🇺🇿 Davlat tili — millat ma’naviyatining ustuni! ✨

Davlat tilining jamiyat hayotidagi nufuzi va mavqeyini yuksaltirish 📈, davlat xizmatchilarining yozma savodxonligini oshirish ✍️ hamda O‘zbekiston Respublikasi Prezidentining davlat tilini rivojlantirishga qaratilgan farmon va qarorlarida belgilangan vazifalar ijrosini ta’minlash maqsadida Nurafshon shahrida namunaviy “Ommaviy diktant” tadbiri tashkil etildi 📚.

Mazkur tadbirda Nurafshon shahri hokimi I. Klichxanov, shahar hokimligi xodimlari hamda tashkilot va muassasalar rahbarlari va xodimlari faol ishtirok etdilar 🤝. Bu esa davlat tilida ish yuritish madaniyatini oshirish masalasiga amaliy yondashuv namoyon etilganini ko‘rsatdi ✅.

Davlatimiz rahbari o‘z chiqishlarida davlat tiliga hurmat millat ma’naviyati va milliy o‘zlikni anglashning muhim mezoni ekanini, o‘zbek tili esa jamiyatni birlashtiradigan, xalqni xalq qiladigan beqiyos ma’naviy kuch ekanini bir necha bor ta’kidlab o‘tgan ✨.

Ana shu ezgu g‘oyalar asosida Nurafshonda tashkil etilgan ushbu ommaviy diktant tadbiri davlat xizmatchilarining mas’uliyatini oshirish, tilga bo‘lgan munosabatni yanada kuchaytirish hamda davlat tilida ish yuritish madaniyatini yuksaltirishga xizmat qildi.

Davlat tilini asrash va ulug‘lash — barchamizning umumiy burchimiz! 🇺🇿

https://t.me/Nurafshonpressa

Prokuror va profilaktika inspektorlari uchrashuvi

Joriy yilning 5-fevral kuni “Profilaktika kuni” munosabati bilan Nurafshon shahrida jinoyatchilik va huquqbuzarliklarning oldini olishga qaratilgan muhim uchrashuv bo‘lib o‘tdi.
Uchrashuvda Nurafshon shahar prokurori T. Karimov hamda shahar Ichki ishlar bo‘limi boshlig‘i A.Yuldashev boshchiligida profilaktika inspektorlari ishtirok etdi.

Tadbir davomida shahar hududida sodir etilgan jinoyatlar atroflicha muhokama qilinib, ularning kelib chiqish sabablari, oqibatlari hamda aholi xavfsizligiga ta’siri yuzasidan tahlillar qilindi.
Shuningdek, ishtirokchilarga jinoyatchilikning oldini olishda profilaktik tadbirlarning ahamiyati, fuqarolar bilan manzilli ishlash, huquqiy targ‘ibot ishlarini kuchaytirish va profilaktika inspektorlarining mas’uliyati bo‘yicha huquqiy tushunchalar berildi.

Uchrashuvda alohida e’tibor O‘zbekiston Respublikasi Prezidentining 2026-yil 5-yanvardagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son qarori ijrosiga qaratildi.

Tadbir yakunida mas’ul rahbarlar tomonidan profilaktika inspektorlariga jinoyatchilik va huquqbuzarliklarning barvaqt oldini olishda faollikni oshirish, aholi bilan tizimli muloqot qilish, yoshlar va xavf guruhidagi shaxslar bilan manzilli ishlash, shuningdek, mahallalarda xavfsiz muhitni ta’minlash bo‘yicha aniq topshiriq va ko‘rsatmalar berildi.

https://t.me/Nurafshonpressa

62-maktabda o‘rganish ishlari amalga oshirildi

Nurafshon shahri Maktabgacha va maktab ta’limi bo‘limi tasarrufidagi 62-umumta’lim maktabining holati va faoliyati shahar huquq-tartibot idoralari rahbarlari tomonidan o‘rganildi.

O‘rganish jarayonida maktabning ta’lim-tarbiya jarayoni, o‘quvchilar uchun yaratilgan shart-sharoitlar, sinf xonalari, moddiy-texnika bazasi hamda sanitariya-gigiyena talablariga rioya etilishi holati ko‘zdan kechirildi.

Shuningdek, maktab binosining ta’mirtalab hududlari alohida nazoratga olinib, mavjud kamchiliklarni bartaraf etish yuzasidan aniq chora-tadbirlar belgilandi. Mas’ullarga belgilangan vazifalar bo‘yicha amaliy ishlarni tashkil etish, ta’mirlash va obodonlashtirish ishlarini jadallashtirish yuzasidan tegishli ko‘rsatmalar berildi.

Mazkur o‘rganish ishlari maktablarda ta’lim sifati va xavfsiz muhitni ta’minlash, o‘quvchilar uchun yanada qulay sharoitlar yaratish maqsadida muntazam davom ettiriladi.

https://t.me/Nurafshonpressa