#obodonlashtirish

Shahar obodonlashtirish boshqarmasi xodimlari tomonidan shahar hududida obodonlashtirish ishlari olib borilmoqda.

Jumladan, Bobur ko‘chasi bo‘ylab sug‘orish tizimi orqali daraxt ko‘chatlari sug‘orilmoqda, Toshkent yo‘li ko‘chasida esa gul ekish, gullarni parvarishlash hamda begona o‘tlardan tozalash ishlari amalga oshirilmoqda.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

Nurаfshon shahrida tashqi reklama tartibi yuzasidan profilaktik tadbir o‘tkazildi

2025-yil 24-iyul kuni Toshkent viloyati Nurafshon shahri Bobur ko‘chasida tadbirkorlar tomonidan qonunbuzarlik holatida o‘rnatilgan reklama bannerlari yuzasidan tegishli tashkilotlar ishtirokida targ‘ibot va tushuntirish ishlari amalga oshirildi.

Tadbir davomida tadbirkorlarga tashqi reklama faoliyatini tartibga soluvchi amaldagi qonunchilik normalari haqida batafsil ma’lumot berildi. Jumladan, reklama konstruktsiyalari mas’ul tashkilotlar bilan kelishilgan holda o‘rnatilishi lozimligi alohida ta’kidlandi.

Bunday profilaktik tadbirlar reklamalarni qonuniy asosda joylashtirish, shahar estetik qiyofasini saqlash hamda tadbirkorlar o‘rtasida huquqiy ong va madaniyatni oshirishga xizmat qiladi.

E’tibor bering!

📌 Har qanday tashqi reklama — banner, pano, billboard va boshqalar — mahalliy hokimiyat va mas’ul tashkilotlar bilan kelishilgan holdagina o‘rnatilishi shart.
📌 Ruxsatsiz (noqonuniy) o‘rnatilgan reklama bannerlari uchun ma’muriy javobgarlik belgilangan.
O‘zbekiston Respublikasining Ma’muriy javobgarlik to‘g‘risidagi kodeksiga asosan jarima qo‘llanilishi mumkin.
📌 Qonunga zid ravishda o‘rnatilgan bannerlar majburiy ravishda olib tashlanadi, bu esa qo‘shimcha xarajatlarga olib keladi.

Shahrimizni obod va qonuniy saqlashda birgalikda harakat qilaylik.

Nurafshon shahar hokimligi Axborot xizmati
Telegram |Facebook | Instagram |You tube | Web sayt