✅✅✅✅

Elektr ta’minotida vaqtinchalik uzilishlar kuzatiladi

❗️Nurafshon ShET quyidagilarni ma’lum qiladi. Nurafshon shahriga kirib keluvchi 110 kVli LDYu va LKD elektr uzatish liniyalarida kichik avariya holati yuzaga kelgani sababli elektr ta’minotida uzilishlar kuzatilmoqda.

🟢Ayni vaqtda mutaxassislar tomonidan nosozlikni bartaraf etish va elektr ta’minotini tez orada tiklash choralari ko‘rilmoqda.

Keltirilgan noqulayliklar uchun shahar elektr tarmoqlari korxonasi iste'molchilardan uzur so‘raydi.

✅Telegram 🌐Instagram 📹YouTube✅Facebook

✅✅✅✅

NAQD EMAS — NAZORAT BOR!

O‘zbekiston Respublikasi Prezidentining PF-246–son Farmoniga asosan, 2026-yil 1-apreldan boshlab yoqilg‘i quyish shoxobchalarida hamda elektro transport vositalarini quvvatlash xizmatlarida to‘lovlar faqat bank kartalari yoki elektron to‘lov tizimlari orqali amalga oshiriladi.

❌Naqd pul qabul qilinmaydi
✅️QR-kod, terminal va karta orqali to‘lovlar yo‘lga qo‘yiladi

📌Ushbu tartibning asosiy maqsadi:

✔️ yashirin iqtisodiyotning oldini olish
✔️ moliyaviy shaffoflikni ta’minlash
✔️soliq tushumlarini oshirish
✔️ xizmat ko‘rsatish sifatini yaxshilash

📊Natijada iqtisodiy tizim yanada ochiq va ishonchli bo‘ladi.

✅Telegram 🌐Instagram 📹YouTube✅Facebook

Futbol bo‘yicha DXX kubogi boshlanmoqda
 
O‘zbekiston Respublikasi Davlat xavfsizlik xizmati, O‘zbekiston Respublikasi Sport vazirligi, O‘zbekiston Respublikasi Yoshlar ishlari agentligi hamda O‘zbekiston mahallalariuyushmasi hamkorligida, sog‘lom turmush tarzini targ‘ib qilish, yoshlar o‘rtasida futbolni ommalashtirish, shuningdek, ular orasidan iqtidorlarni aniqlash va qo‘llab-quvvatlash maqsadida futbol va mini-futbol bo‘yicha an’anaviy DXX kubogi o‘tkaziladi.
 
16 yoshdan 30 yoshgacha bo‘lgan o‘g‘il bolalar futbol va mini-futbol, qizlar esa mini-futbol bo‘yicha Davlat xavfsizlik xizmati kubogida ishtirok etishlari mumkin.
 
1 – bosqich.

Tuman/shahar saralash musobaqalari: aprel-may oylarida;

2 – bosqich.

Qoraqalpog‘iston Respublikasi, Toshkent shahri va viloyatlar bo‘yicha saralash musobaqalari: iyun-iyul oylarida;

3 – bosqich.

Respublika final bosqichi musobaqalari: avgust oyida bo‘lib o‘tadi.

✅Telegram 🌐Website 📹YouTube✅Facebook 🕊Twitter 🌐Instagram

✅✅✅✅

Ish izlayotgan fuqarolar diqqatiga!

2026 yil 30 mart kuni soat 16:00 da Nurafshon shahar prokuraturasi binosida, shahar Majburiy ijro byurosi hamda Nurafshon shahar Kambag'allikni qisqartirish va bandlikka ko‘maklashish bo‘limi bilan hamkorlikda shahardagi ishsiz aliment to'lovchi fuqarolarni ishga joylashtirish maqsadida bo'sh ish o'rinlari mehnat yarmarkasi o'tkaziladi.

❗️Barcha ish qidirayotgan ishsiz aliment to'lovchi yoshlar, ayollar, bitiruvchilar, probatsiyadagi va JIEMdan qaytgan fuqarolar, shuningdek kasb-hunar o‘rganish istagida bo‘lganlar uchun keng imkoniyatlar yaratiladi.

