✅✅✅✅

Nurafshon shahrida “Aqlli shahar” dasturi doirasida joriy etilayotgan Termo-24 moduli bo‘yicha amaliy uchrashuv o‘tkazildi

❗️Nurafshon shahar hokimining raqamli texnologiyalar va sun'iy intellekt texnologiyalarini rivojlantirish masalalari bo'yicha maslahatchisi D.Mansurov tomonidan Termo-24 modulining imkoniyatlari, ishlash mexanizmi hamda amaliyotdagi holati Boshqaruv samaradorligi agentligi viloyat filiali mas'ullariga batafsil tanishtirildi.

Xususan, modulning real vaqt rejimida xona haroratni aniqlash, nazorat qilish va monitoring olib borish funksiyalari sinovdan o‘tkazilayotgani ta’kidlandi.

✅Ma'lumot o'rnida hozirda ushbu modul shahardagi maktabgacha ta’lim muassasasida sinov tariqasida joriy etilgan bo‘lib, uning ishlash samaradorligi, qulayligi va amaliy ahamiyati yuzasidan tahlillar olib borilmoqda.

Uchrashuv davomida ishtirokchilar tomonidan modulning funksional imkoniyatlarini kengaytirish, tizim barqarorligini oshirish, ma’lumotlarni saqlash va uzatish sifatini yaxshilash, boshqa ijtimoiy obyektlarga integratsiya qilish bo‘yicha qator taklif va tavsiyalar bildirildi.

✅Telegram 🌐Instagram 📹YouTube✅Facebook

✅✅✅✅

Bugun Nurafshon shahar Xalq qabulxonasida shahar hokimi Ilxom Klichxanov boshchiligida fuqarolar murojaatlarini o‘rganish, ularning muammolariga yechim topish hamda aholi bilan ochiq muloqotni ta’minlashga qaratilgan navbatdagi qabul tashkil etildi.

Unda shahar hokimining birinchi o‘rinbosari A. Eshbayev, hokim o‘rinbosari N. Djumanova, shahar mahallalar uyushmasi rahbari Z.Maxsudova hamda tegishli tashkilot va idoralar rahbarlari ishtirok etib, fuqarolar tomonidan ko‘tarilgan har bir masala atroflicha qonun doirasida ko‘rib chiqildi.

✅️Qabul davomida murojaatlar asosan ijtimoiy himoya, kadastr, qurilish va infratuzilma, tibbiyot, ta'lim yo‘nalishlariga oid bo‘lib, har bir murojaat yuzasidan aniq topshiriqlar berildi hamda mas’ullarga ijrosi bo‘yicha tegishli vazifalar yuklatildi.

❕Fuqarolar bilan bunday ochiq va tizimli muloqotlar aholi muammolarini o‘z vaqtida aniqlash va samarali hal etishda muhim ahamiyat kasb etmoqda.

✅Telegram 🌐Instagram 📹YouTube✅Facebook