Nurafshonda "IIB Kubogi" uchun voleybol musobaqasi bo'lib o'tdi

Nurafshon shahridagi 13-sonli umumta'lim maktabi sport zalida shahar Ichki ishlar bo'limi tashabbusi bilan Yoshlar ishlari agentligi va shahar sport maktabi hamkorligida "IIB Kubogi" nomli voleybol musobaqasi o'tkazildi.

Mazkur musobaqada shahar mahallalaridan 16 yoshdan 30 yoshgacha bo'lgan o'g'il-qizlar ishtirok etishdi. Tadbirning asosiy maqsadi yoshlar o'rtasida sog'lom turmush tarzini targ'ib qilish, ularning jismoniy faolligini oshirish va sportga bo'lgan qiziqishni kuchaytirishdan iborat edi.

Musobaqa davomida jamoalar o'zaro murosasiz va qizg'in bahslarda kuch sinashdilar. Natijada, eng yaxshi natijalarni qo'lga kiritgan jamoalar faxrli o'rinlarga sazovor bo'lib, g'oliblar maxsus kubok va esdalik sovg'alari bilan taqdirlandilar.

Tashkilotchilar bunday sport tadbirlari yoshlarni faollikka undashini ta'kidlab, kelgusida ham shunday musobaqalarni muntazam o'tkazishni rejalashtirganliklarini bildirdilar.

#jarayon
#gulxan_shou

Yangiobod mahallasida "Gulxan Show" bayram tadbiri davom etmoqda

Ayni damda Yangiobod mahallasida shahar hokimligi va Yoshlar ishlari agentligi tashabbusi bilan ko‘tarinki ruhda "Gulxan Show" bayram tadbirlari bo‘lib o‘tmoqda. Tadbir doirasida shahar madaniyat bo‘limi tomonidan ijro etilayotgan qo‘shiqlar barchaga yuqori kayfiyat ulashmoqda.

Mahalla yoshlari uchun tashkil etilgan stol tennisi musobaqasi esa sportga bo‘lgan qiziqishni yanada oshirib, do‘stona muhit yaratmoqda. Shu bilan birga, gulxan atrofida vatanni madh etuvchi kuylar yangrayotgani barchada yurtga bo‘lgan muhabbat va g‘ururni yanada oshirmoqda.

Bayramona kecha davom etmoqda va u mahalla ahli uchun unutilmas xotiralarga boy bo‘lishi shubhasiz!

Nurafshon shahar hokimligi Axborot xizmati
Telegram |Facebook | Instagram |You tube | Web sayt