✅✅✅✅

Nurafshonda kuz-qish mavsumiga puxta tayyorgarlik ishlari davom etmoqda

Nurafshon shahar gaz ta'minoti bo‘limi tomonidan Obod, Taraqqiyot, Birlik, Oppoq hamda Nurafshon mahallalari hududlarida kuz-qish mavsumiga tayyorgarlik ko‘rish maqsadida keng ko‘lamli profilaktik va texnik xizmat ko‘rsatish ishlari amalga oshirilmoqda.

Mazkur tadbirlar doirasida tabiiy gaz tarmoqlarining texnik holati ko‘zdan kechirilib, quvurlar korroziyaga qarshi maxsus bo‘yoqlar bilan qayta bo‘yamoqda. Shuningdek, gaz taqsimlash punktlari himoya qoplamalari bilan jihozlanib, ularning ishonchli va xavfsiz ishlashini ta'minlash bo‘yicha zarur choralar ko‘rilmoqda.

Ushbu ishlar iste'molchilarni kuz-qish mavsumida tabiiy gaz bilan uzluksiz va xavfsiz ta'minlash, gaz ta'minoti tizimining barqaror faoliyatini ta'minlashga xizmat qiladi.

✅Telegram 🌐Instagram 🌐Website✅Facebook

✅✅✅✅

Hashar — obodlik va birdamlik timsoli

🇺🇿 Yurtimiz bo‘ylab o‘tkazilayotgan "Obodlik ostonadan boshlanadi!" umumxalq obodonlashtirish aksiyasi doirasida Nurafshon shahrida ham keng ko‘lamli hashar va obodonlashtirish ishlari izchil davom etmoqda. Mustaqilligimizning 35 yilligini munosib kutib olish maqsadida shahar hokimi Qobil Xamdamov boshchiligida ko‘cha va mahallalarni yanada obod, ozoda va fayzli maskanga aylantirish yo‘lida keng ko‘lamli ishlar amalga oshirilmoqda.

🔂Bugun ham Nurafshon shahrida ommaviy hashar tashkil etilib, hududdagi korxona-tashkilotlar vakillari, mahalla faollari, nuroniylar, yoshlar hamda ko‘ngilli fuqarolar bir yoqadan bosh chiqarib obodonlashtirish ishlarida faol ishtirok etdilar. Hashar davomida hududlar tartibga keltirilib, yashil maydonlar parvarishlandi va atrof-muhit yanada obod qilindi.

Hashar davomida ishtirokchilar uchun dasturxon yozilib, kuy-qo'shiqlar jo'rligida samimiy mehmondorchilik tashkil qilindi. Ushbu ezgu tashabbusga Nurafshon mahallasining faol tadbirkorlari ham munosib hissa qo‘shib, hashar qatnashchilarini mehmon qilish orqali hamjihatlik va saxovatning yorqin namunasini namoyon etdilar.

❗️Obod va farovon yurtni barpo etish har birimizning mas'uliyatimizdir. Ana shunday ezgu tashabbuslar orqali Nurafshon yanada ko‘rkam, ozoda va yashash uchun qulay shaharga aylanib bormoqda.

✅Telegram 🌐Instagram 🌐Website✅Facebook

✅✅✅✅

Taraqqiyot mahallasida oqava suv tarmoqlarini tortish ishlari jadal davom etmoqda

✅Nurafshon shahrining Taraqqiyot mahallasida aholini zamonaviy muhandislik-kommunikatsiya infratuzilmasi bilan ta'minlash maqsadida oqava suv tarmoqlarini tortish ishlari jadal sur'atlarda davom etmoqda.

🔂Bugungi kunga qadar 1,5 kilometr masofada oqava suv tarmoqlari yotqizildi. Loyiha to‘liq yakunlangach esa jami 5 kilometr uzunlikdagi yangi tarmoqlar foydalanishga topshirilishi rejalashtirilgan.

Mazkur bunyodkorlik ishlari mahalla aholisining turmush sifatini yanada oshirish, sanitariya-gigiyena holatini yaxshilash, ekologik barqarorlikni ta'minlash hamda zamonaviy kommunal infratuzilmadan samarali foydalanish imkoniyatlarini kengaytirishga xizmat qiladi.

❗️Qurilish ishlari belgilangan reja va grafik asosida izchil olib borilmoqda. Loyihaning amalga oshirilishi natijasida Taraqqiyot mahallasida muhandislik-kommunikatsiya infratuzilmasi yanada takomillashib, aholiga qulay va zamonaviy yashash sharoitlarini yaratishga munosib hissa qo‘shadi.

✅Telegram 🌐Instagram 🌐Website✅Facebook