Nurafshonda yangi maishiy xizmat va savdo obyekti foydalanishga topshirildi

Mustaqilligimizning 34 yilligi arafasida Nurafshon shahrida zamonaviy maishiy xizmat ko‘rsatish va savdo obyekti foydalanishga topshirildi.

Uch qavatdan iborat mazkur bino aholining kundalik ehtiyojlarini qondirishga xizmat qiladi. Birinchi qavatda kiyim-kechak, o‘quv qurollari va bolalar uchun kiyimlar do‘konlari joylashtirilgan. Ikkinchi qavatda ushbu xizmatlardan tashqari sartaroshlik faoliyati yo‘lga qo‘yilgan bo‘lsa, uchinchi qavatda o‘quv kurslari uchun xonalar tashkil etilgan.

Ochilish marosimida shahar hokimining birinchi o‘rinbosari A. Eshbayev, Xalq deputatlari shahar kengashi deputatlari, nuroniylar va mahalla faollari ishtirok etib, ushbu maskan aholi uchun yaratilgan qulayliklar haqida fikr bildirishdi.

Mazkur savdo va xizmat ko‘rsatish markazi Nurafshonliklarning ijtimoiy-iqtisodiy hayotida muhim o‘rin egallashi, aholiga sifatli xizmat ko‘rsatishda keng imkoniyatlar yaratishi ta’kidlandi.

Telegram |Facebook

Mahallalar rivojiga e’tibor – Taraqqiyotda yangi bino ochildi

Mustaqilligimizning shonli 34 yilligi arafasida Nurafshon shahridagi Taraqqiyot mahalla fuqarolar yig‘inining yangi binosi ochilish marosimi bo‘lib o‘tdi.

Tantanali tadbirda shahar hokimining birinchi o‘rinbosari A. Eshbayev, Xalq deputatlari shahar kengashi deputatlari, nuroniylar hamda mahalla faollari ishtirok etishdi.

Ochilish marosimi doirasida osh damlanib, aholiga tarqatildi. Tadbirda duolar qilinib, yurtimiz tinchligi, farovon hayotimiz barqarorligi uchun minnatdorlik bildirildi. Ishtirokchilar yurtboshimiz tomonidan mahallalar rivoji yo‘lida yaratilayotgan keng imkoniyatlardan mamnun ekanliklarini ta’kidladilar.

Mazkur yangi bino aholiga xizmat ko‘rsatishda yanada qulay sharoitlar yaratib, mahalla fuqarolar yig‘ini faoliyatining samaradorligini oshirishga xizmat qiladi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

#NurafshonMFY
#tuhfa

🇺🇿 Yangi imkoniyatlar sari Nurafshon!

Mustaqilligimizning 34 yilligi arafasida Nurafshon shahrining “Nurafshon” mahallasi yangi binosi tantanali ravishda foydalanishga topshirildi.

Ochilish marosimi yurtimiz taraqqiyotining yorqin ramzi bo‘lib, unda mahallamiz yoshlari, oqila ayollar, nuroniylarimiz hamda faol fuqarolarimiz bir safda ishtirok etishdi. Yangi bino mahallamiz hayotiga fayz, quvonch va yangicha ruh bag‘ishladi.

Shu orqali “Nurafshon” mahallasi ahli o‘zining ezgu orzulari ushalganining guvohi bo‘ldi. Bu nafaqat bir binoning ochilishi, balki mahallamizning kelajak sari dadil qadamlarining boshlanishi bo‘ldi.

#NurafshonMFY #Tuhfa #Mustaqillik34 #YangiQadam #FayzliMahalla

Nurafshon shahar hokimligi Axborot xizmati
Telegram |Facebook | Instagram |You tube | Web sayt

Yangiobod mahallasida to‘qqiz qavatli zamonaviy uy foydalanishga topshirildi

Mustaqillik bayrami arafasida Nurafshon shahri Yangiobod mahalla fuqarolari yig‘ini hududida 79 xonadondan iborat zamonaviy ko‘p qavatli uy foydalanishga topshirildi.

Tantanali tadbirda shahar hokimining birinchi o‘rinbosari A. Eshbayev, shahar hokimi o‘rinbosari F. Shomurodov, Xalq deputatlari shahar kengashi deputatlari, nuroniylar hamda mahalla faollari ishtirok etishdi.

To‘qqiz qavatli ushbu turar-joy majmuasi “Modern-Bright Group” MCHJ tomonidan barpo etildi. Binoda 1 xonali, 2 xonali va 3 xonali zamonaviy kvartiralar joylashtirilgan. Shuningdek, majmua aholiga qulaylik yaratish maqsadida zamonaviy liftlar, bolalar maydonchalari va boshqa infratuzilmaviy imkoniyatlar bilan ta’minlangan.

Mazkur yangi uy-joy majmuasi Nurafshon shahrida aholining turmush darajasini yanada yaxshilash, yosh oilalarning uy-joyga bo‘lgan ehtiyojini qondirishda muhim qadam bo‘lib xizmat qiladi.

Telegram |Facebook | Instagram |You tube | Web sayt