Yo‘llar va ko‘p qavatli uylar hududlarida qor tozalash ishlari amalga oshirilmoqda

✅ Nurafshon shahrida qish mavsumi talablaridan kelib chiqib, yo‘llar, ko‘chalar va ko‘p qavatli turar-joylar hududlarida qor tozalash va muzlamalarning oldini olish ishlari izchil ravishda amalga oshirilmoqda.

🔹Nurafshon shahridagi "To‘ytepa Yuksak Servis" MCHJ boshqaruv servis kompaniyasi (BSK) xodimlari tomonidan ko‘p qavatli uylar oldi va ularning kirish yo‘laklari muntazam ravishda qordan tozalanib, xavfsizlik chorasi sifatida tuz va qum aralashmasi sepilmoqda. Bu esa nafaqat transport vositalari, balki piyodalar, ayniqsa bolalar va nuroniylarning harakati uchun ham qulay va xavfsiz sharoit yaratilishiga xizmat qiladi.

✍️ Nurafshon shahar hokimligi Axborot xizmati

"Degantepa" va "Dehqonobod" mahallalarida yangi yil bayrami tadbirlari o'tkazildi

📅 2025-yil 20-dekabr holatiga

🔹Yangi - 2026-yil kirib kelishi munosabati bilan butun Respublikamiz bo‘ylab ko‘tarinki ruhda bayram tadbirlari o‘tkazilmoqda.

🔹Nurafshon shahri hokimi I. Klichxanov tomonidan tasdiqlangan reja-grafik asosida 2025-yil 20-dekabrdan 30-dekabrgacha 16 ta mahalla fuqarolar yig‘inlarida keng ko‘lamli bayram tadbirlari va konsert dasturlari bo‘lib o‘tmoqda.

Jumladan, 20-dekabr kuni "Dehqonobod" va "Degantepa" mahallalarida aholi uchun quvonchli va ko‘ngilochar konsert dasturlari tashkil etildi. Noqulay ob-havo sharoiti sababli mazkur tadbirlar "Tong" madaniyat saroyida o‘tkazildi. Tadbirlar jarayonida shahar Madaniyat bo‘limi san’atkorlari tomonidan ijro etilgan kuy-qo‘shiqlar, raqslar va sahna ko‘rinishlari barchaga bayramona kayfiyat ulashdi.

🔹Yangi yil shodiyonalari tashrif buyurganlarga unutilmas lahzalar, iliq taassurotlar bag'ishladi.

Yo‘llarni qordan tozalash, qum va tuz aralashmasi sepish ishlari davom etmoqda

Nurafshon shahrida qish mavsumida aholi va transport vositalari harakati uchun xavfsiz sharoit yaratish maqsadida keng ko‘lamli ishlar amalga oshirilmoqda. Nurafshon shahar IIB Yo'l harakati xavfsizligi bo'limi va shahar Obodonlashtirish boshqarmasi xodimlari tomonidan Nurafshon hududidan o'tgan D-002 (Bektemir-Qorasuv - Ohangaron), D-022 (Nurafshon-Oqqo'rg'on) hamda D-020 (Qorasuv-Bo'ka-Bekabod) avtomobil yo'llari hamda piyodalar yo‘laklari maxsus texnikalar yordamida muntazam qordan tozalanmoqda.

🔹Muzlamalarning oldini olish uchun yo‘llarga qum va tuz aralashmasi sepilmoqda. Ushbu chora-tadbirlar natijasida shahar bo‘ylab harakat xavfsizligi ta’minlanib, fuqarolar uchun qulay va osoyishta muhit yaratilmoqda.

✍️ Nurafshon shahar hokimligi Axborot xizmati

Nurafshon shahrida yo‘l harakati xavfsizligini ta’minlash maqsadida tizimli va tezkor amaliy choralar ko‘rildi

🔹20-dekabr kuni tun bo'lishiga qaramasdan shahar Obodonlashtirish boshqarmasi hamda Yo'l harakati xavfsizligi bo'limi hamkorligida maxsus texnika vositalari jalb etilib, asosiy va ichki ko‘chalarda yo‘llarga qum-tuz aralashmasi sepildi. Ushbu tadbirlar sovuq ob-havo sharoitida muzlama yuzaga kelishining oldini olish, transport vositalari va piyodalar harakatini xavfsiz hamda uzluksiz ta’minlashga qaratilgani bilan ahamiyatlidir.

✍️ Nurafshon shahar hokimligi Axborot xizmati

Nurafshon shahri hokimi shifoxonadagi issiqlik tizimi va sharoitlarni o‘rgandi

2025-yil 20-dekabr kuni kechki vaqtda Nurafshon shahar hokimi I. Klichxanov tibbiyot birlashmasida bo'ldi.

🔹O‘rganish jarayonida qish mavsumida muassasadagi issiqlik tizimlari ishlashi, palatalardagi harorat darajasi, bemorlar uchun yaratilgan sharoitlar hamda noqulay ob-havo sharoitida shifoxonaga kirish va ichki yo‘llarda harakatlanish qulayligi kabi masalalar ko‘rib chiqildi.

Shahar hokimi joyiga chiqib, mavjud vaziyatni ko‘zdan kechirdi hamda aniqlangan ayrim kamchiliklarni bartaraf etish bo‘yicha mas’ullarga aniq topshiriqlar berdi. Bemorlar uchun qulay sharoitlarni yaratish yuzasidan tegishli chora-tadbirlar belgilandi.

✍️ Nurafshon shahar hokimligi Axborot xizmati