Ҳар куни ҳар бир ўқувчи 5 тадан овоз.

Фурқат туманидаги 4-ИДУМда ишлар авжидаку, мободо боғчадаги болалардан ҳам овоз керак бўлса айтинглар, онасини қорнида отасини белида ҳали уруғликда сақланиб турган туғилмаган болаларданчи овоз керакми?

🇺🇿@Otabek

Ҳилола Умаровага Фурқат туманидаги 4-ИДУМдан гапирамиз.

Ҳамма ўқувчилар уйидаги ўлган бобоси, тўйсиз қочиб кетган опаси, қабрда қумурсқалар еб қуруқ склети қолган бувисини телефонигача олиб келиши сўралмоқда экан.
Телефон есин сенларни...

🇺🇿@Otabek

Шу опен бюджет даврида кўпчилик мактаб директорлари, баъзи районо мудирлари васвасага мубтало бўлади.

Кўзига калькулятор кўринса ҳам, домашний телефон кўринса ҳам, умуман кўринган любой асбоб борки бориб ёқасидан олиб "Менга овоз бер" деб шайтонлаб, бошини деворга уриб, миясига қурт тушган қўзидек талвасага тушиб юради.

Опен бюджет тугаши билан эса қурбонликка сўйилган қўйдек қимирламай қолишади.
Нега шунақасизлар а?

🇺🇿@Otabek

8-март яқинлашаверса ҳамма таниш-танишмас йигитларга илиқ гапириб, совғадан умидвор бўлиб суякни кўрган кучукчадек тилини ҳилтиллатиб, бошқа вақти танимай кетадиган баъзи артист қизлар билан айнан опен бюджет вақтида меҳрибон одамдек телефонда ярим соат пишак кучугингача ҳол-аҳволини сўраб охирида опен бюджетга "овоз берворомисанми" деб овоз олгач кейинги опен бюджетгача қорасини кўрсатмайдиган иплосларни тупроғи битта канализациядан олинган...

🇺🇿@Otabek

Вазирлик нима демасин барибир мактабларда мажбурий овозлар йиғилаверади.

Тошкент шаҳрида ҳам аҳвол шу экан.
Шу тизим вазирини гапига қўл остидагилар кундаланг иш қилди кейин бошқа гапга ҳожат ҳам йўқ аслида...

🇺🇿@Otabek

Ғалати одамлар борда.

Опен бюджетга муаллимларни мажбурланаётгани ҳақида танқид ёзганимга баъзи ўқитувчилар троллинг қиляпти, эмишки ўқитувчиларни устидан кулган эмишман, устидан кулиш учун уни устига минган ҳолатда бўлишим керак.

Қолаверса мен уларни эшикма-эшик ўз ишини ташлаб гадойдек тиланиб юрмаслиги, мажбурий меҳнатга жалб этилмаслиги тарафдориман, афсуски бир катта калла ақл бош айтганидек "Қулни озод қилиш билан иш битмайди токи унинг қул эмаслигига ишонтира олмагунимизча" хафа бўлманглар-у, аммо ўқитувчилар орасида мажбурий меҳнатни валийнеъматидан қилинган ҳиммат, қулликни эса шараф деб билиб, шу югур-югурларни оқлайдиганлар ҳам талайгина экан.

"Биз қилмасак ким қилади, ўз мактабимиз учун-ку" деган важ баъзи қулларнинг миясига баҳорда севишиб, қовушиб бир-бирига орқамачасига чақишиб қолган итлардек чирмашиб олган.
Бундайларни кўргандан кейин беихтиёр "Баттар бўлинглар" деб юборгинг келади.

Токи қулликка ўзларинг рози экансизлар сизларни на вазир на бошқа биров қутқаролмайди шуни унутманглар.
Ҳақини талаб қилган камёб устозларга эса ҳурматим чексиз.

Ҳимояни ҳақорат, қулликни ҳурмат деб биладиган одамларга эса гапириш ҳайф...

