Ma'rifat mahallasida sayyor qabul: fuqarolar murojaatlari tinglandi

Aholining turmush sharoitini yaxshilash, muammolarini joyida hal etish va takliflarini tinglash maqsadida Nurafshon shahrida navbatdagi sayyor qabul tashkil etildi.

Nurafshon shahri Ma’rifat mahalla fuqarolar yig‘ini binosida bo‘lib o‘tgan qabulda shahar hokimligi bosh yuriskonsulti A. Muqimov, shahar ichki ishlar bo‘limi boshlig‘i o‘rinbosari Sh. Tilavov, Xalq deputatlari Nurafshon shahar Kengashi kotibiyati mudiri K. Umarbayev hamda tegishli korxona va tashkilot rahbarlari ishtirok etdilar.

Qabul davomida 23 nafar fuqaroning murojaatlari tinglandi. Ular orasida moddiy yordam, kadastr hujjatlarini rasmiylashtirish, uy-joy ta’miri, kredit olish, yo‘llarni asfaltlash, ichimlik suvi, kontrakt to‘lovlari va ko‘cha chiroqlarini o‘rnatish masalalari ko‘tarildi.

Murojaatlarning aksariyati joyida hal etildi. Muddat talab qiluvchi masalalar esa tegishli tashkilotlarga yo‘naltirilib, ijrosi qat’iy nazoratga olindi.

Shahrimiz chiroyiga chiroy qo‘shilmoqda

Nurafshon shahrida hududlarni obodonlashtirish ishlari izchil davom etmoqda. Jumladan, Toshkent yo‘li ko‘chasi bo‘ylab aholiga qulay va ko‘rkam muhit yaratish maqsadida landshaft dizayni asosida turli xil manzarali gullar ekilib, turli dekoratsiyalar o‘rnatilmoqda.

Shahar hokimi I. Klichxanov olib borilayotgan obodonlashtirish ishlari bilan tanishib, hududni yanada go‘zal ko‘rinishga keltirish borasida mas’ullarga tegishli topshiriqlar berdi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt