Ҳар хилини танлаб, барибир ота-онаси айтганига тегадиган кўпчилик қизларнинг эри...

🇺🇿@Otabek

Самарқандда 7 тонналик ош тайёрлашибди, энди битта мана шундай катталикда туалет қуришимиз қолди.

Бу туалетни жуда чуқур қилиб ковлашимиз керак, туалет шу даражада чуқур бўлиши керакки шу ердан ковлаб, ерни нариги бурчагидан чиқишимиз керак.

Ана кейин тонналаб овқатларни еб, бир ўтириб коинотга гўнгни экспорт қилаверамиз...

🇺🇿@Otabek

Бугун 4-августь - Миллий гвардия ташкил топган кун.

15 ёш эдим, метрода Мустақиллик майдонига байрамга кетаётиб вагонда бир хил кийинган бўйи 2 метрдан кам бўлмаган 40 тача Миллий гвардия ходимини кўриб, ҳавас қилгандим.
Ҳарбий хизматга ҳам Миллий гвардияда хизмат қиламан деб ният қилардим, аммо тақдир бошқа томонга бошлади.

Вақт ўтиб ўзим Гвардиячи бўлмасам ҳам бўйим ўша ўзим ҳавас қилган гвардиячиларникдек бўлди.

Бугунги кун билан Миллий гвардия ходимларини чин юракдан табриклайман.🫡

🇺🇿@Otabek

Диний гаплар гапириш яхши аммо манбаа бериш ҳам керакда ҳазратим.

Манба бермаслик ҳам гуноҳ эрур валлаҳи😃

🇺🇿@Otabek

Ғарб пропагандаси;

Kun.uz

Путин 1994 йилдаёқ Украина шарқи ва Қозоғистон шимоли «доим Россия давлатининг бир қисми бўлгани»ни айтган

Германия Ташқи ишлар вазирлиги Владимир Путин 1994 йилда – «Россия чегаралари ҳеч қаерда тугамайди» деган машҳур иборани айтишидан ва Украинанинг бешдан бир қисмини босиб олишидан анча олдин Россия ҳудуди тушунчасини кенг талқин қилганидан далолат берувчи ҳужжатни ошкор қилди. Унинг 1994 йилдаги баёнотига кўра, у нафақат Қрим ва шарқий Украинани, балки Қозоғистоннинг шимолий қисмини ҳам Россияга тегишли деб ҳисоблайди.

деб мақола эълон қилди.

Бу ҳужжат аслида нима келинг шуни аниқлаб олайлик; бу ҳужжат аслида Германия бош консули 1994-йилда ёзган дипломатик эслатма холос.
Бу — дипломатнинг ўз эшитганлари ёки эшитганларидан тушуниб ўз талқинида ёзиб қўйган хулосаси.

Демак, бу ҳужжат “Путиннинг аниқ сўзлари” эмас, балки “дипломатнинг талқини” ҳисобланади.

Шу сабаб, тарихий нуқтаи назардан бу ҳужжат гувоҳлик ҳужжати ҳисобланади, аммо мутлақ далил ҳисобланмайди, сабаби на аудио, на видео ва на стенограмма кўринишидаги исбот йўқ.
Бу ерда дипломат ўзи эшитганини ёзишда сиёсий контекстга мослаштирган бўлиши ҳам мумкин.

Энг муҳим жойи эса 1994-йилда Россия сиёсий жиҳатдан жуда-жуда заиф эди, ва у вақтларда Путиннинг бундай очиқ даъволари ўша пайтда жиддий сиёсий оқибатларга олиб келган бўларди.

Менимча бу катта эҳтимол билан Россия ва Қозоғистон орасига совуқчилик тушуриш учун атай қилинган пропагандадан бошқа нарса эмас.
Эрта индин Қозоғистон ўрнига Ўзбекистонни қўшиб ёзишса ҳам ҳайрон бўлмайман.

Чунки бундай эски даъво, дастлабки дипломатик ёзувларни аввал эмас айнан ҳозирги кескин вазиятда очиқлаш бироз шубҳали шу билан бирга бундан бир неча стратегик мақсадда фойдаланиш мумкин:

Биринчидан Россия–Қозоғистон ўртасида ишончсизлик яратиш

Қозоғистон шимолида русийзабон аҳолининг кўплиги бу уже алоҳида мавзу.

Бундай ҳужжатларни ҳозир эълон қилиш Қозоғистонни хавотирга солиб ва Россияга нисбатан эҳтиёткорроқ сиёсат юритишга ундаши мумкин, албатта улар бу пропагандага ишонишса...

