25-maktabdagi vaziyat o‘rganildi

Bugun Nurafshon shahri hokimi Muzaffar Saliyev “Evalak” mahallasidagi 25-umumiy o‘rta ta’lim maktabiga bordi.

Mamlakatimiz mintaqasiga kirib kelgan anomal sovuq iqlim sharoiti davrida bir qancha umumiy o‘rta ta’lim muassasalari isitish tizimi zarar ko‘rgani aniqlangan edi. Shahar hokimi 25-maktabdagi vaziyatni ko‘zdan kechirib, ta’lim muassasasini 2022/2023-o‘quv yili III choragiga o‘z vaqtida tayyorlash bo‘yicha ko‘rsatmalar berdi.

Xususan, maktab isitish tizimida yuzaga kelgan kamchiliklarni bartaraf etish yuzasidan zarur chora-tadbirlar olib borilmoqda

Ehson oshi tarqatildi

Bugun Nurafshon shahrida Tashqi iqtisodiq faoliyat Milliy banki Toshkent viloyati boshqarmasi homiyligi asosida ehson oshi tarqatildi.

Hozirda kuzatilayotgan anomal sovuq iqlim sharoitida aholining ijtimoiy himoyaga muhtoj qatlamini qo‘llab-quvvatlash maqsadida xayriya dasturxonlai tashkil etilmoqda. Xususan, bu ishga Milliy bankning viloyat boshqarmasi jamoasi ham hissa qo‘shib kelmoqda.

Shuningdek, ehson oshi Nurafshon shahrida mehnat qilayotgan Obodonlashtirish bo‘limi xodimlari va kommunal xizmatchilariga ham tarqatildi.

Shahar bo‘ylab mahallalarda ehson dasturxonlari tashkil etilishi davom etmoqda.

Bugungi kun fidoyilari

Bugungi kunda yurtimizga kirib kelgan anomal sovuq ta`sirida vujudga kelgan noqulayliklarni oldini olish va aholining ijtimoiy himoyaga muhtoj qatlamlariga ko`mak berish maqsadida turli xayriya tadbirlari amalga oshirilmoqda.

Jumladan, bunday tadbirlar mobaynida, anomal sovuq iqlim sharoitiga qaramay o‘z xizmat vazifasini sidqidildan ado etayotgan Obodonlashtirish bo‘limi xodimlari, kommunal soha vakillari va huquqni muhofaza qiluvchi organ xizmatchilarining mehnatlari tahsinga loyiq.

Ayniqsa, mamlakatimizning turli nuqtalaridan xayriya tadbirlariga kelgan vatandoshlarimiz bugungi kunning haqiqiy fidoyilaridir. Ular qatorida Toshkent harbiy okrugi xizmatchilari, oshpazlar: Samarqandlik Begzod Saimov hamda Qashqadaryo viloyatidan kelgan Bahrom Yo‘ldoshevni alohida e’tirof etish lozim.

Nurafshon shahri hokimligi va keng jamoatchiligi bugungi kun fidoyilaridan minnatdordir.

#Nurafshon_sayyor_qabul

Shahrimizdagi "Tong" madaniyat markazida shahar hokimi Muzaffar Saliyevning fuqarolar uchun navbatdagi sayyor qabuli o'tkazildi.

Unda fuqarolarning muammolari birma-bir eshitildi, murojaatlar atroflicha o'rganildi.

Aksariyat masalalar joyida hal qilindi.

Yechimini kutayotgan masalalar yuzasidan esa mutasaddi tashkilot vakillariga topshiriqlar berildi.

📲 Bizni kuzatib boring:👇

Sayt I Telegram I Facebook I Youtube