✅✅✅✅

"Dolzarb 40 kunlik" shtabida vazifalar ijrosi tanqidiy tahlil qilindi

Nurafshon shahrida "Dolzarb 40 kunlik" dasturi doirasidagi “Mahallada obodlik va mehr-saxovat oyligi” davomida keng ko‘lamli obodonlashtirish va bunyodkorlik ishlari izchil davom ettirilmoqda.

Shahar hokimi topshirig‘iga asosan tashkil etilgan maxsus shtabda hududlarda amalga oshirilayotgan ishlar har kuni tahlil qilinib, aniqlangan kamchiliklarni bartaraf etish choralari ko‘rilmoqda.

Bugun og‘ir (tayanch) mahalla sifatida belgilangan “Nurafshon” mahallasida tashkil etilgan shtabda shahar hokimi Qobil Xamdamov raisligida amalga oshirilgan ishlar tahliliga bag‘ishlangan tanqidiy yig‘ilish o‘tkazildi.

Unda hududga biriktirilgan rahbarlar, kommunal soha mutasaddilari va tegishli mas’ullar ishtirok etib, o‘z yo‘nalishlari bo‘yicha bajarilgan ishlar yuzasidan hisobot berdilar.

✅ Yig‘ilishda hudud aholisini real xatlovdan o‘tkazish, ijtimoiy himoyaga muhtoj, ishsiz va mehnatga layoqatli fuqarolarni aniqlab, ularni belgilangan tartibda ish bilan ta’minlash masalalariga alohida e’tibor qaratildi.

Shuningdek, ko‘p qavatli uylar hamda ijtimoiy soha obyektlarini kuz-qish mavsumiga tayyorlash, “Tashabbusli byudjet” loyihasiga kiritilgan ta’lim muassasalarini yangi o‘quv yiliga qadar puxta tayyorlash bo‘yicha mas’ullarga aniq vazifalar yuklatildi. Vazifalar ijrosida sustkashlikka yo‘l qo‘yayotgan mas’ullar jiddiy ogohlantirildi.

Yig‘ilish yakunida belgilangan vazifalar ijrosini ta’minlash, ishlar samaradorligini oshirish hamda hududda amalga oshirilayotgan jarayonlarni doimiy nazorat qilib borish yuzasidan mas’ullarga tegishli topshiriqlar berildi.

✅Telegram 🌐Instagram 🌐Website✅Facebook