Иккинчидан Россия таъсир доирасини кенгайтириш истагини кўрсатиш яъни европа бу орқали “Россия фақат Украина эмас, бошқа қўшниларга ҳам хавф туғдиради” деган нарративни кучайтириш мақсад қилинган бўлиши мумкин.
Бу эса НАТО ва Европа Иттифоқида Россияга қарши сиёсий бирликни мустаҳкамлайди.

Учинчидан Марказий Осиёда геосиёсий ўйинлар АҚШ ва Европа Марказий Осиёда Хитой-Россия иттифоқини заифлаштириш учун Қозоғистон (ёки бошқа МДҲ давлатлар)ни ўз томонига оғдиришга интилади.
Бундай “эски даъволар” Қозоғистонда миллий хавфсизлик мавзусини кескинлаштиради.

Шунинг учун, тарихий нуқтаи назардан қарасак, бу каби ҳужжатлар фақат ўтмишни ёритиш эмас, балки сиёсий босим воситаси бўлиши эҳтимоли жуда катта.

Европа ва ғарб олами бутун ахборот майдонини манипуляция қилиши (Ғазо мавзусида уларни асл юзини кўрдик) ҳеч кимга сир эмас, шундай экан бундай исботсиз ахборотни ФАКТ деб тарқатишдан мақсад жуда катта Геосиёсий ўйинлар режа қилинганидан далолат беради.

Ишонаманки Қозоқ баурларимиз ҳам сиёсатда Ўзбекистон каби олтин ўрталиқни йўқотмайди, сиёсий пропагандаларга учмайди ва кескин чора билан хатога йўл қўймайди.

Мен бу пост билан Путинни оқлаш, ёки унинг тажовузкорлигини инкор этмоқчи эмасман, аммо мантиқан ўйлайдиган бўлсак 1994-йилларда Путин қайсидир ҳудудни даъво қиладиган кучга эга эмасди, у ҳеч ким эмасди.
Қолаверса қуруқ ҳисоботдан бошқа ҳеч қандай исбот йўқлиги бу катта ўйин учун европа томонидан қилинаётган хийладан бошқа нарса эмаслигини тушуниш мумкин.

Ахборотга эҳтиёт бўлинг, у баъзида сизни хато қилишга чорлаш учун атай тайёрланиши мумкин, кўрамиз Қозоғистон ҳукумати бу прoпагандага қандай жавоб қайтаради, кузатамиз...

🇺🇿@Otabek

“Инсон ўзини ўзи йўқ қилишга интиладиган ягона мавжудот.”

©Сара Коннор (Терминатор)

🇺🇿@Otabek

Бир ойда (июль учун) 544 kWh электр энергияси ишлатибман.
2 хонали уй учун бу миқдор қай даражада кўплигини билмайман.
Ҳовлида яшайдиганларда аҳвол қандай?

Қуёш панел қўйинг деб маслаҳат ҳам берибди.
Домни қаерига қўйсам энди панелни?

Ундан кўра лимитни оширинглар...

🇺🇿@Otabek

Бугун 5-август- Халқаро светофорлар куни.

Шу муносабат бирлан йўлдан ўтаётганда светофорга эмас, машинага қаранглар. Чунки ҳали ҳеч кимни светофор уриб кетмаган...

🇺🇿@Otabek

Эрталабки кайфият

Концерт ташкилотчиларига ДАРВИН номинацияси берилсин...

🇺🇿@Otabek

Самарқанднинг учта туманида бугун барча ташкилот раҳбарлари арча байрам қиладиган кун.

Ҳоким алмашаркан, жа кушли байрам қиб ётмангизлар барибир ўрнига янгиси келади. Байрам узоққа чўзилмайди барибир айнанайинлар..

🇺🇿@Otabek

Энг кўп дарахт экиш эмас, энг кўп дарахт экиб, кўкартиролган боғбон номинациясини жорий қилиб, тақдирлаш учун бюджетдан яхшигина сумма ажратиш керак.

Ана ўшанда ким ўзарга расм тушиш учун эмас, кўпроқ кўкартириш пайида дарахт экишади.

Ҳар йил энг яхши боғбон вилоятлар кесимида тақдирланиб бораверса 5 йилда чўл жойни ўзи қолмайди.

Бюджетдан мен тўлаётган солиқлар ҳисобидан пул ажратинглар, мен розиман қолганлар ҳам рози бўлади.

