✅✅✅✅

Yoshlarning bandligi va tashabbuslari muhokama qilindi

✅Nurafshon shahrida “Payshanba — yoshlar kuni” doirasida yoshlarning murojaat va takliflarini tinglash, ularni qiynayotgan masalalarni o‘rganish hamda mavjud muammolarga amaliy yechim topish maqsadida navbatdagi ochiq muloqot tashkil etildi.

✔️Unda shahar hokimi Qobil Xamdamov, shahar IIB boshlig‘i Azizjon Yuldashev, shahar prokurori o‘rinbosari Sanjar Qarshiyev, tegishli tashkilot va idoralar vakillari hamda yoshlar ishtirok etdi. Muloqot davomida yoshlarning bandligini ta’minlash, tadbirkorlik faoliyatini yo‘lga qo‘yish va rivojlantirish, kasb-hunarga o‘qitish, imtiyozli kreditlardan foydalanish hamda boshqa ijtimoiy masalalarga oid murojaatlari tinglandi.

Yoshlar tomonidan bildirilgan har bir murojaat mas’ullar ishtirokida atroflicha ko‘rib chiqilib, ularni hal etish bo‘yicha tegishli choralar belgilandi. Jumladan, ishga joylashish, kasb-hunar egallash, tadbirkorlik tashabbuslarini qo‘llab-quvvatlash va imtiyozli moliyaviy imkoniyatlardan foydalanish yuzasidan amaliy ko‘mak ko‘rsatish choralari belgilandi.

✔️Shuningdek, yoshlarning yangi tashabbuslarini qo‘llab-quvvatlash, mavjud imkoniyatlardan samarali foydalanish va ularni daromadli faoliyatga yo‘naltirish yuzasidan zarur tavsiya va tushuntirishlar berildi.

❕Bunday ochiq muloqotlar yoshlar bilan bevosita va samarali muloqotni yo‘lga qo‘yish, ularning muammolarini o‘z vaqtida aniqlash hamda har bir murojaat yuzasidan aniq amaliy choralarni belgilashga xizmat qilmoqda.

✅Telegram 🌐Instagram 📹YouTube✅Facebook

✅✅✅✅

“Yangi O‘zbekiston massivi”dagi qurilish ishlari tahlil qilindi

✅Nurafshon shahrining Yangiobod MFY hududidagi “Yangi O‘zbekiston massivi”da ko‘p qavatli uylar, ijtimoiy soha obyektlari hamda muhandislik-kommunikatsiya tarmoqlarini barpo etish borasida amalga oshirilayotgan ishlar yuzasidan shahar hokimi Q. Xamdamov raisligida tahliliy yig‘ilish o‘tkazildi.

✔️Unda loyihachi va pudrat tashkilotlar, tashabbuskor quruvchilar, shahar elektr, suv va gaz ta’minoti bo‘limlari rahbarlari hamda Kadastrlar palatasi shahar bo‘limi mas’ullari ishtirok etdi.

🔘Yig‘ilish davomida hududda barpo etilayotgan ko‘p qavatli uylarning qurilish-montaj ishlari, shuningdek, elektr, suv, gaz va boshqa muhandislik-kommunikatsiya tarmoqlarini tortish bilan bog‘liq masalalar atroflicha muhokama qilindi. Aniqlangan kamchiliklarni bartaraf etish, ishlarni jadallashtirish va belgilangan vazifalarni o‘z vaqtida bajarish yuzasidan mutasaddi tashkilotlar rahbarlariga tegishli topshiriqlar berildi.

✔️Xususan, ko‘p qavatli uylarni issiqlik bilan ta’minlash maqsadida barpo etilayotgan qozonxonadagi qurilish-montaj ishlarining belgilangan sur’atda olib borilmayotgani qayd etilib, pudrat tashkiloti rahbariga ishlarni jadallashtirish bo‘yicha aniq ko‘rsatmalar berildi. Shahar hokimligining qurilish bo‘yicha bosh mutaxassisi A. Haydarovga mazkur obyektlarda olib borilayotgan ishlarni doimiy nazoratga olish topshirildi.

❗️Yig‘ilish yakunida “Yangi O‘zbekiston massivi”dagi barcha qurilish va infratuzilma loyihalarini belgilangan talablar asosida sifatli va o‘z muddatida amalga oshirish, mavjud muammolarni tezkor bartaraf etish hamda mas’ul tashkilotlar o‘rtasidagi hamkorlikni kuchaytirish bo‘yicha aniq vazifalar belgilab berildi.

✅Telegram 🌐Instagram 🌐Website✅Facebook

✅✅✅✅

Nurafshonda xotin-qizlar bandligi va ijtimoiy holati o‘rganildi

✅Respublika Oila va xotin-qizlar qo‘mitasi bo‘lim boshlig‘i K.T. Norqulova hamda shahar hokimi o‘rinbosari N. Djumanova ishtirokida Nurafshon shahrining “Obod”, “Oybek”, “Birlik” va “Mumiy” mahallalarida xotin-qizlar bilan ishlash tizimi o‘rganildi.

🔘O‘rganish davomida mahallalarda xotin-qizlar balansini shakllantirish, ularning ijtimoiy holatini o‘rganish, mavjud muammolarini aniqlash hamda har bir murojaat va ehtiyojdan kelib chiqib individual ishlash masalalariga alohida e’tibor qaratildi.

🔘Shuningdek, “qizil” va “sariq” toifalarga kiritilgan xotin-qizlarning xonadonbay holati o‘rganilib, ularning bandligini ta’minlash, daromad manbaini yaratish, ijtimoiy qo‘llab-quvvatlash hamda mavjud muammolarini bartaraf etish bo‘yicha amalga oshirilayotgan ishlar tahlil qilindi.

O‘rganish jarayonida aniqlangan masalalar yuzasidan mas’ullar bilan fikr almashilib, muammolarni joyida hal etish va xotin-qizlarga ko‘rsatilayotgan yordamning manzilliligini ta’minlash bo‘yicha tegishli vazifalar belgilandi.

❗️Belgilangan chora-tadbirlarning ijrosi mas’ullar tomonidan nazoratga olinib, xotin-qizlar bilan ishlash samaradorligini yanada oshirishga qaratilgan amaliy ishlar davom ettiriladi.

✅Telegram 🌐Instagram 🌐Website✅Facebook