✅✅✅✅

Nurafshon shahridagi mahallalarni obod qilish bo‘yicha ustuvor vazifalar belgilandi

✅Bugun kun avvalida Nurafshon shahar hokimi Qobil Xamdamov ishtirokida “Dolzarb 40 kunlik” dasturi doirasida amalga oshirilayotgan “Mahallada obodlik va mehr-saxovat oyligi” doirasida shahardagi barcha mahallalarida amalga oshirilishi lozim bo’lgan ishlar taqsimlanib, mas’ullarga vazifalar yuklatildi.

🔘Muloqotlarda shahar hokimining o‘rinbosarlari, korxona va tashkilotlar rahbarlari hamda sohaga mas’ul mutasaddilar ishtirok etdi. Unda mahallalarni kompleks rivojlantirish, aholining yashash sharoitlarini yaxshilash, hududlar infratuzilmasini rivojlantirish hamda mavjud muammolarni tizimli ravishda bartaraf etish masalalariga alohida e’tibor qaratildi.

Xususan, muhandislik-kommunikatsiya tarmoqlarini yaxshilash va modernizatsiya qilish, ichki yo‘llarni ta’mirlash, obodonlashtirish va ko‘kalamzorlashtirish ishlarini jadallashtirish, aholi bandligini ta’minlash, tadbirkorlik tashabbuslarini qo‘llab-quvvatlash hamda ijtimoiy soha obyektlari faoliyatini takomillashtirish bo‘yicha amalga oshiriladigan ishlar yuzasidan fikr almashildi.

“Mahallada obodlik va mehr-saxovat oyligi” doirasida belgilangan chora-tadbirlarning izchil amalga oshirilishi natijasida shahardagi barcha mahallalarda mavjud muammolarni bosqichma-bosqich bartaraf etish, infratuzilmani yaxshilash, hududlarni obod va ko‘rkam maskanlarga aylantirish hamda aholi uchun yanada qulay va munosib yashash sharoitlarini yaratish ko‘zda tutilgan.

✅Telegram 🌐Instagram 📹YouTube✅Facebook

✅✅✅✅

🎥 Nurafshondagi yirik investitsion loyiha faoliyatiga bag‘ishlangan maxsus ko‘rsatuv suratga olinmoqda

Ayni vaqtda O‘zbekiston 24 hamda Nurafshon TV telekanallari ijodkorlari hamkorligida Nurafshon shahrida amalga oshirilayotgan yirik investitsion loyihalardan biri — “DA SHUN GROUP” Xitoy investitsiyasi ishtirokidagi qurilish texnoparki faoliyatiga bag‘ishlangan maxsus ko‘rsatuv suratga olinmoqda.

✅ Tasvirga olish jarayonida texnoparkning tashkil etilishi, ishlab chiqarish quvvatlari, zamonaviy texnologiyalar, yaratilayotgan yangi ish o‘rinlari hamda loyihaning shahar iqtisodiy salohiyatini yuksaltirishdagi ahamiyati keng yoritilmoqda.

Maxsus ko‘rsatuv orqali tomoshabinlarga Nurafshon shahrida xorijiy investitsiyalarni jalb etish, yangi ishlab chiqarish loyihalarini yo‘lga qo‘yish va zamonaviy sanoat infratuzilmasini rivojlantirish borasida amalga oshirilayotgan ishlar haqida batafsil ma’lumot beriladi.

✅Telegram 🌐Instagram 📹YouTube✅Facebook

✅✅✅✅

Byudjet tushumlari va soliq intizomi bo‘yicha topshiriqlar ijrosi tanqidiy-tahliliy ko‘rib chiqildi

Nurafshon shahar hokimi Qobil Xamdamov, shahar prokurori T. Karimov hamda shahar soliq inspeksiyasi boshlig‘i J. Sayfiyev boshchiligida o‘tkazilgan yig‘ilishda mas’ul tashkilotlar rahbarlarining hisobotlari tinglanib, belgilangan vazifalarning bajarilish holatiga qat’iy baho berildi. Topshiriqlar ijrosida yo‘l qo‘yilgan kamchiliklar ko‘rsatib o‘tilib, ularni zudlik bilan bartaraf etish bo‘yicha mas’ullarga aniq ko‘rsatmalar berildi.

✅ Yig‘ilishda mahalliy byudjet daromadlarini oshirish, soliq tushumlarini o‘z vaqtida va to‘liq ta’minlash, soliq bazasini kengaytirish, yashirin iqtisodiyotning oldini olish hamda mavjud imkoniyatlardan samarali foydalanish borasidagi ishlar natijadorligi qat’iy baholandi.

✅ Shuningdek, avvalgi yig‘ilishlarda berilgan topshiriqlarning ijrosi, “E-auksion” va “K-savdo” elektron platformalari orqali amalga oshirilayotgan savdolar, hududdagi sanoat zonalari va yirik korxonalar faoliyati samaradorligini oshirish bo‘yicha belgilangan vazifalarning bajarilishi yuzasidan mas’ullarning axborotlari eshitildi.

Yig‘ilish yakunida topshiriqlar ijrosini ta’minlashda sustkashlikka yo‘l qo‘ygan mas’ullarga qat’iy ogohlantirishlar berilib, aniqlangan kamchiliklarni qisqa muddatlarda bartaraf etish, byudjet tushumlari bo‘yicha belgilangan prognoz ko‘rsatkichlarini so‘zsiz ta’minlash yuzasidan aniq vazifalar belgilandi.

Belgilangan topshiriqlar ijrosi bo‘yicha mas’ullarning shaxsiy javobgarligi kuchaytirilib, natijadorlikni ta’minlash hamda vazifalarning o‘z vaqtida va to‘liq bajarilishi qat’iy nazoratda bo‘lishi ta’kidlandi.

✅Telegram 🌐Instagram 📹YouTube✅Facebook