✅✅✅✅

Aholi murojaatlari – e’tibor va yechim markazida

Nurafshon shahar IIB boshlig‘i A. Yuldashev tomonidan “Hurriyat” mahallasida navbatdagi sayyor shaxsiy qabul o‘tkazildi.

✅Qabulda mahalla aholisi, ayniqsa, yoshi ulug‘ fuqarolar faol ishtirok etdi. Bu esa ichki ishlar organlari tomonidan aholi bilan ochiq muloqotni yo‘lga qo‘yish, fuqarolarning murojaatlarini o‘z vaqtida ko‘rib chiqish hamda ularning ishonchini mustahkamlash borasida olib borilayotgan ishlarning samarasi hisoblanadi.

Sayyor qabul davomida fuqarolar tomonidan bildirilgan murojaat va takliflar atroflicha o‘rganilib, ularni qiynab kelayotgan masalalar yuzasidan huquqiy tushuntirishlar berildi. Amaliy yordam talab etadigan murojaatlar bo‘yicha mas’ullarga tegishli topshiriqlar berilib, ijrosi nazoratga olindi.

Bunday uchrashuvlarning asosiy maqsadi fuqarolarning dard-u tashvishlarini tinglash, mavjud muammolarga yechim topish hamda aholi bilan ochiq va samarali muloqotni ta’minlashdan iborat.

Qabul davomida bildirilgan har bir murojaat e’tibor bilan tinglanib, ularni hal etish yuzasidan tegishli choralar belgilandi.

✅Telegram 🌐Instagram 🌐Website✅Facebook