✅✅✅✅

Yangi qonun – giyohvandlikka qarshi kurashda muhim qadam

✅ Nurafshon shahrida O‘zbekiston Respublikasining 2026-yil 11-iyunda qabul qilingan qonunning mazmun-mohiyati va ahamiyatiga bag‘ishlangan targ‘ibot tadbiri bo‘lib o‘tdi.

🟣Tadbirda O‘zbekiston Respublikasi Oliy sudi sudyasi Qahramon Mirsafaev , Jinoyat ishlari bo‘yicha Toshkent viloyati sudi sudyasi Umid Xanaev , Jinoyat ishlari bo‘yicha Nurafshon shahar sudi raisi G‘ofur Amonov hamda Nurafshon shahar sudi sudyasi Alisher Nurmatov ishtirok etib, yangi qonun bilan kiritilgan o‘zgartirishlar, ularning amaliy ahamiyati hamda jinoyatchilikning oldini olishdagi o‘rni haqida batafsil ma’lumot berdilar.

✅ Mutaxassislar tomonidan yangi qonun bilan mazkur turdagi jinoyatlar uchun javobgarlik kuchaytirilgani, xususan, ayrim qilmishlar uchun 5 yildan 20 yilgacha ozodlikdan mahrum qilish jazosi belgilanganligi qayd etildi. Tadbir davomida yoshlarni giyohvandlik illatidan asrash, huquqiy madaniyatni yuksaltirish hamda sog‘lom turmush tarzini targ‘ib qilish masalalariga alohida e’tibor qaratildi.

✅Telegram 🌐Instagram 📹YouTube✅Facebook

✅✅✅✅

Nurafshon shahridagi sog‘lomlashtirish maydonchalari faoliyati o‘rganildi

Toshkent viloyati prokuraturasi Voyaga yetmaganlar haqidagi qonunchilik ijrosi ustidan nazorat bo‘limi boshlig‘i, adliya maslahatchisi D. Isroilov Nurafshon shahrida tashkil etilgan yozgi sog‘lomlashtirish maydonchalari faoliyati bilan yaqindan tanishdi.

Tashrif davomida sog‘lomlashtirish maydonchalarida bolalar uchun yaratilgan shart-sharoitlar, ularning bo‘sh vaqtlarini mazmunli tashkil etish, sport va madaniy-ma’rifiy tadbirlarga jalb etilishi hamda xavfsizlik choralarining ta’minlanganligi ko‘zdan kechirildi.

Shuningdek, D. Isroilov bolajonlar bilan samimiy suhbat o‘tkazib, ularning qiziqishlari, orzu-intilishlari va yozgi ta’tilni qanday o‘tkazayotgani bilan qiziqdi. Suhbat davomida farzandlarning bilim olishga intilishi, kitobxonlikka bo‘lgan qiziqishi va sport bilan muntazam shug‘ullanishining ahamiyati haqida fikr almashildi.

Maydonchalarda tashkil etilgan to‘garaklar, ma’naviy-ma’rifiy va sport tadbirlari bolalarning ijtimoiy faolligini oshirish, ularni vatanparvarlik ruhida tarbiyalash hamda ta’til davrini mazmunli o‘tkazishga xizmat qilayotgani ta’kidlandi.

Tadbir yakunida mas’ullarga sog‘lomlashtirish maydonchalari faoliyatini yanada takomillashtirish, bolalarning xavfsizligi va bo‘sh vaqtlarini samarali tashkil etish bo‘yicha tegishli tavsiyalar berildi.

✅Telegram 🌐Instagram 📹YouTube✅Facebook

✅✅✅✅

Nurafshonda navbatdagi ommaviy tibbiy ko‘rik

✅Nurafshon shahar Tibbiyot birlashmasi tomonidan “To`ytepa” mahallasida istiqomat qiluvchi fuqarolar uchun navbatdagi bepul tibbiy ko‘rik tashkil etildi.

Tadbirda oilaviy shifokorlar, turli yo‘nalishdagi mutaxassislar hamda diagnostika xodimlari ishtirok etib, aholining salomatlik holatini kompleks baholash ishlari amalga oshirildi. Fuqarolar ultratovush tekshiruvi (UTT), elektrokardiografiya (EKG) va boshqa zarur tibbiy xizmatlardan foydalanish imkoniyatiga ega bo‘ldilar.

Ko‘rik davomida aniqlangan kasalliklar va xavf omillari bo‘yicha fuqarolarga tegishli tavsiyalar berilib, zarur hollarda qo‘shimcha tekshiruv hamda davolanish uchun yo‘llanmalar rasmiylashtirildi.

✅Shuningdek, mutaxassislar tomonidan yurak-qon tomir kasalliklarining oldini olish, sog‘lom ovqatlanish, jismoniy faollik va sog‘lom turmush tarziga rioya etishning ahamiyati yuzasidan tushuntirish ishlari olib borildi.

🏷Aholi salomatligini muhofaza qilishga qaratilgan bunday tibbiy ko‘riklar Nurafshon shahridagi mahallalarda reja asosida davom ettirilmoqda.

✅Telegram 🌐Instagram 🌐Website✅Facebook