🚒👮 Nurafshon shahar hududida kuz- qish mavsumiga tayyorgarlik bo‘yicha keng qamrovli targ‘ibot ishlari olib borildi

Nurafshon shahri Favqulodda vaziyatlar bo‘limi tomonidan aholi xavfsizligini ta’minlash, favqulodda vaziyatlarning oldini olish hamda paxta yig‘ish ombirlarida yong‘in va boshqa turdagi texnogen xavf-xatarlarning oldini olishga qaratilgan profilaktik tadbirlar izchil davom ettirilmoqda.

Shuningdek, qurilish obyektlarida  fuqarolarga va mas’ul shaxslarga yozma va og‘zaki tarzda tushuntirishlar berilib, eslatma va bukletlar tarqatildi. Aholi orasida yong‘in xavfsizligi hamda is gazidan zaharlanishning oldini olish va boshqa dolzarb mavzularda tushuntirish ishlari olib borildi hamda fuqarolarning ogohligini oshirish, hayot va mulk xavfsizligini ta’minlash hamda kuz-qish mavsumida sodir bo‘lishi mumkin bo‘lgan favqulodda holatlarning oldini olishdir.

#BSK_faoliyatidan

Nurafshon shahrida ko‘p qavatli uylarni kuz-qish mavsumiga tayyorlash ishlari olib borilmoqda

Nurafshon shahrida ko‘p qavatli uylar aholiga qulay sharoit yaratish maqsadida boshqaruv servis kompaniyalari tomonidan rejalashtirilgan ta’mirlash va obodonlashtirish ishlari olib borilmoqda.

Xususan, “Toy tepa Yuksak Servis” BSK tomonidan uylarning kirish yo‘laklari mukammal ta’mirlandi, temir eshiklari bo‘yab chiqildi hamda tom qismlari joriy ta’mirdan chiqarildi.

Mazkur tadbirlar aholini kuz-qish mavsumiga tayyorlash, uy-joylardan xavfsiz va qulay foydalanish imkoniyatini yaratishga qaratilgan bo‘lib, ishlar bosqichma-bosqich amalga oshirilmoqda.

Telegram |Facebook | Instagram |You tube | Web sayt

Oilalarni yarashtirish bo‘yicha amaliy tadbir o‘tkazildi

Toshkent viloyatida sud idoralariga ajrashish uchun murojaat qilgan oilalar bilan individual suhbatlar o‘tkazish va ularni murosaga keltirish bo‘yicha Viloyat hokimligi hamda Viloyat sudi tomonidan tasdiqlangan hamkorlik dasturi doirasida Nurafshon shahridagi “Tong” madaniyat binosida tadbir tashkil etildi.

Unda Nurafshon shahar hokimi o‘rinbosari N. Djumanova, shahar “Oqila ayollar” harakati rahbari K. Rasulova, tibbiyot bo‘limi mutaxassislari, “Nuroniy” jamg‘armasi, xotin-qizlar faollari, yoshlar, shuningdek Nurafshon shahar IIB XPB katta inspektori L. Baxtiyorova, “Nuroniylar” jamg‘armasi raisi o‘rinbosari R. Radjapov, Mahalla uyushmasi bo‘lim boshlig‘i Z. Maxsudova, O‘rta Chirchiq IIB XPB katta inspektori B. Turg‘unova hamda O‘rta Chirchiq tumani hokimining o‘rinbosari, oila va xotin-qizlar bo‘limi boshlig‘i G. Kushmatova ishtirok etdilar.

Tadbir davomida oilalar bilan yakka tartibda suhbatlar o‘tkazilib, ajrimlarning oldini olish, murosaga kelish va oilaviy qadriyatlarni mustahkamlash masalalarida tushuntirishlar berildi.

Natijada sudga murojaat qilgan 20 ta oilaning 8 tasida kelishuvga erishildi. Shu orqali 21 nafar bolaning oilasi saqlanib qoldi va ularning ota-ona mehridan ayrilib qolishi oldi olindi.

Mazkur tashabbus oilalarni asrash, jamiyatda sog‘lom muhitni shakllantirish hamda ajrimlarning oldini olishga qaratilgan ezgu sa’y-harakatlarning amaliy ko‘rinishi bo‘ldi.

Telegram |Facebook | Instagram |You tube | Web sayt

#sessiya

Xalq deputatlari Nurafshon shahri Kengashining o‘ninchi sessiyasi bo‘lib o‘tdi

Nurafshon shahrida Xalq deputatlari shahar Kengashining o‘ninchi sessiyasi bo‘lib o‘tdi. Sessiya kengash raisi — Nurafshon shahri hokimi I. Klichxanov boshchiligida o‘tkazildi. Unda xalq deputatlari, shahar hokimining o‘rinbosarlari hamda tegishli tashkilotlar rahbarlari ishtirok etdilar.

Kun tartibiga bir qator dolzarb masalalar kiritildi. Jumladan:

Shahar prokuraturasi tomonidan 2025-yilning birinchi yarim yilligida qonuniylikni ta’minlash borasida amalga oshirilgan ishlar yuzasidan shahar prokurori o‘rinbosari A. Olimov hisobot berdi.

Jamoatchilik fikri asosida shakllangan va ovoz berish natijalari bo‘yicha g‘olib deb topilgan takliflarni tanlab olish hamda ularga mablag‘ yo‘naltirish masalasi yuzasidan Nurafshon shahar Iqtisodiyot va moliya bo‘limi boshlig‘ining birinchi o‘rinbosari Sh. Ergashev ma’ruza qildi.

Mahallalarda tadbirkorlikni rivojlantirish, aholi bandligini ta’minlash va kambag‘allikni qisqartirish bo‘yicha hokim yordamchilarining faoliyati samaradorligi to‘g‘risida shahar Kambag‘allikni qisqartirish va bandlikka ko‘maklashish bo‘limi rahbari M. Xudaykulov ma’lumot berdi.

“Toshkent suv ta’minoti” AJ Nurafshon shahar bo‘limi rahbari M. Xoliqov amalga oshirilayotgan ishlar haqida axborot berdi.

Sanitariya-epidemiologik osoyishtalik va jamoat salomatligi bo‘limi rahbari A. Marupov 2025-yilning birinchi yarim yilligida amalga oshirilgan ishlar bo‘yicha hisobot berdi.

Sessiya yakunida “Inson” ijtimoiy xizmatlar markaziga mablag‘ ajratish masalasi ham ko‘rib chiqildi.

Sessiya davomida ko‘rilgan masalalar atroflicha muhokama qilindi.

Telegram |Facebook | Instagram |You tube | Web sayt