdek, hududning 5 876 kvadrat metri ko‘kalamzorlashtirilishi rejalashtirilgan.

Maktab-internatning tashkil etilishi nafaqat Nurafshon shahri, balki Toshkent viloyatining barcha hududlaridagi san’atga qiziqishi va ijodiy salohiyati yuqori bo‘lgan yoshlar uchun yangi imkoniyatlar yaratadi. Ayniqsa, yotoqxonaning mavjudligi viloyatning olis shahar va tumanlarida yashovchi iqtidorli o‘g‘il-qizlarning shu yerda istiqomat qilib, ixtisoslashtirilgan ta’lim olishiga imkon beradi.

❕ Maktab-internatini kelgusi o‘quv yiliga qadar foydalanishga topshirish rejalashtirilgan.

✅Telegram 🌐Instagram 📹YouTube✅Facebook

✅✅✅✅

Yoshlarning bandligi va tashabbuslari muhokama qilindi

✅Nurafshon shahrida “Payshanba — yoshlar kuni” doirasida yoshlarning murojaat va takliflarini tinglash, ularni qiynayotgan masalalarni o‘rganish hamda mavjud muammolarga amaliy yechim topish maqsadida navbatdagi ochiq muloqot tashkil etildi.

✔️Unda shahar hokimi Qobil Xamdamov, shahar IIB boshlig‘i Azizjon Yuldashev, shahar prokurori o‘rinbosari Sanjar Qarshiyev, tegishli tashkilot va idoralar vakillari hamda yoshlar ishtirok etdi. Muloqot davomida yoshlarning bandligini ta’minlash, tadbirkorlik faoliyatini yo‘lga qo‘yish va rivojlantirish, kasb-hunarga o‘qitish, imtiyozli kreditlardan foydalanish hamda boshqa ijtimoiy masalalarga oid murojaatlari tinglandi.

Yoshlar tomonidan bildirilgan har bir murojaat mas’ullar ishtirokida atroflicha ko‘rib chiqilib, ularni hal etish bo‘yicha tegishli choralar belgilandi. Jumladan, ishga joylashish, kasb-hunar egallash, tadbirkorlik tashabbuslarini qo‘llab-quvvatlash va imtiyozli moliyaviy imkoniyatlardan foydalanish yuzasidan amaliy ko‘mak ko‘rsatish choralari belgilandi.

✔️Shuningdek, yoshlarning yangi tashabbuslarini qo‘llab-quvvatlash, mavjud imkoniyatlardan samarali foydalanish va ularni daromadli faoliyatga yo‘naltirish yuzasidan zarur tavsiya va tushuntirishlar berildi.

❕Bunday ochiq muloqotlar yoshlar bilan bevosita va samarali muloqotni yo‘lga qo‘yish, ularning muammolarini o‘z vaqtida aniqlash hamda har bir murojaat yuzasidan aniq amaliy choralarni belgilashga xizmat qilmoqda.

✅Telegram 🌐Instagram 📹YouTube✅Facebook