✅✅✅✅

Obodonlashtirish xodimlariga bayram sovg‘alari ulashildi

🇺🇿 Mustaqilligimizning 35 yilligi munosabati bilan Nurafshon shahrida hududlarni obod va ozoda saqlash yo‘lida mehnat qilayotgan obodonlashtirish xodimlariga bayram sovg‘alari ulashildi.

✅ Shaharning ko‘chalari, jamoat joylari va hududlarini obod saqlashda fidokorona mehnat qilayotgan soha xodimlarining mehnatini qadrlash, ularga e’tibor va g‘amxo‘rlik ko‘rsatish maqsadida 100 ta oziq-ovqat mahsulotlaridan iborat bayram sovg‘alari topshirildi.

Sovg‘alar Nurafshon shahridagi «Said ibn Vaqqos» jome masjidida obodonlashtirish xodimlariga tarqatildi.

❗️Mazkur ezgu tashabbus mehnatkash yurtdoshlarimizni qo‘llab-quvvatlash, ularning mashaqqatli mehnatini e’tirof etish hamda Mustaqillik bayrami shukuhini ulashishga xizmat qildi. Yurtimiz obodligi va xalqimiz farovonligi yo‘lida mehnat qilayotgan barcha obodonlashtirish xodimlariga minnatdorlik bildiramiz!

✅Telegram 🌐Instagram 📹YouTube✅Facebook

✅✅✅✅

Yoshlarning muammolari joyida hal bo‘lmoqda

Nurafshon shahrida “Payshanba — yoshlar kuni” doirasida yoshlar bilan navbatdagi ochiq muloqot tashkil etildi. Unda shahar hokimi Qobil Xamdamov, shahar IIB boshlig‘i Azizjon Yuldashev, shahar prokurori o'rinbosari Sanjar Qarshiyev hamda tegishli tashkilot va idoralar vakillari hamda turli masalalarda murojaat qilgan yoshlar ishtirok etdi.

✅ Uchrashuv davomida tadbirkorlik faoliyatini yo‘lga qo‘yish va kengaytirish, ish bilan ta’minlash, kasb-hunarga o‘qitish, imtiyozli kreditlardan foydalanish hamda boshqa ijtimoiy masalalar yuzasidan yoshlarning murojaatlari tinglandi.

Har bir murojaat mas’ullar ishtirokida joyida o‘rganilib, yoshlarning imtiyozli kredit olish, bandligini ta’minlash, kasb-hunarga yo‘naltirish va tadbirkorlik tashabbuslarini qo‘llab-quvvatlash bo‘yicha masalalariga amaliy yechimlar belgilandi.

❗️Bunday ochiq muloqotlar yoshlarning muammolarini o‘z vaqtida aniqlash, ularni tegishli tashkilotlar bilan hamkorlikda hal etish va yoshlar tashabbuslarini qo‘llab-quvvatlashga xizmat qilmoqda.

✅Telegram 🌐Instagram 📹YouTube✅Facebook

✅✅✅✅


To‘ytepa mahallasida ichimlik suvi tarmoqlari tortilmoqda

Nurafshon shahrining To‘ytepa mahallasi hududida aholini sifatli va barqaror ichimlik suvi bilan ta’minlash maqsadida amaliy ishlar olib borilmoqda.

O‘zbekiston Respublikasi Prezidentining PQ-393-son qarori asosida mahallada yangi ichimlik suvi tarmoqlarini tortish va mavjud infratuzilmani yaxshilash ishlari bosqichma-bosqich amalga oshirilmoqda.

Mazkur ishlar natijasida hududdagi xonadonlarning ichimlik suvi ta’minoti yaxshilanib, aholiga qulay va zamonaviy sharoit yaratish ko‘zda tutilgan.

Bunday loyihalar — aholi farovonligi va mahallalar infratuzilmasini yanada rivojlantirishga xizmat qiladi.

✅Telegram 🌐Instagram 📹YouTube✅Facebook