#ezgulik

Ramazon oyining fayzli kunlarida ko‘plab ehtiyojmand oilalar holidan xabar olinmoqda

Viloyat hokimining topshirig‘iga binoan kuni kecha viloyat tashkilotlari va boshqarmalari tomonidan ehtiyojmand fuqarolar, qarovsiz qolgan keksa otaxon va onaxonlar, boquvchisini yo‘qotgan oilalar xonadonlariga borilib, mo‘jazgina iftorlik dasturxonlari yozildi.

Ochig‘i, bu oddiygina bir ehson dasturxoni emas, balki bu inson qadri degan ezgu g‘oyani ulug‘lash, ko‘ngillarga iliqlik ulashishdek insoniy fazilatlarning amaldagi ifodasi bo‘ldi. Har bir xonadonda samimiy suhbatlar qurildi, hol-ahvol so‘raldi, ularning dardu tashvishlari tinglandi.

Eng muhimi, ular yolg‘iz emasligi, hamisha davlat va jamiyat e’tiborida ekanini yanada chuqurroq his etishdi.

Bekobodlik keksa onaxonlardan biri Rahbarxon aya Mamajonova  bunday samimiy yo‘qlovlardan mamnunligini bildirib, “Bizni eslab, holimizdan xabar olayotganingiz uchun rahmat. Dasturxondan ham ko‘ra mehringiz bizga kuch-quvvat bo‘ldi”, deydi ko‘z yoshlarini tiyolmay.

Shu kuni ko‘plab xonadonlarda iftorlik dasturxoni atrofida mehr va birdamlik muhiti, yuzlarda tabassum, qalblarda esa minnatdorlik tuyg‘usi mujassam bo‘ldi. Qo‘llar duoga ochildi, ezgu tilaklar bildirildi.

Ezgu tashabbus tufayli ko‘plab ko‘ngillar ko‘tarildi, Ramazonning haqiqiy ma’nosi — saxovat va insonparvarlik yana bir bor o‘z ifodasini topdi.

Bu kabi xayrli ishlar davom etadi.

✅Telegram 🌐Website 📹YouTube✅Facebook 🕊Twitter