Prezident Murojaatnomasi va “O‘zbekiston – 2030” strategiyasi mazmun-mohiyati keng targ‘ib etilmoqda

Joriy yilning 16-yanvar kuni “Oybek” MFY hududida joylashgan 12-sonli musiqa va san'at maktabi binosida O‘zbekiston Respublikasi Prezidenti Shavkat Mirziyoyevning Oliy Majlisga va O‘zbekiston xalqiga qilgan Murojaatnomasi hamda “O‘zbekiston – 2030” strategiyasining mazmun-mohiyati va ahamiyatiga bag‘ishlangan keng qamrovli targ‘ibot tadbiri bo‘lib o‘tdi.

Mazkur tadbir “Obod” va "Ma'rifat" mahalla fuqarolar yig‘ini aholisi uchun tashkil etildi. Unda Respublika ishchi guruhi a'zolari O. Musurmonqulov va B. Chinazbekov, mahalla faollari, yoshlar va keng jamoatchilik vakillari ishtirok etdi.

Targ‘ibot tadbirida shahar hokimi Ilxom Klichxanov asosiy ma’ruza bilan ishtirok etib, Prezident Murojaatnomasida belgilangan ustuvor vazifalar, islohotlarning asosiy yo‘nalishlari hamda ko‘zda tutilgan maqsad va vazifalarni aholiga batafsil va sodda tilda tushuntirib berdi.

Uchrashuv savol-javob ruhida bo'lib o'tdi.

Nurafshon shahrida 2026-yilda “Aholi va qishloq xo‘jaligini ro‘yxatga olish” tadbirini yuqori saviyada tashkil etish masalalariga bag‘ishlangan yig‘ilish bo‘lib o‘tdi.

O‘zbekiston Respublikasi Prezidentining 2025-yil 19-sentyabrdagi PF–173-sonli farmoni ijrosini ta’minlash, shuningdek, Nurafshon shahrida 2026-yilda “Aholi va qishloq xo‘jaligini ro‘yxatga olish” tadbirini yuqori saviyada tashkil etish masalalariga bag‘ishlangan yig‘ilish bo‘lib o‘tdi.

Yig‘ilish Nurafshon shahar prokurori T.Karimov va shahar Ichki ishlar bo‘limi boshlig‘i A.Yuldashevlar boshchiligida o‘tkazildi. Unda mas’ul idora va tashkilot rahbarlari ishtirok etib, aholini ro‘yxatga olish jarayonida qonuniylikni ta’minlash, jamoat tartibini saqlash, aholi o‘rtasida tushuntirish ishlarini kuchaytirish hamda hamkorlikda ish olib borish masalalari muhokama qilindi.

Yig‘ilish yakunida belgilangan vazifalar ijrosini ta’minlash bo‘yicha tegishli ko‘rsatma va topshiriqlar berildi.

✍️Nurafshon shahar hokimligi Axborot xizmati