#Muloqot

Tadbirkorlikni qo‘llab-quvvatlash ustuvor vazifa

Bugun Nurafshon shahrida tadbirkorlar bilan ochiq va amaliy muloqot bo‘lib o‘tdi. Unda shahar hokimligi mutasaddilari, Respublika ishchi guruh azolari, tegishli idora va tashkilotlar rahbarlari, bank vakillari hamda faol tadbirkorlar ishtirok etdi.

🗣Muloqot avvalida shahar hokimining birinchi o‘rinbosari A.Eshbayev so‘zga chiqib, bugungi kunda tadbirkorlikni qo‘llab-quvvatlash, hududlarda yangi ish o‘rinlari yaratish va aholi daromadlarini oshirish eng ustuvor vazifalardan biri ekanini ta’kidladi.

✅️Ma’lumot o‘rnida, Nurafshon shahrida 2025-yil boshidan buyon 378 ta oila kambag‘allikdan chiqarildi. Natijada kambag‘allik darajasi 6,7 foizdan 1,8 foizga kamaydi. O‘tgan yil hisobidan 269 ta yangi tadbirkorlik subyekti tashkil etilib, ularning umumiy soni 1 572 taga yetdi.

✅️Hudud iqtisodiyotida barqaror o‘sish va ochiqlik siyosatining izchil olib borilishi natijasida 10 ta xorijiy davlat kapitali ishtirokidagi 159 ta korxona shaharda ro‘yxatdan o‘tdi. Ular tomonidan 130 million AQSh dollaridan ortiq investitsiya kiritilib, 2 971 ta yangi ish o‘rni yaratildi.

✅️Xususan, sobiq “To‘ytepa tekstil” binosi o‘rnida “Da Shung Group” MChJ tomonidan to‘g‘ridan-to‘g‘ri 270 million AQSh dollari miqdoridagi xorijiy investitsiya evaziga qurilish materiallari ishlab chiqarish klasteri va savdo do‘konlari barpo etildi. Mazkur loyiha doirasida 2 mingdan ortiq yangi ish o‘rni yaratildi.

Muloqot davomida tadbirkorlarga mavjud imkoniyatlardan samarali foydalanish, o‘z faoliyatini kengaytirish hamda yangi loyihalarni amalga oshirish bo‘yicha zarur tavsiyalar berildi. Ularni qiynayotgan muammo va qiyinchiliklar o‘rganilib, mutasaddilar tomonidan amaliy yechimlar ishlab chiqish yuzasidan vazifalar belgilandi.

Shuningdek, tadbir doirasida ishsiz fuqarolar uchun bo‘sh ish o‘rinlari yarmarkasi tashkil etilib, aholini bandlikka jalb etish masalasiga alohida e’tibor qaratildi.

🕊Telegram📱Instagram📺YouTube🌍Veb sayt

✅✅✅✅

YETTITA OILA AJRIMDAN SAQLAB QOLINDI

🟢Nurafshon shahrida ajrim yoqasida bo‘lgan yosh oilalar bilan uchrashuv o‘tkazildi. Tadbir avvalida shahar hokimi o‘rinbosari N.Djumanova oilaning jamiyatdagi ahamiyati, uning mustahkamligiga alohida to‘xtalib o‘tdi.

Shuningdek, uchrashuvda O'rta Chirchiq tumanlararo sudi raisi R.Abduazimov, Adliya bo‘limi boshlig‘i G.Roxmonkulov hamda FHDYO bo‘limi boshlig‘i M.Mayusupova ishtirok etib, oilaviy muammolarni hal etish, farzand tarbiyasi va ajrimlarning oldini olish bo‘yicha chuqur tushuntirishlar berishdi.

✅Tadbirda 16 ta oila ishtirok etdi:

✅7 ta oila yarashtirildi,
✅9 ta oilaga muhlat berildi,
✅15 nafar bola yetimlikdan asrab qolindi.

❗️Tadbirning asosiy maqsadi — oilalarning barqarorligini ta’minlash, sog‘lom va qulay muhit yaratish hamda ajrimlarning oldini olishdir.

🕊Telegram📺YouTube 
📱Instagram🌍Veb sayt

✅✅✅✅

MUHTOJ OILALAR UCHUN IFTORLIK DASTURXONLARI YOZILMOQDA

🗣Muborak va qutlug‘ Ramazon oyi munosabati bilan Nurafshon shahrida xayrli amallar va iftorlik tadbirlari izchil davom etmoqda.

✅ Navbatdagi ezgu tadbir "Yangiobod" MFY da shahar Soliq inspeksiyasi homiyligida tashkil etilib, unga ijtimoiy himoyaga muhtoj aholi, shuningdek, yurtimizga Falastindan olib kelingan oilalar taklif etildi.

❕Bunday xayriya tadbirlari jamiyatda mehr-oqibat, hamjihatlik va insonparvarlik qadriyatlarini yanada mustahkamlashga xizmat qilmoqda.

🕊Telegram📺YouTube 
📱Instagram🌍Veb sayt

✅✅✅✅

TOMORQADAN KELSA BOYLIK — TURMUSH BO‘LAR CHIROYLIK

📌Hududlarda kambag‘allik darajasini qisqartirish, aholi bandligini ta’minlash hamda qo‘shimcha daromad manbalarini shakllantirishda tomorqa yerlaridan samarali foydalanish muhim ahamiyat kasb etadi.

Ayniqsa, “Bir kontur — bir mahsulot” tamoyili asosida meva va sabzavot mahsulotlarini yetishtirish nafaqat oziq-ovqat xavfsizligini mustahkamlash, balki aholining barqaror daromad topishiga xizmat qiladigan samarali mexanizm hisoblanadi.

Shu maqsadda bugun Nurafshon shahar mahallalar uyushmasi rahbari Z.Maxsudova hamda mahalla yettligi a’zolari ishtirokida "Degantepa" va "Qumariq" mahallalarida aholi tomorqalaridan foydalanish darajasi o‘rganildi.

O‘rganish jarayonida mavjud yer maydonlaridan unumli foydalanish, ekin turlarini to‘g‘ri tanlash, hosildorlikni oshirish hamda mahsulotni bozorga chiqarish mexanizmlari yuzasidan tushuntirish va targ‘ibot ishlari olib borildi.

Shuningdek, tomorqalarda intensiv bog‘dorchilik va sabzavotchilikni rivojlantirish, zamonaviy agrotexnologiyalarni qo‘llash hamda bir kontur asosida ixtisoslashgan holda mahsulot yetishtirishning afzalliklari haqida amaliy tavsiyalar berildi.

🕊Telegram📺YouTube 
📱Instagram🌍Veb sayt