⚽️ Yillar davomidagi orzu. Millionlab yuraklarning umidi. Butun xalq kutgan tarixiy lahza.

Prezident Shavkat Mirziyoyev rahbarligida sport sohasida amalga oshirilgan izchil islohotlar, zamonaviy infratuzilma va futbol rivojiga qaratilgan e’tibor o‘zining tarixiy samarasini berdi.

O‘zbekiston milliy terma jamoasi ilk bor futbol bo‘yicha Jahon chempionati maydoniga chiqdi! O‘zbekiston bayrog‘i futbolning eng nufuzli maydonida hilpiradi!

Millionlab muxlislar orzusini ro‘yobga chiqargan, O‘zbekiston nomini jahon chempionati sahifalariga muhrlagan futbolchilarimizga yuksak ehtirom!

https://t.me/Rasmiy_axborot_official

🦋 Media haftalik poytaxt sari yo‘l oladi

Respublikaning barcha hududlarida to‘plangan tajriba, bilim va ko‘nikmalar endi Media haftalikning yakuniy bosqichlarida jamlanadi. Bir necha oy davomida minglab jurnalistlar, blogerlar, matbuot kotiblari, kontent yaratuvchilar va yoshlar ishtirok etgan yirik media loyihaning navbatdagi manzili — Toshkent viloyati va Toshkent shahri.

👍 22-25-iyun kunlari Media haftalik ikki hududda parallel ravishda tashkil etiladi. Mashg‘ulotlar Toshkent viloyatida “Cyber University” davlat universiteti bazasida, Toshkent shahrida esa OAV uchun Kontent tayyorlash markazida o‘tkaziladi.

🕘Trening va seminarlar har kuni soat 09:00 dan 17:00 gacha davom etadi.

Dastur doirasida media va kommunikatsiya sohasining eng dolzarb mavzulari muhokama qilinadi. Ishtirokchilar kontent yaratishning zamonaviy yondashuvlari, sun’iy intellekt imkoniyatlari, faktcheking, raqamli gigiyena, ijtimoiy tarmoqlarda samarali ishlash, axborot xavfsizligi, strategik kommunikatsiyalar va auditoriya bilan muloqotning yangi usullari bo‘yicha amaliy bilimlarga ega bo‘ladilar.

🦋 Batafsil ma'lumot: @kontentmarkazi