📢 ЭЪЛОН

💼 Бўш иш ўринлари

💻 Лавозим: Аҳоли ва қишлоқ хўжалигини рўйхатга олишни ташкил этиш ва ўтказиш бўйича мутахассис (6 ойлик вақтинча иш)

Мутахассис юклатилган вазифаларни масъулият билан ва самарали бажарган тақдирда, уни доимий ишга қабул қилиш масаласи ташкилот томонидан кўриб чиқилиши мумкин.

🏢 Ташкилот: Ўзбекистон Республикаси Миллий статистика қўмитасининг ҳудудий статистика бошқармалари (Қорақалпоғистон Республикаси, вилоятлар ва Тошкент шаҳар статистика бошқармалари)

📄 Ҳуқуқий асос: Ўзбекистон Республикаси Президентининг 2025 йил 19 сентябрдаги “Ўзбекистон Республикасида аҳоли ва қишлоқ хўжалигини рўйхатга олиш тадбирини ўтказиш тўғрисида”ги ПФ-173-сон Фармони

🔹 Талаб ва малакалар:

• Олий маълумот (иқтисодиёт, статистика, демография, социология, ахборот технологиялари йўналишлари устувор);

• Давлат бошқаруви ва маҳаллий давлат ҳокимияти органларида ишлаш тажрибаси;

• Рўйхатга олиш жараёнлари бўйича миллий меъёрий ҳужжатлар ва йўриқномалар билан ишлай олиш;

• Сўровнома ва ҳисобот шакллари билан ишлаш кўникмалари;

• Жамоа билан ишлаш ва аҳоли билан мулоқот қилиш кўникмалари;

• Компьютер дастурлари (Word, Excel) ва асосий ахборот тизимларидан фойдалана олиш;

• Ўзбек тилини мукаммал билиши шарт; рус тилини кундалик ишда қўллай олиши лозим.

✅ Вазифалар:

• Рўйхатга олиш соҳаси бўйича меъёрий-ҳуқуқий ҳужжатлар, ташкилий чора-тадбирлар ва Республика комиссияси ҳужжатларининг белгиланган муддатларда бажарилиши таъминланишига масъул бўлиш;

• Рўйхатга олиш тадбири юзасидан аҳоли ўртасида тарғибот-ташвиқот ишларини ташкил этиш (кўрсатув ва радиоэшиттиришлар, семинарлар ва бошқалар) ҳамда ушбу масала бўйича ҳудудларда амалга оширилаётган ишлар координациясини юритиш;

• Туман ва шаҳарларда рўйхатга олишга тайёргарлик ва уни ўтказиш жараёнларида тузиладиган ҳудудий комиссиялар ва штаблар, шунингдек рўйхатга олиш ва ҳисоб участкалари фаолиятини мувофиқлаштириш ва амалий қўллаб-қувватлаш;

• Ҳудудларда вақтинча жалб этиладиган “Маҳалла еттилиги” ходимлари рўйхатини шакллантириш, янгилаб бориш ва уларни ўқитиш ишларида иштирок этиш;

• Ҳудудий кадастр органлари билан ҳамкорликда маҳалла хариталарини янгилаш ҳамда туман-шаҳарларнинг ташкилий режаларини тузиш ишларини мувофиқлаштириш;

• Рўйхатга олиш жараёнларини сифатли ўтказилишини таъминлашда иштирок этиш ва рўйхатга оид статистик кўрсаткичларнинг ишончлилигини, ҳаққонийлигини, тўлиқлигини ва тизимлилигини таъминлаш;

📅 Ишлаш даври: 6 ой — 2025 йил 1 октябрдан 2026 йил 1 апрелга қадар.

💸 Иш ҳақи: 6 млн сўмдан юқори.

📩 Резюме юбориш учун манзиллар:

kadr@stat.uz
Z.Talipova@stat.uz