✅✅✅✅

Nurafshon shahrida uch egizak dunyoga keldi

📌Nurafshon shahar “Dehqonobod” mahallasida istiqomat qiluvchi Yo‘ldashevlar oilasida uch o‘g‘il farzand tug‘ildi. Bungacha ikki o‘g‘il va bir qizni voyaga yetkazayotgan ota-onaning farzandlari soni bir varakayiga 6 nafarga yetdi.

Chaqaloqlar 2–2,5 kilogramm vazn bilan dunyoga kelib, ularga Umar, Usmon va Ali deb nom qo‘yildi.

Nurafshon shahar tug‘ruq bo‘limi shifokori Munira Turg‘unboyevna boshchiligidagi tibbiyot xodimlarining muntazam parvarishi natijasida ona va chaqaloqlarning ahvoli hozirda a’lo darajada.

✅Telegram 🌐Instagram 📹YouTube✅Facebook

✅✅✅✅

DXX Kubogi musobaqalariga qur'a tashlandi

🇺🇿O‘zbekiston Respublikasi Davlat xavfsizlik xizmati, Sport vazirligi, Yoshlar ishlari agentligi hamda Mahalla uyushmasi hamkorligida an’anaviy tarzda tashkil etib kelinayotgan “DXX kubogi”ning Nurafshon shahar bosqichi o‘yinlari boshlanish arafasida.

Bugun Yoshlar markazida futbol va mini-futbol yo‘nalishlari bo‘yicha mahalla jamoalari o‘rtasida qur’a tashlash jarayoni o‘tkazildi. Unda ishtirokchilarga musobaqa nizomi va tartib-qoidalari batafsil tushuntirilib, jamoalar guruhlarga ajratildi.

🔂Shuningdek, musobaqaning shahar bosqichini yuqori saviyada tashkil etish, jamoalar uchun mashg‘ulotlar o‘tkazish uchun zarur sharoitlar yaratish, ishtirokchilarning sog‘lig‘i va xavfsizligini ta’minlash yuzasidan mas’ullarga aniq topshiriqlar berildi.

⚽️ Mazkur musobaqa yoshlar o‘rtasida sog‘lom turmush tarzini keng targ‘ib etish, futbol sport turini ommalashtirish, iqtidorli sportchilarni aniqlash hamda ularni har tomonlama qo‘llab-quvvatlash maqsadida tashkil etilmoqda.

❕Bellashuvlarda 16 yoshdan 30 yoshgacha bo‘lgan yigitlar futbol va mini-futbol, qizlar esa mini-futbol yo‘nalishlarida o‘zaro kuch sinashadi.

✅Telegram 🌐Instagram 📹YouTube✅Facebook