✅✅✅✅

Nurafshonlik yoshlar ilm-u ma’rifat maskanida

🤔Nurafshon shahri 9-sonli umumiy o‘rta ta’lim maktabining ta’lim va ijodiy yo‘nalishlarida yuqori natijalarga erishib kelayotgan iqtidorli o‘quvchilaridan iborat jamoa uchun Toshkent shahrida joylashgan “Islom sivilizatsiyasi markazi”ga sayohat tashkil etildi.

🟣Mazkur tashrif o‘quvchilarning tarixiy merosimiz, boy madaniyatimiz va milliy qadriyatlarimizga bo‘lgan qiziqishini yanada oshirish, ularning dunyoqarashini kengaytirish hamda bilim va tafakkurini boyitishga qaratilgan.

🤔Sayohat davomida o‘quvchilar markazda yaratilgan zamonaviy sharoitlar, noyob qo‘lyozmalar, tarixiy eksponatlar va interaktiv ko‘rgazmalar bilan yaqindan tanishdilar. Bu esa ularda ajdodlarimizning ilm-fan va sivilizatsiya rivojiga qo‘shgan ulkan hissasi haqida chuqur tasavvur hosil bo‘lishiga zamin yaratdi.

🏷Ushbu ma’naviy-ma’rifiy tadbirlar yosh avlodni Vatanga sadoqat, milliy g‘urur va ajdodlar merosiga hurmat ruhida tarbiyalashda muhim ahamiyat kasb etadi.

✅Telegram 🌐Instagram 📹YouTube✅Facebook

✅✅✅✅

Bugun Nurafshon shahar hokimi Ilxom Klichxanov shaharda ko‘p qavatli uy-joylar qurilishini amalga oshirayotgan quruvchi tashkilotlar rahbarlari bilan ochiq muloqot o‘tkazdi.

Uchrashuvda qurilish jarayonida yuzaga kelayotgan muammolar, ularning kelib chiqish sabablari, aniqlangan kamchiliklar hamda reja-grafikdan ortda qolish holatlari atroflicha muhokama qilindi.

✔️Muloqotda shahar soliq inspeksiyasi bo‘limi boshlig‘i J. Sayfiyev, shahar prokurori o‘rinbosari A. Olimov, shuningdek kadastr, arxitektura bo‘limlari vakillari ishtirok etdi.

Muloqot davomida har bir quruvchi tashkilot mas'ullari bilan birma-bir suhbat o‘tkazilib, mavjud holatlar batafsil o‘rganildi. Aniqlangan muammolarni qonunchilikda belgilangan tartibda va qisqa muddatlarda bartaraf etish, qurilish ishlarini jadallashtirish hamda reja-grafiklarga qat’iy rioya qilish yuzasidan aniq topshiriqlar berildi.

🟣Bunday ochiq muloqotlar natijasida qurilish jarayonida yuzaga kelayotgan muammolar joyida aniqlanib, ularni tezkor hal etish imkoniyati yaratiladi hamda belgilangan reja-grafik asosida ishlarni o‘z vaqtida va sifatli yakunlashga erishiladi.

Qolaversa, shahar infratuzilmasini yaxshilash, tadbirkorlar uchun jozibador investitsion muhitni shakllantirish, shuningdek, aholi va tadbirkorlar murojaatlari bilan ishlash tizimini yanada takomillashtirishga xizmat qiladi.

✅Telegram 🌐Instagram 📹YouTube✅Facebook