🇺🇿@Otabek

Балки кулгили туюлар, аммо мен доим инсоният ер сайёрасига бошқа сайёрадан келиб қолган деган фаразга ишонганман.

Бу ҳақида ҳатто бутун бошли мақола ҳам қоралаб, сақлаб қўйганман. Шунчаки уни оммага очиқласам кулгига қолишдан қўрққанман ўшанда.
Ҳозир эса и так одамларни кулдириб юрибман шунга шу мақолани каналда чиқарсамми нима дейсизлар😄
Балки ростдан қизиқдир балки мазза қилиб куларсизлар нима фарқи бор?

Кимгадир бу мавзу қизиқми?
Қизиқ бўлса фикрларингни ёзинглар. мен мақолани каналга жойлайман...

🇺🇿@Otabek

Инсоният ерга қандай келиб қолди?

Инсониятнинг Ерга келиб қолиши ва бу сайёрага тўлиқ мослаша олмаслиги ҳақидаги фикрлар кўплаб муҳокамалар ва назарияларга сабаб бўлган.

Биз ердаги бошқа тирик организмлардан кескин фарқ қиламиз: туғилганда заиф бўламиз, яшаш учун ота-онамизга тўлиқ қарамликдамиз ва ернинг табиий шароитларига мукаммал мослашган эмасмиз. Шунингдек, биз сув остида ёки жуда баланд босим остида яшай олмаймиз, ҳатто қуёш нури ҳам теримизга зарар етказади. Бу ҳолат инсониятнинг Ерда табиий равишда пайдо бўлганлигига шубҳа уйғотади.

Марсдан ерга кўчиб Келиш Назарияси

Олимларнинг фикрича, миллионлаб йиллар аввал Марсда ҳаёт бўлган. У ерда қадимда океанлар ва атмосферанинг бўлгани илмий жиҳатдан тасдиқланган. Агар Марсда ривожланган цивилизация бўлган бўлса, эҳтимол, уларнинг сайёраси табиий фалокат ёки технологик инқироз туфайли яроқсиз ҳолга келган ва улар Ерни янги макон сифатида танлаган бўлиши мумкин.
Бу назарияга кўра, Марслик инсонлар Ерга кўчиб ўтган, лекин вақт ўтиши билан ўз тарихларини унутган. Балки, қадимги цивилизациялар (Миср, Сумер, Майя) бу аждодларимиз қолдирган билим ва технологияларни сақлаб қолган бўлиши мумкин.

Инсоният учун ер махсус тайёрланганми?

Менинг фаразимга кўра ер инсоният учун атайлаб тайёрланган бўлиши мумкин. Бунга сабаб сифатида қуйидагиларни келтириш мумкин:

1. Динозаврларнинг йўқ бўлиши – Илмий тадқиқотлар 66 миллион йил аввал улкан комета ерга урилиши натижасида динозаврларнинг йўқ бўлишига сабаб бўлганини кўрсатади. Бу эса ер юзини янги мавжудотлар, хусусан, инсоният учун қулай муҳитга айлантирди. Агар динозаврлар йўқ қилинмаганида, инсоният ривожланиш имкониятига эга бўлмасди ва яшаб кета олмасди.

Демак ерни тозалаш ва инсонга қулай муҳит яратиш кимгадир керак бўлган.
Бу жараён миллионлаб йил талаб қилганку дерсиз, аммо йил ой кун деган ўлчовлар бу фақат ергагина таълуқли. Масалан Плутон сайёрасидаги 1 йил биздаги 248 йилга тўғри келишини ўзи ўлчовлар бир-биридан фарқ қилишини англатади.

2. Инсониятнинг сирли билимлари – Буғдойдан ун тайёрлаш, хамир қориб, нон пишириш ёки металл эритиш каби жараёнларни инсон қандай қилиб билиб олган? Табиатда бундай жараённи кўриб ўрганиш деярли имконсиз. Шунингдек, қадимги цивилизациялар мураккаб юлдуз хариталарини тузган ва улкан иншоотлар барпо этган. Бу билимлар бизга ташқаридан берилган бўлиши мумкин.

