✅✅✅✅

Nurafshonda navbatdagi “Hokimlik soati” yig‘ilishi o‘tkazildi

Nurafshon shahar hokimi Qobil Xamdamov rahbarligidagi yig‘ilishda sektor rahbarlari, hududdagi korxona va tashkilotlar mutasaddilari, mahalla yettiligi a’zolari hamda hokimlik apparati xodimlari ishtirok etdi.

✅ Unda, O‘zbekiston Respublikasi Prezidentining 2025-yil 3-yanvardagi PQ-1 va 2026-yil 5-yanvardagi PQ-2-sonli qarorlari ijrosini ta’minlash, mahallalarda xavfsiz muhitni yaratish, jinoyatchilikning oldini olish hamda huquqbuzarliklar profilaktikasi bo‘yicha Nurafshon shahrida amalga oshirilayotgan ishlarning 2026-yil II chorak yakunlari holati tahlil qilindi.

✅ Nurafshon shahri Xalq qabulxonasi tomonidan aholi murojaatlari va muammolarini hal etish bo‘yicha amalga oshirilgan ishlar to‘g‘risida ma’lumot berildi.

✅ O‘zbekiston Respublikasi Prezidentining qarorlari, farmonlari, tashrif va majlis bayonlari, Prezident Administratsiyasi topshiriqlari hamda Vazirlar Mahkamasining qarorlari, farmoyishlari va yig‘ilish bayonlarida Nurafshon shahar hokimligiga yuklatilgan topshiriqlarning ijro holati to‘g‘risidagi axboroti tinglandi.

✅ O‘zbekiston Respublikasi Vazirlar Mahkamasining 2026-yil 14-maydagi “2026-yilda iqtisodiyot tarmoqlarida energiya samaradorligini oshirish hamda tarmoq korxonalarida energiyadan oqilona foydalanishni tashkil qilish orqali elektr energiyasi va tabiiy gazni tejashni ta’minlash to‘g‘risida”gi 242-sonli qarorining ijrosi hamda Nurafshon shahrida energiya samaradorligini oshirish bo‘yicha amalga oshirilayotgan ishlar to‘g‘risida ma’lumot berildi.

Yig‘ilish yakunida shahar hokimi tomonidan har bir yo‘nalish bo‘yicha ish samaradorligini oshirish, fuqarolarning murojaatlariga tezkor va samarali yechim topish, belgilangan vazifalarni sifatli hamda o‘z muddatida bajarish, shaharda amalga oshirilayotgan keng ko‘lamli ishlarni OAVda keng yoritish masalalari tanqidiy tahlil qilinib, bu boradagi ishlar ko‘lamini yanada kengaytirish yuzasidan aniq topshiriqlar berildi. Shuningdek, ijro intizomini kuchaytirish va mas’uliyatni oshirish bo‘yicha qo‘shimcha vazifalar belgilab olindi.

✅Telegram 🌐Instagram 🌐Website✅Facebook

✅✅✅✅

Qobil Xamdamov Nurafshon shahridagi yirik investitsion korxonalar faoliyati bilan tanishdi

Har bir hududning ijtimoiy-iqtisodiy rivojlanishida investitsion loyihalar va yirik ishlab chiqarish korxonalarining o‘rni beqiyos. Bugungi kunda Nurafshon shahrida 160 dan ortiq xorijiy investitsiya ishtirokidagi korxonalar faoliyat yuritmoqda.

✅ Bugun Nurafshon shahar hokimi Qobil Xamdamov shahardagi Erkin iqtisodiy zona faoliyati bilan tanishdi. Umumiy qiymati 520 million AQSH dollariga teng bo‘lgan ushbu investitsion loyihada 6 nafar yirik xitoylik investor tomonidan farmatsevtika, yengil sanoat, elektrotexnika, qurilish materiallari, oziq-ovqat hamda kimyo sanoati yo‘nalishlarida qurilish ishlari olib borilmoqda.
2027-yilda ishga tushirilishi rejalashtirilgan mazkur korxonalarda 3 mingga yaqin yangi ish o‘rni yaratilishi ko‘zda tutilgan.

Shahar hokimi investorlar bilan muloqot davomida ularni qiynayotgan muammolar va mavjud kamchiliklarni o‘rganib, har bir masala qonunchilik doirasida hal etilishi yuzasidan amaliy yordam ko‘rsatilishini ta’kidladi.

✅Telegram 🌐Instagram 🌐Website✅Facebook

✅✅✅✅

Fuqarolar murojaatlari e’tibor markazida

✅ Nurafshon shahar Xalq qabulxonasida shahar hokimining birinchi o‘rinbosari A. Eshbayev tomonidan fuqarolar uchun navbatdagi shaxsiy qabul o‘tkazildi.
Qabul davomida fuqarolar tomonidan ko‘tarilgan masalalar atroflicha o‘rganilib, ikki murojaat joyida ijobiy hal etildi.

🔹 Xususan, bir fuqaroning moddiy yordam ajratish bo‘yicha murojaati tegishli tartibda ko‘rib chiqilib, amaliy yechim topildi. Shuningdek, farzandini davlat maktabgacha ta’lim tashkilotiga imtiyozli asosda joylashtirish yuzasidan bildirgan murojaati ham shu joyning o‘zida ijobiy hal etildi.

❗️Aholini qiynab kelayotgan muammolarni o‘rganish, fuqarolarning murojaatlariga tezkor va samarali yechim topish hamda ularning roziligini ta’minlash maqsadida bunday qabullar muntazam ravishda tashkil etib kelinmoqda.

✅Telegram 🌐Instagram 🌐Website✅Facebook