✅✅✅✅

“Ayollar daftari” ijrosi: mavjud muammolar va ustuvor vazifalar muhokama qilindi

✅Nurafshon shahar hokimi Qobil Xamdamov raisligida “Ayollar daftari”ning 7-bosqichi doirasida xotin-qizlarni ijtimoiy-iqtisodiy qo‘llab-quvvatlash borasida amalga oshirilayotgan ishlar tahliliga bag‘ishlangan yig‘ilish bo‘lib o‘tdi.

Yig‘ilishda Oila va xotin-qizlar bo‘limi, shahar Mahallalar uyushmasi, soliq organlari, ichki ishlar, bandlik tizimi mas’ullari, mahalla fuqarolar yig‘inlari raislari, xotin-qizlar faollari hamda tegishli idora va tashkilotlar vakillari ishtirok etdi.

🔘Kun tartibida xotin-qizlarni ijtimoiy-iqtisodiy qo‘llab-quvvatlash, ularning bandligini ta’minlash yo‘nalishida amalga oshirilgan ishlar samaradorligi, mavjud muammolar va ularni bartaraf etish bo‘yicha ustuvor vazifalar muhokama qilindi.

🔘Shahar hokimi Qobil Xamdamov, ayniqsa, mehnatga layoqatli xotin-qizlarni doimiy daromad manbaiga ega bo‘lishini ta’minlash, yangi ish o‘rinlarini yaratish hamda ishsiz xotin-qizlarni barqaror bandlikka jalb etish masalalariga alohida e’tibor qaratdi.

Shuningdek, yig‘ilish davomida ayrim mahallalarda xotin-qizlar bilan ishlash, ularning bandligini ta’minlash va hisobotlarni yuritish borasida yo‘l qo‘yilgan kamchiliklar tanqidiy ko‘rib chiqildi.

🔘Mas’ullarga mahallalarda xotin-qizlar bilan manzilli ishlash tizimini kuchaytirish, kasb-hunarga o‘qitilgan ayollarni munosib ish o‘rinlariga joylashtirish, bandlik ko‘rsatkichlarining haqqoniyligini ta’minlash hamda aniqlangan kamchiliklarni qisqa muddatlarda bartaraf etish yuzasidan aniq topshiriqlar berildi.

Yig‘ilish yakunida xotin-qizlar bandligini oshirish, ularning ijtimoiy-iqtisodiy faolligini qo‘llab-quvvatlash hamda aholi farovonligini yuksaltirishga qaratilgan ishlarni yanada samarali tashkil etish, belgilangan vazifalar ijrosini qat’iy nazorat ostiga olish bo‘yicha mas’ullarga tegishli vazifalar yuklatildi.

✅Telegram 🌐Instagram 🌐Website✅Facebook