Етар тонналаб ош, метрлаб лаваш пиширганимиз.
Келажакка биз еб ч@чган биоўғит эмас, ҳақиқий кислород керак.
Кислород учун эса мен айтгандек номинация жорий қилинглар, бу ҳар бир маҳалла, ҳар бир туман-шаҳар ва вилоят босқичида ўтказилиши ғолиблар эса жуда катта пул маблағи билан тақдирланиши керак.

Иштирокчилар қаерга экса эксин, уйигами, кўчагами, далагами фарқи йўқ фақат бу рақамланиб рўйхатга олиб санаб борилиши ва бир йилдан кейин кўкладими йўқми шунга қараб ғолиб аниқланиши керак.

Шунда ҳамма ўзи истаб дарахт экади.
Ишонинглар 5 йилда яшил бўлмаган жойни ўзи қолмайди...

🇺🇿@Otabek

Энди менда кўп йиллик муаммоларимизни ҳуқуқий ҳал қилиш умиди пайдо бўлди.

Чунки, “Шаҳарсозлик реновацияси тўғрисида”ги қонун лойиҳаси концептуал тасдиқланди.

Хўп, лойиҳа нима дейди?
– Эски, сейсмик хавфли уйлар розилик билан бузилади. Ҳеч ким мажбурланмайди. Рози бўлмасангиз уй сизники, у доим даҳлсиз қолади. Ҳамма тўлиқ рози бўлса реновация бошланиши мумкин.
– Компенсация адолатли: ҳозирги уйингдан кам бўлмаган янги уй, ёки пул, ёки бошқа жой.
– Фуқароларнинг ҳуқуқи ҳимояда: ҳеч ким шунчаки уйидан ҳайдалмайди.
– Барча қурилишлар электрон платформа орқали жамоатчилик назоратида бўлади.
– Экология, маданий ёдгорликлар, яшил ҳудудлар сақланади.

Бу энди кўзбўямачилик эмас. Бу — давлат томонидан ҳуқуқ, адолат ва инсон қадрини эътироф этиш йўлидаги жиддий қадам.

Ҳа, ҳали амалга ошиши, назорат қилиниши керак ишлар кўп. Лекин шу қонун қабул қилинса, энди “уйимиз ишқилиб қулай бўладими?” деган савол ўрнига “қайси қаватдан танлайман?” деган орзу ҳақиқатга айланиши мумкин.

🇺🇿@Otabek

"Кўкдалага кўз тегдими, қўй сўйиш керак?" дейдиганлар кўпайди.

Агар одамлар техника хавфсизлиги қоидаларига амал қилишни ўрганмас экан қўй тугул динозавр сўйса ҳам фойдаси йўқ.

Кеча тунда бир заправкада ёқилғи ташувчи махсус машинадан ёнғин чиққан.
Яхшики кўкдалаликларни худога айтгани бор экан, ҳеч кимга жиддий зарар етмаган.
Битта ўша махсус техника ҳайдовчиси куйиш тан жароҳати олган.
Бу ҳолатда ўлим, ёки оммaвий куйиш ҳолати ҳам бўлиши мумкин эди.

Гўё худо ҳам 2 мартадан буён кўкдалаликларни огоҳлантириб; эҳтиёт бўл қоидаларга амал қил деяётгандек.
Худо кўрсатмасин учинчисида огоҳлантирмаслиги ҳам мумкин...

Мен бу ҳақида аввал ҳам айтганман, яна айтаман; Одамлар хавфсизлик қоидаларига амал қилишни ўрганмас экан, бу каби кўнгилсизликлар уларни тарк этмайди.

3 йилдан бери шу эл билан, хурсандчилигим ҳам, хафалигим, нон ва ошим ҳаммаси бирга.
Кўкдалаликлар жуда самимий, содда, жайдари одамлар. Аммо бу ерда қоидаларга лоқайд одамлар ҳам афсуски учраб туради.
Оддий сфетофорда пиёдаларга ўтиш чироғи ёнмай турган ҳолатда, йўлда машина бўлмаса ҳам мен йўлни кесиб ўтмайман. Йўл бўшлиги қоида бузиш мумкин дегани эмас, аммо кўпчилик мана шу асосий йўлда светофор чироғига ҳам қарамай ўтиб кетаверади.
Оддий йўл қоидасини менсинмайдиган кўпчилик газдан фойдаланиш хавфсизлик қоидаларига риоя қилишига ишониб бўлмайди.

