✅✅✅✅

Qishloq xo‘jaligi texnikalarini ishlab chiqarish korxonasi faoliyati o‘rganildi

Nurafshon shahar hokimi Qobil Xamdamov hududda ishlab chiqarish ko‘lamini kengaytirish, yangi ish o‘rinlari yaratish, mahsulot turlarini ko‘paytirish hamda investitsion jozibadorlikni yanada oshirish maqsadida shahardagi yirik ishlab chiqarish korxonalari va investitsion loyihalar faoliyati bilan yaqindan tanishmoqda.

Navbatdagi manzil “LVKE Industrial Development” qishloq xo‘jaligi texnikalarini ishlab chiqarish korxonasi bo‘ldi.

✅ Ma’lumot uchun, mazkur korxona qishloq xo‘jaligida qo‘llaniladigan zamonaviy texnikalarni butlash va yig‘ishni tashkil etishga ixtisoslashgan bo‘lib, bu yerda “BELARUS” brendi ostidagi traktorlar, ularga mos turli xil traktor tirkamalari hamda maxsus qishloq xo‘jaligi uskunalari ishlab chiqariladi.

Loyihaning umumiy qiymati 80 mln dollarni tashkil etadi. Korxona yiliga 1,2 ming dona zamonaviy qishloq xo‘jaligi texnikalarini butlash va yig‘ish quvvatiga ega. Natijada yiliga 2,8 mln dollar miqdoridagi import o‘rnini bosuvchi mahsulotlarni mahalliylashtirish ta’minlanadi.

✅ Tashrif davomida shahar hokimi ishlab chiqarish jarayonlari, mahsulot sifati, korxonaning mavjud quvvatlari hamda istiqboldagi rivojlanish rejalari bilan tanishdi. Xususan, mahalliylashtirish darajasini yanada oshirish, yangi ish o‘rinlarini yaratish, ishlab chiqarish hajmlarini ko‘paytirish, eksport salohiyatini kengaytirish hamda zamonaviy raqamli texnologiyalar va sun’iy intellekt yechimlarini ishlab chiqarish jarayonlariga keng joriy etish masalalari muhokama qilindi.

Shuningdek, korxona faoliyatida uchrayotgan muammolar va ularni bartaraf etish bo‘yicha takliflar ko‘rib chiqildi. Muhokamalar yakunida belgilangan vazifalarni o‘z vaqtida va sifatli amalga oshirish yuzasidan tegishli mas’ullarga aniq topshiriqlar berildi.

Qayd etilganidek, bunday investitsion loyihalar nafaqat sanoat salohiyatini oshirish, balki yangi ish o‘rinlarini yaratish, import o‘rnini bosuvchi mahsulotlar ishlab chiqarishni kengaytirish hamda hudud iqtisodiyotining barqaror rivojlanishiga xizmat qiladi.

✅Telegram 🌐Instagram 🌐Website✅Facebook

✅✅✅✅

“Dolzarb 90 kun” loyihasi doirasidagi tadbirlar izchil davom etmoqda

⚡Nurafshonda o‘quvchilarning yozgi ta’til davridagi bo‘sh vaqtlarini mazmunli tashkil etish maqsadida 4-, 9- va 57-maktablarda sog‘lomlashtirish maydonchalari faoliyat yuritmoqda. Ularga 300 nafar boshlang‘ich sinf o‘quvchisi hamda 18 nafar to‘garak rahbari jalb qilingan.

📌Shuningdek, barcha maktablarda “Zakovat” intellektual o‘yinlari, kitobxonlik, mohir qo‘llar, rasm chizish va boshqa ma’naviy-ma’rifiy to‘garaklar tashkil etilib, iyun oyida 380 nafardan ortiq o‘quvchi qamrab olindi.

📌Sport yo‘nalishidagi futbol, voleybol, basketbol, stol tennisi, shaxmat-shashka va yengil atletika to‘garaklariga 2100 nafar o‘quvchi jalb etilgan bo‘lsa, kasb-hunarga yo‘naltiruvchi to‘garaklarda yana 450 nafar o‘quvchi ishtirok etmoqda.

🟣Bugungi kunda “Dolzarb 90 kun” loyihasi doirasidagi tadbirlar bilan shahardagi 3230 nafardan ortiq o‘quvchi qamrab olinib, ularning bo‘sh vaqtlarini mazmunli tashkil etish, iqtidor va qiziqishlarini rivojlantirishga alohida e’tibor qaratilmoqda.

✅Telegram 🌐Instagram 🌐Website✅Facebook