✅✅✅✅

Yurt obodligi, avvalo mahalladan boshlanadi!

Erta tongdan boshlab Nurafshon shahrining barcha mahallalarida, xiyobon va maydonlarida, “Yurt obodligi, avvalo mahalladan boshlanadi!” shiori ostida umumxalq hashari tashkil etildi.

Mazkur obodonlashtirish tadbirlaridan biri Nurafshon shahar Qurilish va uy-joy kommunal bo‘limi hamda boshqaruv servis kompaniyalari tomonidan "Taraqqiyot" va "Nurafshon" mahallalarida olib borildi.

Unda ko‘p qavatli uylar atrofi obodonlashtirilib, hududlardagi zovurlar tozalandi, ko‘chalar supurildi, daraxtlar oqlanib, yangi ko‘chatlar ekildi.

Mazkur tadbirlar shahar hududlarining obodligi va sanitariya holatini yaxshilash, aholi yashash maskanlarini yanada ko‘rkam va ozoda saqlashga xizmat qilmoqda.

✅Telegram 🌐Instagram 📹YouTube✅Facebook

✅✅✅✅

Zamonaviy texnologiya xonalari foydalanishga topshirildi

⚡️Nurafshon shahrida ta’lim tizimini rivojlantirish, o‘quvchilarga qulay va zamonaviy sharoitlar yaratish hamda yosh avlodning kasb-hunar ko‘nikmalarini oshirish bo‘yicha keng ko'lamli ishlar amalga oshirilmoqda.

🏷Shu nuqtai nazardan, shahardagi 25-sonli umumta’lim maktabida o‘g‘il va qiz bolalar uchun zamonaviy texnologiya (kasbga yo‘naltirish) xonalari barpo etildi.

🤔Natijada o‘quvchilar uchun xavfsiz, zamonaviy va qulay o‘quv muhit yaratildi, bu esa ularning tikuvchilik, duradgorlik, payvandchilik, qurilish sohalaridagi amaliy ko‘nikmalarini rivojlantirish va kasb-hunarga bo`lgan qiziqishlarini rivojlantirishga xizmat qiladi.

✅ Ma'lumot o'rnida, mazkur loyiha “Tashabbusli byudjet” dasturi doirasida 500 mln. so‘m mablag‘ evaziga amalga oshirildi. Qurilish va ta’mirlash ishlari sifatli va belgilangan muddatlarda "Temur Story" MChJ tomonidan bajarilib, xonalar foydalanishga topshirildi.

✅Telegram 🌐Instagram 📹YouTube✅Facebook

✅✅✅✅

Nurafshon shahrida umumxalq hashari yuqori uyushqoqlik bilan davom etmoqda

🌱Bahorning kirib kelishi va Navro‘z umumxalq bayrami arafasida mamlakatimiz bo‘ylab o‘tkazilayotgan umumxalq xayriya hashari doirasida Nurafshon shahrida ham keng ko‘lamli obodonlashtirish va ko‘kalamzorlashtirish ishlari tashkil etilmoqda.

🟢Hasharning birinchi kunida shahrimizning turli hududlarida keng ko‘lamli obodonlashtirish ishlari amalga oshirilib, ko‘plab ko‘chatlar ekildi, hududlar tartibga keltirildi hamda daraxtlar oqlanib, atrof-muhitni yanada obod qilish bo‘yicha muhim ishlar bajarildi.

Bugun hasharning ikkinchi kuni ham yuqori ruh va katta uyushqoqlik bilan boshlandi. Jumladan, Nurafshon shahrining kirish qismida shahar faollari, nuroniylar, mahalla yettiligi vakillari, yoshlar hamda keng jamoatchilik vakillari ishtirokida obodonlashtirish ishlari davom ettirilmoqda.

✅Hashar davomida hududlarni tozalash, ko‘chat ekish, daraxtlarni oqlash va atrof-muhitni yanada obod qilishga qaratilgan ezgu ishlar amalga oshirilmoqda. Bunday xayrli tadbirlar shahrimizning yanada ko‘rkam va fayzli bo‘lishiga xizmat qilmoqda.

Barcha yurtdoshlarimizni umumxalq hasharida faol ishtirok etishga chorlab qilamiz.

✅Telegram 🌐Instagram 📹YouTube✅Facebook