Ish izlayotgan barcha fuqarolarni ushbu imkoniyatdan foydalanishga chaqiramiz!

✅Telegram 🌐Instagram
📹YouTube✅Facebook

#bunyodkorlik

Toshkent viloyatida zamonaviy Qon quyish markazi foydalanishga topshirildi

Viloyat aholisining salomatligini muhofaza qilish, shoshilinch tibbiy yordam sifatini oshirish hamda qon komponentlariga bo‘lgan ehtiyojni to‘liq qondirish maqsadida Nurafshon shahrida zamonaviy Qon quyish markazi ish boshladi.

Mazkur markaz qariyb 18 milliard so‘m mablag‘ evaziga barpo etilgan bo‘lib, 4 qavatli, barcha zamonaviy talablarga javob beradigan infratuzilmaga ega. U viloyatdagi 22 ta tuman va shahar tibbiyot muassasalarini uzluksiz ravishda qon va uning komponentlari bilan ta’minlaydi.

Yangi markazda qonni qayta ishlash, tayyorlash va zaxiralash jarayonlari to‘liq avtomatlashtirilgan bo‘lib, u xalqaro standartlarga mos zamonaviy tibbiy uskunalar bilan jihozlangan. Bu esa qon xavfsizligi va sifatini yuqori darajada ta’minlash imkonini beradi.

Ayni paytda markazda 90 nafarga yaqin malakali tibbiyot xodimlari faoliyat yuritmoqda. Shuningdek, 2 ta sayyor guruh hududlarga chiqib, donorlar qonini yig‘ish, aholi o‘rtasida donorlik harakatini keng targ‘ib qilishga qaratilgan turli aksiyalar va tushuntirish tadbirlarini amalga oshiradi.

✅ Telegram 🌐Website 📹YouTube ✅ Facebook 🕊Twitter

✅✅✅✅

“Nurafshon” mahallasida yangi tibbiyot muassasalari ish boshladi

✅ Avvalroq xabar berilganidek, bugun Nurafshon shahrining “Nurafshon” mahallasida qator ijtimoiy soha obyektlari foydalanishga topshirildi. Jumladan, 250 qatnovga mo‘ljallangan zamonaviy, 3 qavatli oilaviy poliklinika yangidan barpo etilib, foydalanishga topshirildi.

🏷Tadbirda shahar hokimi Ilxom Klichxanov mazkur tibbiyot muassasalarining ishga tushirilishi aholini zamonaviy va sifatli birlamchi tibbiy xizmatlar bilan ta’minlash imkoniyatlarini sezilarli darajada oshirishini alohida ta'kidladi.

✅ Ushbu oilaviy poliklinika 16 ta mahallada istiqomat qiluvchi qariyb 60 mingga yaqin aholiga xizmat ko‘rsatish quvvatiga ega.

— 1-qavatda diagnostika va qabul xonalari;
— 2-qavatda shifokorlar va hamshiralar faoliyati uchun mo‘ljallangan xonalar;
— 3-qavatda kunduzgi statsionar, fizioterapiya hamda skrining bo‘limlari tashkil etilgan.

✅Muassasada 273 nafar malakali tibbiyot xodimi hamda 27 ta tibbiyot brigadasi faoliyat yuritib, aholiga tezkor va sifatli tibbiy xizmat ko‘rsatish ta’minlanmoqda.

🔸Shuningdek, mahallada “GRAND MED HOSPITAL” koʻp tarmoqli xususiy klinikasi ham ish faoliyatini boshladi. Klinikada zamonaviy tibbiy uskuna va jihozlar mavjud bo‘lib, turli yo‘nalishlarda diagnostika, davolash hamda yuqori texnologik jarrohlik amaliyotlari amalga oshiriladi.

✅Klinika kuniga 200 dan ortiq bemorlarni ambulator va statsionar sharoitida davolash imkoniyatiga ega. Mutaxassis shifokorlar tomonidan bemorlarga zamonaviy va sifatli tibbiy xizmat ko‘rsatish ta’minlangan.

✅Telegram 🌐Instagram 📹YouTube✅Facebook