✅✅✅✅

Toshkentdan Nurafshongacha BRT (tezkor avtobus yo’lagi) quriladi

Xalq deputatlari Toshkent viloyati Kengashi mazkur loyiha konsepsiyasini ma’qulladi.

Loyihaning ayrim tafsilotlari:

➖ 23 kilometrlik yo’l Toshkent shahridagi Qo’yliq bozori hududidan boshlanib, Toshkent viloyatining O’rtachirchiq va Yuqorichirchiq tumanlaridan o’tadi va Nurafshon shahrida yakunlanadi;

➖ Loyiha konsepsiyasiga ko’ra, infratuzilma avtomobil yo’li, BRT, 9 ta bekat (5 tasi milliy, 4 tasi zamonaviy uslubda), yo’l o’tkazgichlar, ko’priklar va yerosti yo’llarini qamrab oladi. Bekatlar oralig’i o’rtacha 2,9 km bo’ladi;

➖ BRT tizimi orqali kuniga 50 mingdan ortiq yo’lovchi tashiladi. O’rtacha harakatlanish tezligi 60 km/soatgacha oshiriladi. Toshkent va Nurafshon orasida qatnov vaqti 30 daqiqagacha qisqaradi;

➖ Loyiha qiymati qariyb 120 mln dollar bo’lib, xalqaro moliya institutlari va respublika byudjeti mablag’lari hisobidan moliyalashtiriladi. Loyihani 2028-yil oxirigacha yakunlash rejalashtirilmoqda.

✅Telegram 🌐Instagram
📹YouTube✅Facebook

✅✅✅✅

E-auksion.uz sayti orqali qulay shartlarda mulkka ega bo‘ling!

Auksionda qatnashish sirlarini bilib oling!

Batafsil

☎️: +998712022111

✅Telegram 🌐Instagram 📹YouTube✅Facebook

✅✅✅✅

Nurafshon – Tuyabo‘g‘iz qo‘rg‘oni yo‘nalishida yangi avtobus qatnovi yo‘lga qo‘yiladi: Ilxom Klichxanov jarayonni joyiga chiqib o‘rgandi

📌Nurafshon shahri va unga tutash hududlar aholisi uchun qulaylik yaratish maqsadida shahar bo‘ylab tegishli yo‘nalishlarda avtobus qatnovi yo‘lga qo‘yilib, ushbu yo‘nalishlar bosqichma-bosqich kengaytirilmoqda.

❗️Joriy yilning 26-mart sanasidan boshlab, tonggi soat 06:00 dan e’tiboran Nurafshon – Tuyabo‘g‘iz qo‘rg‘oni yo‘nalishida ham yo‘lovchilar uchun muntazam avtobus qatnovi yo‘lga qo‘yiladi.

✅️Bugun Nurafshon shahri hokimi Ilxom Klichxanov tomonidan mazkur yo‘nalishda harakatlanish jarayoni, avtobuslar hamda bekatlarning holati nazoratdan o‘tkazilib, aniqlangan kamchiliklar yuzasidan mas’ullarga qat’iy topshiriqlar berildi.

Xulosa o‘rnida aytish joizki, ushbu yangi yo‘nalish aholining transportga bo‘lgan ehtiyojini qondirish, qatnov qulayligini oshirish hamda hududlar o‘rtasidagi aloqani yanada mustahkamlashga xizmat qiladi.

✅Telegram 🌐Instagram 📹YouTube✅Facebook

✅✅✅✅

DIQQAT E'LON

Nurafshon shahar tibbiyot birlashmasiga qarashli ko’p tarmoqli markaziy poliklinikasida joriy yilning 26-martdan 31-mart sanasiga qadar "Milliy tibbiyot markazi" ko’z mikroxirurgiyasi bo’limidan bir guruh malakali oftalmolog shifokorlar tashrif buyurishadi hamda Nurafshon shahar aholisini chuqurlashtirgan tibbiy ko’rikdan o`tkaziladi.

Shifokorlar quyidagi holatlarni tashxislaydi va davolaydi:

✔️Katarakt jarrohligi (kataraktaning fakoemulsifikatsiyasi)
✔️Glaukoma (mikroinvaziv jarrohlik amaliyotlari)
✔️Yoshga bog'liq makula degeneratsiyasi
✔️Diabet retinopatiyasi (robot lazer operatsiyalari)
✔️Ko'rish nervi atrofiyasi
✔️Ko'z yoshi organlari kasalliklarini samarali davolash (endoskopik dakriosistorinostomiya)
✔️Avtotransplantatsiya bilan pterigiumektomiya
✔️Sharsimonlikni tuzatish
✔️To'r pardaning ajralishi, gemoftalmos (Vitrektomiya + silikon moyi)
✔️Blefaroplastika
✔️Refraktiv xatolar (miyopiya, giperopiya, astigmatizm)
✔️Ko'z olmasining o'tkir va surunkali yallig'lanish kasalliklari

📌Manzil: Nurafshon shahridagi Markaziy poliklinikasi. Tibbiy ko'riklar bepul tarzda amalga oshiriladi.

✅Telegram 🌐Instagram 📹YouTube✅Facebook

🏦2026-yil 1-apreldan ayrim to‘lovlar faqat naqdsiz shaklda amalga oshiriladi.

🟣Davlat va kommunal xizmatlar, tamaki va alkogol mahsulotlari, avtomobillarga yoqilg‘i (benzin, gaz, elektro-quvvat), shuningdek 25 mln so‘mdan ortiq tovar va xizmatlar uchun to‘lovlar naqdsiz usulda amalga oshiriladi.

🟣To‘lovni karta, mobil ilova yoki bank orqali amalga oshiring. 1-aprelga qadar o‘zingizga qulay to‘lov usulini tanlang.

Mazkur tartib 2025-yil 10-dekabrdagi PF-246-son Farmonga muvofiq joriy etilmoqda.

Telegram | Facebook | Instagram | Youtube | Linkedin | X

✅✅✅✅

Yoshlar bandligi yo‘lida muhim qadam

⚡️Nurafshon shahridagi 32-sonli umumta’lim maktabida ishsiz yoshlarni qo‘llab-quvvatlash hamda ularning bandligini ta’minlashga ko‘maklashish maqsadida mehnat yarmarkasi tashkil etildi.

🏷Tadbirda yoshlarni kasb-hunarga yo‘naltirish, qayta tayyorlash va malakasini oshirish bo‘yicha amaliy tavsiyalar berilib, xorijiy tillar va zamonaviy kasb ko‘nikmalarini egallash orqali o‘z imkoniyatlarini kengaytirish zarurligi ta’kidlandi. Shuningdek yarmarkada ishtirokchilarga mavjud bo‘sh ish o‘rinlari, mehnat sharoitlari, ish haqi miqdori hamda ishga joylashish tartiblari haqida batafsil tushunchalar berildi.

✅Ushbu mehnat yarmarkasi yoshlarning bandligini ta’minlash, ularni kasb tanlashga to‘g‘ri yo‘naltirish hamda kelgusida barqaror ish o‘rinlariga ega bo‘lishlari uchun muhim platforma vazifasini o‘taydi.

✅Telegram 🌐Instagram 📹YouTube✅Facebook