✅✅✅✅

Mehnat yarmarkasi: fuqarolar ish bilan ta’minlanmoqda

✅ Nurafshon shahrining "Ma'rifat" MFY binosida ishsiz fuqarolar bandligini ta’minlash hamda mavjud muammolarni joyida hal etish maqsadida navbatdagi mehnat yarmarkasi tashkil etildi.

🟣Mazkur tadbir Nurafshon shahar hokimligi, Respublika ishchi guruhi a’zolari, Nurafshon shahar Adliya bo'limi hamda Nurafshon shahar Kambag‘allikni qisqartirish va bandlikka ko‘maklashish bo‘limi hamkorligida o‘tkazildi.

✅ Mehnat yarmarkasida 14 dan ortiq korxona va tashkilotlar ishtirok etib, fuqarolarga jami 368 ta bo‘sh ish o‘rni taklif etildi. Tadbirda 27 nafar ishsiz fuqaro qatnashdi. Yakunlarga ko‘ra, 2 nafar fuqaroga ishga joylashish uchun yo‘llanma berildi, yana 2 nafari kasb-hunarga o‘qitish kurslariga yo‘naltirildi.

✅Telegram 🌐Instagram 📹YouTube✅Facebook

✅✅✅✅

Otaliqqa biriktirilgan yoshlar – doimiy e’tiborda

Bugun Nurafshon shahri hokimi Qobil Xamdamov otaliqqa biriktirilgan yoshlar bilan uchrashib, ular bilan ochiq va samimiy muloqot o‘tkazdi.
Uchrashuv davomida yoshlarni qiynayotgan muammolar, ularning taklif va tashabbuslari tinglanib, har bir masala yuzasidan amaliy yechimlar muhokama qilindi. Shuningdek, yoshlarning qiziqishlari, oilaviy sharoiti, bandligi hamda daromad manbalari o‘rganildi.

✅ Muloqot jarayonida shahar hokimi o‘z biznesini yo‘lga qo‘yish istagidagi yoshlarga davlat tomonidan yaratilayotgan imkoniyatlar, imtiyozli kreditlar va qo‘llab-quvvatlash mexanizmlari haqida ma’lumot berib, tashabbuskor yoshlarni har tomonlama qo‘llab-quvvatlashga tayyor ekanligini ta’kidladi.

Shu bilan birga, har bir yosh bilan individual ishlash, ularning muammolarini manzilli hal etish hamda qiziqish va salohiyatidan kelib chiqib aniq “yo‘l xaritalari” ishlab chiqish bo‘yicha mas’ullarga tegishli topshiriqlar berildi. Yoshlarni bosqichma-bosqich bandlikka jalb etish, kasb-hunarga yo‘naltirish va faol ijtimoiy hayotga qaytarish masalalariga alohida e’tibor qaratildi.

❕Bunday uchrashuvlar yoshlarning muammolarini o‘z vaqtida aniqlash va hal etish, ularni har tomonlama qo‘llab-quvvatlash, jamiyatdagi faolligini oshirish hamda kelajakka bo‘lgan ishonchini mustahkamlashda muhim ahamiyat kasb etadi.

✅Telegram 🌐Instagram 🌐Website✅Facebook