✅✅✅✅

Degantepa mahalla yettiligi xalq oldida hisobot berdi

Nurafshon shahridagi “Degantepa” mahallasida Mahalla kengashining navbatdagi yigʻilishi oʻtkazilib, mahalla yettiligi tomonidan 2026-yilning oʻtgan 6 oyi davomida amalga oshirilgan ishlar yuzasidan aholi oldida hisobot berildi.

Yigʻilishda mahalla fuqarolar yigʻini raisi, hokim yordamchisi, profilaktika inspektori, yoshlar yetakchisi, xotin-qizlar faoli, ijtimoiy xodim, Mahalla kengashi aʼzolari, mahalla faollari hamda nuroniylar ishtirok etdi.

🔹 Hisobot davomida mavjud muammolar muhokama qilinib, yilning ikkinchi yarmida amalga oshiriladigan ustuvor vazifalar belgilab olindi.

✔️ Yigʻilish yakunida mahalla faollari va nuroniylar tomonidan bildirilgan takliflar asosida mahallada olib borilayotgan ishlar samaradorligini yanada oshirish yuzasidan tegishli tavsiyalar berildi.

✅Telegram 🌐Instagram 🌐Website✅Facebook

✅✅✅✅

OAV NIGOHIDA: Nurafshon shahrida har haftaning payshanba kuni rahbarlar va yoshlar uchrashuvi o'tkazilib, hududdagi yigit-qizlarning muammo va takliflari o'rganilmoqda, ularning tashabbuslari esa har tomonlama qo'llab-quvvatlanmoqda.

📺 Jarayon tafsilotlari bilan “Nurafshon TV” tayyorlagan lavha orqali tanishing.

✅Telegram 🌐Instagram 🌐Website✅Facebook

✅✅✅✅

Sayyor qabul: fuqarolar murojaatlari joyida hal etildi

📌Nurafshon shahrida aholi murojaatlari bilan ishlash tizimi izchil yo‘lga qo‘yilgan bo‘lib, har bir murojaat atroflicha o‘rganilib, qonunchilik doirasida hal etilishiga alohida e’tibor qaratilmoqda.

Shahar hokimi Qobil Xamdamov boshchiligida har hafta muntazam o‘tkazilayotgan sayyor va shaxsiy qabullar orqali fuqarolarni qiynab kelayotgan ko‘plab muammolarga amaliy yechim topilmoqda.

✅ Jumladan, kuni kecha Birlik mahallasida o‘tkazilgan sayyor qabulda sog‘lig‘ida jiddiy muammosi bo‘lgan fuqaro Zilola Mullaboyevaning murojaati qisqa muddatda ijobiy hal etilib, unga moddiy yordam ko‘rsatildi. Fuqaro davlatimiz va Prezidentimizning e’tibori hamda g‘amxo‘rligini chuqur his qilganini bildirib, bu e’tibor unga katta dalda bo‘lganini qayd etdi.

❕Qabul davomida tadbirkorlik, bandlik va kommunal sohalarga oid qator murojaatlar ham joyida hal etildi. Shahar hokimi Qobil Xamdamov mas’ullarga tegishli topshiriqlar berar ekan, har bir murojaat ortida inson taqdiri va inson qadri mujassam ekanini, aholi murojaatlariga mas’uliyat bilan yondashish barchaning ustuvor vazifasi ekanini alohida ta’kidladi.

✅Telegram 🌐Instagram 🌐Website✅Facebook

✅✅✅✅

Nurafshon shahrida “Xavfsiz va sog‘lom yurt” tezkor-profilaktik tadbirlari keng qamrovda davom etmoqda

🇺🇿 Nurafshon shahrida jamoat xavfsizligini taʼminlash, huquqbuzarlik va jinoyatchilikning oldini olish, fuqarolarning tinch va osoyishta hayotini taʼminlash maqsadida “Xavfsiz va sog‘lom yurt” kompleks tezkor-profilaktik tadbirlari keng ko‘lamda amalga oshirilmoqda.

Tadbirlar doirasida shahar hududlarida profilaktik reydlar, tushuntirish ishlari, yoshlar va fuqarolar bilan uchrashuvlar tashkil etilib, jamoat tartibini mustahkamlash, yo‘l harakati xavfsizligini ta’minlash hamda huquqbuzarliklarning barvaqt oldini olishga alohida e’tibor qaratilmoqda.

✅ Shuningdek, mahallalarda mas’ul idoralar hamkorligida fuqarolar bilan manzilli ishlash, mavjud muammolarni joyida o‘rganish va ularni bartaraf etish yuzasidan amaliy choralar ko‘rilmoqda.

Aziz yurtdoshlar!
Yurtimiz tinchligi va mahallalarimiz osoyishtaligini asrash barchamizning sharafli burchimizdir. Mamlakatimiz mustaqilligining 35 yillik bayramini tinch, osoyishta va yuqori kayfiyatda kutib olaylik. “Xavfsiz va sog‘lom yurt” tezkor-profilaktik tadbirlarida faol ishtirok eting. Qonunlarga hurmat bilan yondashish, jamoat tartibiga rioya qilish va har qanday huquqbuzarliklarga befarq bo‘lmaslik orqali yurtimiz tinchligi va farovonligiga o‘z hissamizni qo‘shaylik.

✅Telegram 🌐Instagram 🌐Website✅Facebook