Кўз тегди, қулоқ тегди деган иримларга ишонмайман, қайтараман; БАРЧА ТЕХНИКА ХАВФСИЗЛИК ҚОИДАСИГА АМАЛ ҚИЛМАС ЭКАН, ҚОННИ БИР БАССЕЙН ҚИЛИБ ЧИҚАРИБ, ДИНОЗАВР СЎЙСАНГЛАР ҲАМ ФОЙДАСИ ЙЎҚ.

ИНСОННИ БАЛОДАН АСРАЙДИГАН НАРСА, БУ ФАҚАТ ХАВФСИЗЛИК ҚОИДАЛАРИ. ИРИМ-СИРИМ ЭМАС.

Эҳтиётингизни қилинг, шунда қўйга ҳам жабр бўлмайди...

🇺🇿@Otabek

571 авто рақами 27 минг дўллирга сотилибди.

571 бу Муҳаммад С.А.В.нинг МИЛОДИЙ йил бўйича туғилган йиллари.

Энг қизиғи Расулимиз ўзлари ҳам туғилган кунларини милодий йил бўйича ҳисобламаганлар.

Милодий (христианлар)йилининг Ислом дунёсига қандай алоқаси борлигини кучук баччадек кичкиналик вақтимдан бери ўйлаб тагига ета олмайман.

Исломда исрофгарчилик қораланган ҳолатда бунча пулга Пайғамбарни милодий туғилган йилини эъзозлаш учун бунча исроф қайси мантиққа сиғишини ҳам тушунмайман.

Ҳурматли 571 чилар бу милодий йил ҳисоби, буни ислом оламига ҳеч қандай алоқаси йўқлигини қачон тушунасизлар?

🇺🇿@Otabek

Бир киши ёзяпти:

Бир пулдор акахон ўйнашига треккер олиб берган, рақами 571.

Шайтон бурчакда хуета қилиб, астапрлло деб, ибодат қилиб ўтирибди..

🇺🇿@Otabek

Бизникиларга қўйиб берсанг Жениффер Лопезга ҳам хижоб кийдириб, нашид айттирмоқчи бўлади.

Ислом дини ватани, Каба жойлашган Саудияда Женнифер Лопезни бағрикенгларча қабул қилганда бизникилар нима истаётгани қизиқ...

🇺🇿@Otabek

Опани фикрига қўшиладиганлар борми😂

Видео канал кузатувчилари томонидан сунъий интеллект орқали ясалган.

🇺🇿@Otabek

Трампнинг ваъдалари давом этмоқда, энди у тез орада Путин билан учрашиб урушни тугатишга ваъда бермоқда.

Эрдоған ҳам илгари Фаластин масаласида ғазабли баёнотлар билан чиқиб, амалда Исроил билан савдо ҳажмини оширган эди. Трамп ҳам ҳамкасбидан қолишмай, Украина бўйича айнан шу каби маъносиз ваъдабозликда давом этмоқда.

Доналд Трамп 2025-йил январ ойида иккинчи бор АҚШ президентлиги курсисига ўтирар экан, Россия-Украина урушини “бир кунда тугатаман” деган шиор билан саҳнага чиққан эди. Аммо орадан 198 кун ўтди. Бу вақт ичида Россия яна 1 900 км² Украина ҳудудини эгаллади.

Украина эса ҳали ҳам Трамп–Путин учрашувини кутиб, ғалаба умиди билан яшамоқда.
Бу ўртада Путин уруш майдонида эмас, дипломатик ва ҳарбий фронтда ютмоқда.

Трамп Буратино тағони кейинги ваъдаси нима ҳақида экани жуда қизиқ...

🇺🇿@Otabek

Бизнинг халқ жуда соддада.
Қайсидир тадбиркор қуриб сота олмаётган домни, 1 та қайсидир блогер келиб, худди миллионер сифатида ўзи қураётгандек қилиб кўрсатиб, домларни пақиллатиб сотиб ётибди, аслини сўрасанг у блогер дом тугул катак ҳам қурмаган.

Лекин халққа нима фарқи бор, у инстаграмда чиройли кийиниб, чиройли гапириб чиқаётган бўлса демак ишонса бўлади деб ҳисоблашади.

Аслида бунда жиноят йўқ, шунчаки хийла бор, қурувчи сотолмаган уйни блогер мақтаб-мақтаб сотади. Халқ эса фалончи "Шбадигншфайшнтуф" деган компания қурган уй экан деб уни ҳовлиқиб сотиб олаверади. Аммо у домни аслида Мамарайим қурган бўлади...
Ўртада халқ хурсанд, блогер хурсанд, Мамарайим ҳам сотолганига хурсанд...

🇺🇿@Otabek