✅✅✅✅

Har bir murojaat nazorat va e’tiborda

✅Bugun Nurafshon shahar Xalq qabulxonasida fuqarolar murojaatlarini tinglash, ularning muammolarini o‘rganish hamda amaliy yechim topishga qaratilgan navbatdagi aholi qabuli tashkil etildi.

Qabulda Nurafshon shahar hokimi Qobil Xamdamov, hokim o‘rinbosarlari, shuningdek, tegishli davlat tashkilotlari va xizmat ko‘rsatuvchi korxonalar rahbarlari hamda mas’ul mutaxassislar ishtirok etdi.

✔️Qabul davomida fuqarolar tomonidan ijtimoiy himoya, yer va kadastr, qurilish, uy-joy va kommunal xizmatlar, moddiy yordam, sog‘liqni saqlash hamda boshqa dolzarb masalalar yuzasidan murojaatlar bildirildi. Har bir murojaat amaldagi qonunchilik talablari asosida atroflicha ko‘rib chiqilib, masalalarning mazmunidan kelib chiqib, ularni hal etish bo‘yicha mutasaddi rahbar va tashkilotlarga aniq vazifalar yuklatildi.

Qabul jarayonida ayrim murojaatlar joyida ijobiy hal etildi. Qo‘shimcha o‘rganish va vaqt talab etadigan masalalar esa ijrosi qat’iy nazoratga olinib, mas’ul tashkilotlarga biriktirildi hamda ularning o‘z vaqtida va sifatli bajarilishini ta’minlash yuzasidan tegishli topshiriqlar berildi.

❕Bunday sayyor qabullar aholi bilan ochiq va bevosita muloqotni ta’minlash, fuqarolarni qiynayotgan muammolarni o‘z vaqtida aniqlash hamda ularning qonuniy manfaatlarini himoya qilishda muhim ahamiyat kasb etmoqda.

✅Telegram 🌐Instagram 🌐Website✅Facebook

✅✅✅✅

Oybek mahallasida gaz quvurlari mukammal ta’mirlandi

💠Nurafshon shahrida kuz-qish mavsumida aholi va ulgurji iste’molchilarni tabiiy gaz bilan barqaror hamda uzluksiz ta’minlash maqsadida tayyorgarlik ishlari izchil olib borilmoqda.

🔘Jumladan, "Oybek" MFYdagi Mirzo Ulug‘bek ko‘chasida umumiy uzunligi 700 metr bo‘lgan yer usti gaz quvurlari mukammal ta’mirlandi. Amalga oshirilgan mazkur ishlar natijasida 120 ta xonadon hamda 2 ta yirik ishlab chiqarish korxonasida kuzatilishi mumkin bo‘lgan gaz bosimi pasayishi va gaz ta’minotidagi uzilishlarning oldi olindi.

✔️Shuningdek, hududdagi gaz taqsimlash punktlarida mas’ul mutaxassislar tomonidan reja asosida texnik ko‘rik va profilaktik xizmat ko‘rsatish ishlari olib borilmoqda. Mazkur chora-tadbirlar kuz-qish mavsumida iste’molchilarni xavfsiz va barqaror tabiiy gaz ta’minoti bilan ta’minlashga xizmat qilmoqda.


✅Telegram 🌐Instagram 🌐Website✅Facebook