✅✅✅✅

Nurafshonda Mustaqillik bayrami tadbirlari davom etmoqda

O‘zbekiston Respublikasi davlat mustaqilligining 35 yilligi munosabati bilan Nurafshon shahrida bayram tadbirlari ko‘tarinki ruhda davom ettirilmoqda.

“Yagona Vatan, yagona xalq bo‘lib, yangi hayot va kelajak yaratamiz!” g‘oyasi asosida mahallalarda tashkil etilayotgan ma’naviy-ma’rifiy va madaniy tadbirlar aholiga bayramona kayfiyat ulashib, Vatanga muhabbat, istiqlol va milliy qadriyatlarga hurmat tuyg‘ularini yanada mustahkamlashga xizmat qilmoqda.

Shuningdek, Nurafshon City hududidagi favvoralar ansambli har kuni soat 20:00 dan 22:00 gacha shahar aholisi va mehmonlari uchun xizmat ko‘rsatmoqda. Musiqiy sadolar hamohangligidagi rang-barang favvora namoyishlari ayniqsa kechki payt shaharga o‘zgacha fayz va ko‘tarinki kayfiyat bag‘ishlamoqda.

Bayram tadbirlari doirasida Vatan, istiqlol, tinchlik va milliy qadriyatlar tarannum etilgan kuy-qo‘shiqlar, raqslar hamda badiiy chiqishlardan iborat konsert dasturlari namoyish etilmoqda.

Tadbirlar Nurafshon shahar Madaniyat bo‘limi tomonidan tashkil etilib, unda shahar madaniyat markazlarining faol ijodkorlari va san’atkorlari ishtirok etmoqda.

Bunday tadbirlar xalqimizga bayram shukuhini ulashish, milliy qadriyatlarimizni keng targ‘ib etish, tinchlik va osoyishtalikning qadriga yetish hamda yurtdoshlarimiz o‘rtasida hamjihatlik muhitini yanada mustahkamlashga xizmat qilmoqda.

✅Telegram 🌐Instagram 📹YouTube✅Facebook

✅✅✅✅

Kabinetda hal bo‘lmaydigan muammolar: hokim “og‘ir mahalla”dagi holatni o‘rgandi

Nurafshon shahridagi Qumariq mahallasi Prezidentning PQ–49-son qarori asosida “og‘ir mahalla” sifatida tanlab olinib, hududda aholi bandligini ta’minlash, kambag‘allikni qisqartirish, tadbirkorlikni rivojlantirish hamda infratuzilmani yaxshilash bo‘yicha aniq vazifalar belgilangan.

✅ Bugun Nurafshon shahar hokimi Qobil Xamdamov Qumariq mahallasida bo‘lib, hududdagi real holat va dastur doirasida amalga oshirilayotgan ishlarni joyiga chiqqan holda o‘rgandi.

Hokim o‘rinbosarlari, mahalla yettiligi faoliyatini muvofiqlashtiruvchi rahbarlar, kommunal xizmat ko‘rsatuvchi tashkilotlar mutasaddilari hamda tegishli mas’ullar ishtirokida o‘tkazilgan muhokamada har bir yo‘nalish bo‘yicha bajarilgan ishlar va mavjud muammolar tahlil qilindi.

❗️Shahar hokimi, xususan, elektr energiyasi ta’minoti barqarorligini yaxshilash bo‘yicha belgilangan vazifalar ijrosida sustkashlikka yo‘l qo‘yilayotganini tanqid qildi. Shuningdek, hududda ishsizlikni kamaytirish va kambag‘allikni qisqartirish borasidagi mavjud holat qoniqarsiz ekani qayd etildi.

Mas’ullarga muammolarni kabinetda turib emas, xonadonbay va ko‘chabay o‘rganish, aholi bilan bevosita muloqot qilish, aniqlangan masalalar bo‘yicha aniq muddat va mas’ullar belgilangan “yo‘l xaritasi”ni zudlik bilan shakllantirish hamda amaliy ishlarni tashkil etish vazifasi yuklatildi.

✅Telegram 🌐Instagram 🌐Website✅Facebook