Nurafshon shahrini obodonlashtirish ishlari o‘rganildi

Toshkent viloyati hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari Sh.Maxmudov shahar hokimi I.Klichxanov hamrohligida Nurafshon shahrida amalga oshirilayotgan obodonlashtirish va qurilish ishlarini o‘rganish maqsadida joylarga chiqdi.

Tashrif davomida shaharga kiraverishdagi bog‘larning holati, ekilgan ko‘chatlarning saqlanishi va parvarishi hamda Toshkent yo‘li ko‘chasida amalga oshirilishi lozim bo‘lgan ishlar ko‘zdan kechirildi.

Mutasaddi rahbarlar tomonidan qurilish tashkilotlari, ko‘cha bo‘ylab joylashgan tashkilotlar va banklar, shuningdek, shahar obodonlashtirish boshqarmasi mas’ullariga aniq topshiriqlar berildi.

Shuningdek, ko‘cha bo‘ylab ekilgan ko‘chatlar uchun tashkil qilinayotgan sug‘orish tizimi ham ko‘rib chiqilib, tizimning samaradorligini ta’minlash bo‘yicha tegishli tavsiyalar bildirildi.

Telegram |Facebook | Instagram |You tube | Web sayt

Investitsiya dasturi doirasida maktab qurilishi o‘rganildi

Nurafshon shahri hokimi I.Klichxanov, O‘zbekiston Respublikasi Prezidenti Administratsiyasi huzuridagi ishchi guruh a’zolari, shahar Ichki ishlar bo‘limi rahbari hamda tegishli mutasaddilar ishtirokida investitsiya dasturi doirasida amalga oshirilayotgan qurilish ishlari bilan tanishdilar.

Tashrif davomida 19-sonli umumta’lim maktabi hududida 270 o‘ringa mo‘ljallangan, ikki qavatli yangi individual binoning qurilish jarayonlari ko‘zdan kechirildi. Yangi bino zamonaviy talab va standartlarga javob beradigan, o‘quvchilar uchun qulay va samarali ta’lim muhiti yaratishga qaratilgan.

Mutasaddilar tomonidan qurilish ishlari sifati, belgilangan muddatlarga rioya qilinishi hamda xavfsizlik choralari yuzasidan tegishli topshiriq va tavsiyalar berildi

Nurafshon shahar hokimligi Axborot xizmati
Telegram |Facebook | Instagram |You tube | Web sayt