Nurafshonda navbatdagi sayyor qabul: fuqarolar bilan yuzma-yuz muloqot

Aholi muammolarini joyida hal etish, fuqarolar bilan ochiq muloqot olib borish maqsadida tashkil etilayotgan sayyor qabullar Nurafshon shahrida izchil davom etmoqda.

Bugun navbatdagi sayyor qabul Respublika ishchi guruhi va Nurafshon shahri hokimi I.Klichxanov boshchiligida “Oppoq” mahallasida bo‘lib o‘tdi. Qabul Viloyat Barkamol avlod bolalar maktabi binosida tashkil etilib, unda mahalla aholisi o‘zlarini qiynayotgan masalalar bilan mutasaddilarga bevosita murojaat qilish imkoniyatiga ega bo‘lishdi.

Mazkur ochiq muloqotda Prezident Administratsiyasi huzuridagi ishchi guruh a’zolari, shuningdek IIB boshlig‘i A.Yuldashev, shahar prokurori o‘rinbosari A.Olimov, kadastr, sog‘liqni saqlash, bandlik, tadbirkorlik, yo‘l infratuzilmasi va boshqa sohalar rahbarlari ishtirok etdilar.

Sayyor qabul davomida fuqarolarning quyidagi yo‘nalishlardagi dolzarb muammolari ko‘rib chiqildi:
🔹 elektr energiyasi ta’minoti,
🔹 yer hujjatlarini rasmiylashtirish,
🔹 tibbiy xizmatlardan foydalanish,
🔹 ishsizlik va bandlik,
🔹 tadbirkorlikni boshlash,
🔹 subsidiya ajratilishi,
🔹 ichki yo‘llarni ta’mirlash,
🔹 mahalladagi xavfsizlikni ta’minlash.

Ko‘tarilgan masalalar yuzasidan mutasaddilarga aniq topshiriqlar berildi va ayrim murojaatlar joyida hal etildi.

Sayyor qabullar orqali fuqarolar muammolarini hal etish, ularga amaliy yordam ko‘rsatish, ijtimoiy himoyani kuchaytirish hamda aholi ishonchini mustahkamlashga xizmat qilmoqda.

Nurafshon shahar hokimligi Axborot xizmati
Telegram |Facebook | Instagram |You tube | Web sayt