✅✅✅✅

Tayanch mahallada vazifalar aniq taqsimlanib, mavjud holat joyiga chiqqan holda o‘rganildi

Avvalroq xabar berilganidek, bugun Nurafshon shahar hokimi Qobil Xamdamov hududda og‘ir (tayanch) mahalla sifatida belgilangan “Nurafshon” mahallasida bo‘lib, mahalla faollari, nuroniylar va aholi vakillari bilan ochiq muloqot o‘tkazdi.

✅ Mazkur mahallada 8 ta ko‘cha, 1018 ta xonadon va 3 405 nafar aholi istiqomat qiladi. Ochiq muloqotdan so‘ng shahar hokimi Qobil Xamdamov boshchiligida tegishli mas’ullar, mahalla yettiligi, ko‘chaboshilar, jamoatchilik vakillari, nuroniylar hamda volontyorlar ishtirokida hududdagi mavjud holat bevosita joyiga chiqqan holda o‘rganildi. O‘rganish davomida har bir ko‘cha, har bir xonadon va har bir muammo kesimida amalga oshirilishi lozim bo‘lgan ishlar belgilab olinib, mas’ullarga aniq vazifalar yuklatildi.

Jumladan, mahalladagi ishsiz aholini aniqlash va ularning bandligini ta’minlash, norasmiy tadbirkorlik faoliyati bilan shug‘ullanayotgan fuqarolarga qonunchilik doirasida huquqiy va amaliy ko‘mak ko‘rsatish, qarovsiz va foydalanilmayotgan binolarni nazoratga olish, mavjud kommunikatsiya va muhandislik tarmoqlaridagi muammolarni bartaraf etish, hududning obodonlashtirish holatini yaxshilash kabi masalalarga alohida e’tibor qaratildi.

Shuningdek, kuz-qish mavsumiga tayyorgarlik ko‘rish, ko‘p qavatli uy-joylar hamda ijtimoiy soha obyektlarining mavsumga shayligini ta’minlash, ichimlik suvi, elektr energiyasi, tabiiy gaz va boshqa kommunal xizmatlar bilan bog‘liq muammolarni bosqichma-bosqich hal etish yuzasidan ham tegishli chora-tadbirlar belgilandi.

Mahalladagi mavjud muammolarni faqat qog‘ozdagi ma’lumotlar asosida emas, balki bevosita joyiga chiqqan holda o‘rganish, har bir masalani mas’ulga biriktirish va ijrosini nazorat qilish bo‘yicha aniq tizim yo‘lga qo‘yilishi belgilandi.

❗️Endilikda “Nurafshon” mahallasida har bir ko‘cha, har bir xonadon va har bir oila kesimida manzilli ishlar tashkil etilib, belgilangan vazifalarning natijadorligi muntazam nazorat qilib boriladi.

✅Telegram 🌐Instagram 🌐Website✅Facebook

🔴 LIVE | 🟢 JARAYON
#Nurafshon_shahar
#Tayanch_(ogʻir)_mahallalardagi_ishlar

Og‘ir (tayanch) mahalla sifatida belgilangan “Nurafshon” mahallasida hududni obodonlashtirish, infratuzilmani yaxshilash hamda aholi uchun qulay va farovon sharoit yaratish borasidagi ishlar izchil davom ettirilmoqda.

Xususan, mahallaning “Yoshlik” ko‘chasi bo‘ylab oqib o‘tuvchi zovur bo‘ylari maxsus texnikalar yordamida tekislanib, yo‘l qismi kengaytirilmoqda. Mazkur ishlar natijasida ko‘chaning transport qatnovi uchun qulayligi oshirilib, hududning obodonchiligi va sanitariya holatini yaxshilashga alohida e’tibor qaratilmoqda.

Shuningdek, mahalladagi aholi xonadonlarining tashqi devorlari oqlanib, ko‘cha va hududlar tartibga keltirilmoqda.

Obodonlashtirish ishlari mahalla qiyofasini yanada chiroyli va fayzli ko‘rinishga keltirish, aholi uchun munosib yashash sharoitlarini yaratishga xizmat qilmoqda.

📍 Jarayon davom etmoqda...

✅Telegram 🌐Instagram 🌐Website✅Facebook

🔴 LIVE | 🟢 JARAYON
#Nurafshon_shahar
#Tayanch_(ogʻir)_mahallalardagi_ishlar

“Nurafshon” mahallasi I.Karimov ko‘chasidagi asosiy yo‘llar chetlari begona o‘tlar va tikanaklardan tozalanib, hudud obodonlashtirilmoqda.

❗️Ushbu ishlar ko‘cha va yo‘l bo‘ylarining sanitariya holatini yaxshilash, hududni yanada ozoda va ko‘rkam ko‘rinishga keltirish maqsadida amalga oshirilmoqda.

📍 Jarayon davom etmoqda...

✅Telegram 🌐Instagram 🌐Website✅Facebook

🔴 LIVE | 🟢 JARAYON
#Nurafshon_shahar
#Tayanch_(ogʻir)_mahallalardagi_ishlar

Hurriyat mahallasida obodonlashtirish hashari o‘tkazildi

Nurafshon shahar “Hurriyat” mahallasi hududidan o‘tuvchi temir yo‘l yoqalari va unga tutash hududlarda obodonlashtirish hamda tozalik ishlarini olib borish maqsadida hashar tashkil etildi.

Unda mahalla yettiligi, hudud faollari va mahalla ahli faol ishtirok etib, temir yo‘l yoqalaridagi chiqindilar yig‘ishtirildi, hudud begona o‘t va keraksiz narsalardan tozalandi.

Bunday hasharlardan ko‘zlangan asosiy maqsad — mahalla hududida obodlik va tozalikni ta’minlash, atrof-muhitni asrash hamda aholi uchun yanada qulay va fayzli muhit yaratishdir.

📍 Jarayon davom etmoqda...

✅Telegram 🌐Instagram 🌐Website✅Facebook