3. Қадимги технологиялар ва сирли иншоотлар – Миср пирамидалари, Сумер ёзувлари, Майя астрономияси каби сирли қадимий билимлар инсоният тарихида табиий равишда пайдо бўла олмайдигандек кўринади. Баъзи тарихчиларга кўра, қадимги даврларда бизга юқори онгли мавжудотлар ёрдам берган бўлиши мумкин.

Ақлли Дизайн назарияси: (Intelligent Design) Инсоният онгли равишда яратилганми?

Инсониятнинг ерда табиий эволюция натижасида пайдо бўлишини шубҳа остига қўядиган ёндашувлардан бири Ақлли дизайн назариясидир. Бу назария шуни таъкидлайдики, ҳаётнинг ва айниқса инсониятнинг шаклланиши тасодифий жараён эмас, балки уни онгли куч бошқарган.

Ақлли дизайн назарияси қуйидагиларни илгари суради:

🔺Табиатдаги мураккаб тизимлар (масалан, инсон танаси, мия тузилиши, генетик код) оддий тасодиф натижасида пайдо бўлиши мумкин эмас.

🔺Инсоният ҳайвонлардан босқичма-босқич эволюция йўли билан келиб чиқмаган, балки у маълум бир мақсад асосида яратилган.

🔺Ҳаётнинг пайдо бўлишида тасодиф ёки фақат табиий танланиш етарли эмас – бу жараёнда онгли аралашув бўлиши керак менимча.


Бу назарияга кўра, инсониятнинг пайдо бўлишида учта эҳтимолий манба бор:

1. Илоҳий кучлар (Худо ёки бошқа олий мавжудотлар) – Диний таълимотлар инсониятнинг юқори қудрат томонидан яратилганини илгари суради.

2. Бегона сивилизациялар – Инсониятни бошқа ривожланган юлдузлараро цивилизация яратган бўлиши мумкин.

3. Қадимги Ер цивилизациялари – Ерда илгари номаълум цивилизациялар бўлган ва улар бизга технология ва билимлар қолдирган бўлиши мумкин.

СИЗ ҚАЙСИ НАЗАРИЯГА ИШОНАСИЗ?

🇺🇿@Otabek

Қолган овоз йиғдираётган дириктрла чалғимаймиз, 6 кун қолди...

🇺🇿@Otabek

Тармоқларда атай хитойликларга бойкот қилинаётгани, хитойликларнинг биздаги савдо ишларига ортиқча бўртиришларни таҳлил қилиб бир нарсани тушундим;

Кимдир икки давлат ўртасига низо солишдан манфаатдор, агар бунга ҳозирдан жиддий эътибор қилинмаса охири яхши бўлмайди.

Бир вақтлар турклар билан ҳам худди шундай ҳолат бўлганини ёши катталар яхши билишади.

Хитойликларни ёмон кўрсатиш учун асосан диний қатламдан фойдаланишмоқда, чунки диндор қатламга таъсир ўтказиш жуда осон:
"Уларнинг эътиқоди бошқа" "Уйғур биродарларимиз" учун каби баланд-парвоз гаплар улар учун диний қатламни хитойликлар ёмон деган хулоса билан тўйинтириш учун етарли, қарабсизки изоҳларда хитойликларни қарғаган оломонда, уларни савдо ҳамкорлигини сиёсий тус бериб, гўё бизни босиб олаётгандек фикр уйғотиш қийин кечмайди.

Икки миллат ўртасида низо келиб чиқиб, бу муаммо катталашмасидан аввал тармоқларда билиб-билмай ҳар хил маълумот тарқатаётган фуқароларга нисбатан назорат ўрнатиш керак.

