✅✅✅✅

Nurafshon shahri iftihorlari e'tirof etildi

Bugungi kunda Nurafshon shahrida sportning barcha turlari bilan shug‘ullanish uchun keng imkoniyat va zamonaviy shart-sharoitlar yaratilgan bo‘lib, bu o‘z navbatida sportchi yigit-qizlarimizning yurtimiz va xalqaro maydonlarda yuksak natijalarni qo‘lga kiritishiga xizmat qilmoqda.

Kuni kecha Nurafshon shahar hokimi Ilxom Klichxanov bir guruh iqtidorli yosh sportchilar bilan samimiy uchrashuv o‘tkazdi. Unda yoshlarning erishgan yutuqlari yuksak e’tirof etilib, ularning sport yo‘lidagi mashaqqatli mehnat alohida ta’kidlandi. Shaharimiz sharafini xalqaro maydonlarda munosib himoya qilayotgan sportchilar tashakkurnomalar, qimmatbaho esdalik sovg‘alari hamda sportdagi faoliyati va sog‘lom turmush tarzini qo‘llab-quvvatlash maqsadida vitaminlar jamlanmalari bilan taqdirlandi.

🏆Xususan:

🏅Artur Guliyev — baydarka va kanoeda eshkak eshish bo‘yicha jahon chempioni;
🏅Mirjamol Komilov — ushbu yo‘nalishda jahon chempionatining kumush medal sovrindori;
🏅Milana Dushevyanich — baydarka va kanoeda eshkak eshish bo‘yicha Osiyo chempioni;
🏅Shahzoda Mamadaliyeva — parakanoeda eshkak eshish bo‘yicha Osiyo chempioni sifatida e’tirof etildi.

Shuningdek, uchrashuv doirasida Toshkent dengizi hududida muntazam ravishda eshkak eshish sport turi bilan shug‘ullanib kelayotgan yosh sportchilar bilan ochiq va samimiy muloqot tashkil etildi. Unda sportchilarning kundalik mashg‘ulot jarayonlari, ularga yaratilgan sharoitlar, shuningdek, mavjud muammolar va takliflar atroflicha o‘rganildi.

Bunday uchrashuvlar yosh sportchilarning intilishlarini oshirish, ularni yangi marralar sari ruhlantirish hamda Nurafshon shahrida sportni yanada rivojlantirishga xizmat qilmoqda.

✅Telegram 🌐Instagram 🌐Website✅Facebook

✅✅✅✅

Xalqaro bolalarni himoya qilish kuniga bag‘ishlangan tadbirlar davom etmoqda

✅1-iyun – Xalqaro bolalarni himoya qilish kuni munosabati bilan Nurafshon shahrida tashkil etilgan bayram tadbirlari ko‘tarinki ruhda davom etmoqda.

🟣Navbatdagi bayram dasturi Nurafshon shahridagi "Magic Town" bolalar ko‘ngilochar maskanida tashkil etildi. Unda bolajonlar uchun turli qiziqarli o‘yinlar, ko‘ngilochar chiqishlar, kuy-qo‘shiqlar va raqs dasturlari namoyish etilib, unutilmas bayramona kayfiyat ulashildi.

💠Shuningdek, tadbir davomida bolajonlarga sevimli o‘yinchoqlar sovg‘a qilinib, bayram shukuhi yanada oshirildi. Bolalarning quvonchi, samimiy tabassumi va ko‘tarinki kayfiyati tadbirning eng yorqin lahzalariga aylandi.

🟣Ayni paytda Nurafshon shahridagi 4 ta oilaviy bolalar uyida tarbiyalanayotgan bolalar ham Toshkent shahrida tashkil etilgan bayram tadbirlarida ishtirok etib, mazmunli hordiq chiqarmoqda.

🏷Yosh avlodning baxtli va barkamol voyaga yetishi, ularning bo‘sh vaqtini mazmunli tashkil etish hamda bolalarga mehr va e’tibor ko‘rsatish borasidagi bunday tadbirlar kelgusida ham izchil davom ettiriladi.

✅Telegram 🌐Instagram 🌐Website✅Facebook