✅✅✅✅

GIYOHVANDLIK – UMR ZAVOLI

🌀Nurafshon shahar MMTBga qarashli 26-sonli maktabda O‘zbekiston Respublikasi Milliy gvardiyasi Toshkent viloyati boshqarmasi harbiy xizmatchilari hamkorligida “Giyohvandlik – umr zavoli” mavzusida targ‘ibot tadbiri o‘tkazildi.

Mazkur uchrashuvdan ko‘zlangan asosiy maqsad yoshlar o‘rtasida sog‘lom turmush tarzini keng targ‘ib qilish, ularni turli yot illatlardan, xususan, giyohvandlikdan asrash hamda huquqiy savodxonligini oshirishdan iborat bo‘ldi.

✅ Tadbirda yuqori sinf hamda "Jasorat sinfi” o‘quvchilari faol ishtirok etdilar. Harbiy xizmatchilari tomonidan giyohvandlikning inson salomatligi, kelajagi va jamiyat taraqqiyotiga salbiy ta’siri haqida atroflicha ma’lumotlar berildi. Shuningdek, yoshlar o‘rtasida uchrayotgan zararli odatlarning oldini olish, hushyorlik va ogohlikni kuchaytirish masalalariga alohida e’tibor qaratildi.

⚡Tadbir yakunida yoshlarni Vatanga sadoqatli, ma’naviy barkamol va jismonan sog‘lom etib tarbiyalash yo‘lida bunday profilaktik uchrashuvlar muntazam o‘tkazib borilishi ta’kidlandi.

🕊Telegram📺YouTube
📱Instagram🌐Facebook

✅✅✅✅

"BIRLIK" MAHALLASIDA AHOLI BIRLIGIDA HASHAR TASHKIL QILINDI

✅️Nurafshon shahri "Birlik" mahallasida mahalla faollari ishtirokida navbatdagi hashar tashkil etildi.

✅ O‘zbekiston Mahallalari uyushmasi Nurafshon shahar bo‘limi boshlig‘i Z. Maxsudova va mahalla yettiligi boshchiligida fuqarolar, faol yoshlar va jamoat vakillari bir maqsad atrofida birlashib, hududni yanada koʻrkam va qulay qilish borasida amaliy ishlar olib bordilar.

Hashar jarayonida yoʻlaklar tozalandi, yashil hududlardagi xazonlar yigʻishtirildi, daraxtlarga ishlov berilib, mahalla atrofida umumiy tartib-intizom taʼminlandi.

Aholining bunday hamjihatligi va fidoyiligi orqali mahallasi yanada obodlashib, yashash uchun qulay maskanga aylanib bormoqda.

❗Mahalla fuqarolarining bir maqsad yoʻlida birlashib amalga oshirgan mehnati jamoatdagi hamjihatlik va oʻzaro hurmatni yanada kuchaytirdi.

🕊Telegram📺YouTube
📱Instagram🌐Facebook

✅✅✅✅

DIQQAT, BUGUN RO‘YXATGA OLISHNING OXIRGI KUNI!

✅ 2026-yil 15-yanvardan boshlab mamlakatimizda muhim siyosiy jarayonlardan biri — aholi va qishloq xo‘jaligini ro‘yxatga olish tadbirlari izchil olib borildi. Bugun, 28-fevral kuni ro‘yxatga olish jarayonlari yakuniga yetadi.

✅ Nurafshon shahrida mas’ul idoralar hamda mahalla yettiligi tomonidan xonadonbay, har bir fuqaro to‘g‘risida aniq va ishonchli ma’lumotlar shakllantirilmoqda. Jarayon puxta reja va tizimli yondashuv asosida tashkil etilib, barcha hududlar to‘liq qamrab olindi.

Aholini ro‘yxatga olish kelgusida ijtimoiy himoya, bandlik, infratuzilmani rivojlantirish hamda manzilli dasturlarni samarali rejalashtirishda muhim ahamiyat kasb etadi.

❕Hurmatli fuqarolar! Agar hali ro‘yxatdan o‘tmagan bo‘lsangiz, bugun — oxirgi imkoniyatdan foydalaning. Ro‘yxatga olish jarayonida faol ishtirok eting va aniq ma’lumot taqdim etish orqali hududimiz rivojiga o‘z hissangizni qo‘shing! Ro‘yxatdan o‘tish census.stat.uz rasmiy veb-sayti orqali OneID tizimi yordamida onlayn amalga oshiriladi.

📷Foto: Nurafshon shahri Yangiobod mahallasi.

🕊Telegram📺YouTube
📱Instagram🌐Facebook