Энг ёмони бизда тармоқда фаолият юритадиган аксарият блогерлар кўчирмачи, доим бошқаларни идеа ва контентини кўчиришини ҳисобга олсак, пропаганда билан шуғулланадиган контентни ўзи билмаган ҳолда кўчириб, ёмонлик тарғиботига аралашиб қолиш эҳтимоли кўпроқ.

Шундай экан тармоқ фойдаланувчиларидан билиб-билмай ҳар қандай мавзуда изоҳ ёзавермаслик ёки видеолар тайёрлаб тарқатмасликни сўраб қоламиз, биргина кичик хатоингиз сабаб сиёсий муаммолар келиб чиқишига сабабчи бўлиб қолишингиз мумкин.
Сизни манипуляция қилишларига йўл қўйманг!

Агар бизга хитой қандайдир хавф бўлганида сиз таниган ақл-ҳуши жойида бўлган фаоллар ҳам жим турмас эди, кўрган ҳар қандай ахборотга ишониб, хато қилиб қўйманг. Бу дунёда энг қиммат бадал айнан ХАТО ортидан тўланишини унутманг!☝️

🇺🇿@Otabek

"UzAM" раҳбарияти 20 млн сўмдан 4 та раковинани 80 млн сўмга сотиб олибди.

У қиммат раковина ўзи бетни ювиб-артиб қўйса керакда а?

Ҳалиги кетни артиб қўядиган унитаз ҳам сотиб олинглар энди...

🇺🇿@Otabek

Хитойликлар босиб кетди деб ваҳима қилиб сал кам иштонини ҳўллаб қўяётганлар учун ажойиб статистика топиб келдим:

1. Индонезияда: Тахминан 7-10 миллион
2. Таиландда: Тахминан 9 миллион.
3. Малайзияда: Тахминан 6,7 миллион.
4. АҚШда: Тахминан 5 миллион.
5. Сингапурда: Тахминан 3 миллион хитойлик бор ва хитой уларни ҳеч бирини босиб олмади.

Оддий ён қўшнимиз қозоғистонга хитой 2005-йилда сармоя киритган, 2010-йилларда қозоғистонда ҳам "Хитойликлар босиб оляпти" "Хитойликлар қозоқ қизларни зўрламоқда" каби пропаганда қилишга ҳаракатлар бўлган, мақсад хитойликларга нисбатан ваҳима уйғотиш бўлган, аммо бу иш бермаган. Хитой ҳамон қозоқлар билан ҳамкорликда давом этмоқда ва мана 20 йилдирки уларни босиб ҳам олмади.

Так что қўрқиб сийиб қўйишга асос йўқ....

🇺🇿@Otabek

Дуров қамалмайдиган бўлди, у суд қарорига асосан Франциядан қўйиб юборилибди.

Ҳозир Дуров озодликни нишонлаш учун Дубайга жонкачаси билан диккинг-диштинг қилгани самалётда учиб кетмоқда.

Қани Пашка братанни омадини бериб, телеграм гуллаб яшнаб, криптолар нархи учаверсин деб дуо айлаймиз🤲

🇺🇿@Otabek

Ҳамма қўқонда тез ёрдам машинасига ўтин ортилганини танқид қилди.
Сизнингча лағар дамасга ўтиндан бошқа яна нима ортиш мумкин?

🇺🇿@Otabek

Э ростиямда дамас бла касал ташийдиган мошина эмасда нафуй.

Агар дамасни номерини ечиб, бирор девор ёнига қўйиб кетсанг кўчадан ўтаётган ёш болали бирор аёл буни мошина эмас бирортасини эски товуқ катаги бўлса керак деб ёнбошига боласини тўсиб, сийдириб кетади.

Уй эгаси ҳам катак бўлса керак деб уни ичига товуқларни қамайди.
Башараси мошинага эмас ахлат қутига ўхшайди.

Бундай машинада канешна ўтин ташийдида, гўнг ташимаганига раҳмат айтинглар...

🇺🇿@Otabek

"Озодлик радиоси"ни сими узилибди, радио тугатилибди.
Инна лиллахи ва инна...🤲

🇺🇿@Otabek