#giyohvandlikka_qarshi

✅Nurafshon shahar 57-sonli umumiy o‘rta ta’lim maktabida 8-sinf o‘quvchilari o‘rtasida Nurafshon shahar IIB HPB Voyaga yetmaganlar masalalari bo'yicha katta inspektor-psixolog, kapitan M. Jumaboyeva hamda maktab ma’muriyati hamkorligida "Biz giyohvandlikka qarshimiz!" mavzusida tadbir o‘tkazildi.

Tadbir davomida yoshlar o‘rtasida giyohvandlik vositalari, psixotrop moddalar va kuchli ta’sir qiluvchi preparatlarning iste’moli hamda ularning noqonuniy aylanmasi bilan bog‘liq holatlarni oldini olish, shuningdek, unga qarshi kurashish bo‘yicha profilaktik tushuntirish ishlari olib borildi. Tadbirda mavzuga oid videorolik ham namoyish etildi.

✍️Nurafshon shahar hokimligi Axborot xizmati

#ofarin

Sportchilarimiz musobaqada yetakchilar qatorida

“Prezident Olimpiadasi” sport musobaqasi davom etmoqda. E’tiborli jihati shundaki, viloyatimiz sportchilari g‘alabaga bo‘lgan qat’iyati, mahorati va yuksak ruhiy tayyorgarligi bilan yuqori natijalarni qayd etishmoqda.

🥇Xususan, og‘ir atletika yo‘nalishida +102 kg vazn toifasida erkaklar o‘rtasida o‘tkazilgan bellashuvlarda viloyatimiz polvoni Xasanboy Xolmuratov barcha raqiblaridan ustun kelib, munosib ravishda oltin medalni qo‘lga kiritdi.

🥇Shuningdek, taekvondo WT yo‘nalishida 59 kg vazn toifasida ishtirok etgan Jasur Karimov va +68 kgda Asrorova Sitoralar yuqori mahorat, tezlik va jangovar ruhini namoyon etib, o‘z raqiblari orasida tengsizligini isbotlashdi hamda faxrli birinchi o‘rinni egalladi.

Shunday qilib, qo‘lga kiritilgan medallar yig‘indisi bo‘yicha Toshkent viloyati umumjamoa hisobida 2-o‘rinda bormoqda.

✍️Nurafshon shahar hokimligi Axborot xizmati

#yashil_makon

✅Nurafshon shahar Obodonlashtirish boshqarmasi xodimlari joylarda obodonlashtirish tadbirlarini muntazam amalga oshirmoqda. Ular yo'l bo'ylari va guzarlarni, shuningdek, "Yashil makon" umummilliy harakati doirasida yangi tashkil etilgan bog' hududlarida ko'kalamzorlashtirish ishlarini yuritmoqda. Bu tadbirlar shahar infratuzilmasini yaxshilash va yashil maydonlarni kengaytirishga qaratilgan bo'lib, aholi uchun qulay va sog'lom muhit yaratishga xizmat qiladi.


✍️Nurafshon shahar hokimligi Axborot xizmati

#sport

1-ligaga o‘tish turniriga start berildi

⚽️Futbol bo'yicha 1-ligaga o‘tish turniriga start berildi. Jizzax viloyatida bo‘lib o‘tayotgan ushbu musobaqada Toshkent viloyati vakili — NURAFSHON jamoasi ham ishtirok etmoqda.

Toshkent viloyati nomidan Nurafshon jamoasiga ushbu turnirda ulkan omad tilaymiz! Jamoamizga ishonamiz va yaxshi natijalarni kutib qolamiz

.

✍️Nurafshon shahar hokimligi Axborot xizmati

#targ'ibot

Konstitutsiya — huquqiy davlat kafolati

👉O‘zbekiston Respublikasi Konstitutsiyasining 33 yilligi munosabati bilan Nurafshon shahridagi mahallalarda “Konstitutsiya – huquqiy davlat kafolati” mavzusida huquqiy targ‘ibot tadbirlari bo'lib o'tmoqda.

Ana shunday tadbirlardan biri “Qumariq” mahallasida tashkil etildi. Tadbirda shahar hokimligi bosh yuriskonsulti A. Muqimov ishtirok etib, aholi bilan uchrashuvlar o‘tkazdi va Konstitutsiyaning ahamiyati hamda huquqiy davlat barpo etish yo‘lidagi islohotlar haqida tushuntirishlar berdi.

✅Mazkur tadbir aholining huquqiy ongi va madaniyatini oshirishda muhim ahamiyat kasb etdi.

✍️Nurafshon shahar hokimligi Axborot xizmati

Mahallalarda xavfsiz muhit yaratish bo‘yicha PQ–1 qarori ijrosiga bag'ishlangan tadbirlar

✅ Joriy yil 3-yanvar kuni qabul qilingan PQ‑1‑sonli qarorining ijrosi bo‘yicha bugun Nurafshon shahar prokuraturasi binosida tahliliy-tanqidiy yig‘ilish bo‘lib o‘tdi.

👉Shahar hokimi I. Klichxanov, prokuror T. Karimov va IIB boshlig‘i A. Yuldashevlar boshchiligida o'tgan yig'ilishda:
- qarorning mahallalarda xavfsizlikni ta’minlash va huquqbuzarliklar profilaktikasi bo‘yicha asosiy yo‘nalishlari qayta ko‘rib chiqildi;
- jamoat tartibini saqlash, mahalla faollarining, ijtimoiy tashkilotlarning va fuqarolarning ishtirokini ta’minlash orqali jami mas’uliyatni kengaytirish bo‘yicha aniq vazifalar belgilandi;
- profilaktika, monitoring va tezkor choralar tizimi — mahalla, huquq-tartibot organlari va jamoat strukturalari o‘rtasida hamohanglikda amalga oshirilishi lozimligi ta’kidlandi.

✍️Nurafshon shahar hokimligi Axborot xizmati