✅✅✅✅

To‘ytepa mahallasida "aqlli svetaforlar" o‘rnatilmoqda

✅Avval xabar berganimizdek, Nurafshon shahrida yo‘l harakati xavfsizligini yanada mustahkamlash, yo‘l-transport hodisalarining oldini olish hamda transport oqimini samarali boshqarish maqsadida zamonaviy "aqlli chorraha" tizimlarini joriy etish ishlari izchil davom ettirilmoqda.

❗️Ayni paytda shahar hududidagi 8 ta chorraha va 4 ta tartibga solinadigan piyodalar o‘tish joyi, jami 12 ta nuqtada mazkur tizimlarni bosqichma-bosqich o‘rnatish ishlari olib borilmoqda.

✔️Zamonaviy raqamli boshqaruv texnologiyalariga asoslangan ushbu tizim transport oqimini real vaqt rejimida tahlil qilib, harakat zichligidan kelib chiqib svetoforlarning ishlash rejimini avtomatik tarzda boshqaradi. Natijada transport vositalarining uzluksiz harakatlanishi ta’minlanib, tirbandliklar kamayadi, haydovchilar va piyodalar uchun yanada qulay hamda xavfsiz sharoit yaratiladi.

❗️Bundan tashqari, chorrahalarga o‘rnatilayotgan zamonaviy videokuzatuv kameralari yo‘l harakati qoidalari buzilishini avtomatik ravishda aniqlash imkoniyatiga ega. Xususan, svetoforning taqiqlovchi ishorasida harakatlanish, belgilangan tezlik me’yorini oshirish hamda boshqa qoidabuzarliklar elektron tarzda qayd etilib, yo‘l harakati intizomini mustahkamlashga xizmat qiladi.

✔️"Aqlli chorraha" tizimlarining bosqichma-bosqich joriy etilishi shahar yo‘l infratuzilmasini zamonaviy raqamli boshqaruv asosida rivojlantirish, yo‘l-transport hodisalari xavfini kamaytirish hamda harakat ishtirokchilari uchun xavfsiz va qulay muhit yaratishda muhim ahamiyat kasb etadi.

✅Telegram 🌐Instagram 🌐Website✅Facebook

✅✅✅✅

Degantepada mehnat yarmarkasi o'tkazildi

Nurafshon shahrida aholi bandligini ta’minlash va fuqarolarni doimiy daromad manbai bilan ta’minlash maqsadida mehnat yarmarkalari tizimli ravishda tashkil etib kelinmoqda.

✅ Bugungi mehnat yarmarkasi "Degantepa" mahalla fuqarolar yig‘ini hududida bo‘lib o‘tdi. Unda Nurafshon shahar hokimligi, Respublika ishchi guruhi, Adliya bo‘limi hamda Kambag‘allikni qisqartirish va bandlikka ko‘maklashish bo‘limi mas’ullari ishtirok etdi.

Tadbir davomida 11 ta korxona va tashkilot tomonidan 285 ta bo‘sh ish o‘rni fuqarolar e’tiboriga havola qilindi. Ish izlayotgan fuqarolar korxona vakillari bilan bevosita muloqot qilib, mavjud vakant lavozimlar yuzasidan batafsil ma’lumot oldilar. Yarmarkada 22 nafar ishsiz fuqaro qatnashib, ularga ishga joylashish, kasb tanlash hamda mehnat bozorida talab yuqori bo‘lgan yo‘nalishlar bo‘yicha tushuntirishlar berildi. Natijada 1 nafar fuqaro ishga yo‘llanma oldi, 3 nafar ishtirokchi esa kasb-hunar o‘quv kurslariga jalb qilindi.

❕ Bunday tadbirlar fuqarolarning bandligini oshirish, ularning mehnat bozoridagi raqobatbardoshligini kuchaytirish hamda oilalar farovonligini ta’minlashda muhim ahamiyat kasb etmoqda.

✅Telegram 🌐Instagram 🌐Website✅Facebook