Биз устоз ва мураббийларимиз пўстагимизни қоқса ҳам уйдагиларга чақимчилик қилолмаган сўнгги авлодмиз.
Бизни устозлар ҳам "Ремонтга 1000 сўмдан укажонлар" демаган энг сўнгги оригинал авлод устозлар эди.
Биз устозларга гап қайтармаган, бизни койиб берса ҳақорат қилди деб уни видеога олиб тармоққа қўймаган, ёки амаки ё тоғамизга устозимизни калтаклатмаган энг сўнгги авлод бўлдик.
Устозлар ҳам ўз манфаатидан кўра бурчини устун қўйган энг охирги авлод эди катта эҳтимол билан.
Бизнинг устозлар орасида ўқувчи савол берса тормоз бўлиб қолмаган ҳам ўша давр устозлари эди.
1-октябрда устозлар қўлимизга қарамаган, совға олиб келмаган ўқувчини синфдошлари изза қилмаган охирги авлод эдик.
90 фоиз ўқитувчилари фақат аёллардан иборат эмас, балки эркак ўқитувчилари ҳам кўпроқ бўлган даврнинг сўнгги авлоди ҳам биз эдик
Бойни боласига ҳам, камбағални боласига ҳам бир хилда ўта қаттиққўл бўлган, тармоқларда видеоси тарқаб шарманда бўлмаган, ўз ўқувчи қизига кўз сузмаган, тегажоқлик қилмаган ўз фарзандидек кўрган энг сўнгги авлод устозлар эди бизнинг устозлар.
1 йил давомида одам бўлмайсан деб койиб, сўнгги қўнғироқда кўзида ёш билан хайрлашиб, ҳали катта одам бўласан деб ўксиб қолган ҳам бизнинг устозлар эди.
Ойлиги оз бўлса ҳам, кўзи тўқ, меҳри баланд энг охирги авлод устозлар эдингиз азиз устозлар.
Сизларга таъзимдаман фидоий устозлар, байрам муборак🫡

🇺🇿@Otabek

ГАЗ(метан)ни совуққа аллергияси бор, совуқ тушиши билан давленияси тушиб, нарх деган сахар касали кўтарилиб кетади.
Қариб инжиқ бўлиб қолди бу ГАЗ ўлгур, ўлиппомаса гўрга эди бу кетишда жувонмаг)

🇺🇿@Otabek

​​Отабек нега машинангиз йўқ, деярли барча блогерларни ўз машинаси бор деяверишганига пул йиғиб ўзимга янги электромобил совға қилдим.
Кўриниши ажойиб, асосийси монополия махсулоти эмас.
Метан, бензин деб бош қотирмайман шартта "дурасел" деган батарейкадан битта жойстикига битта ўзига қўяман ва ванғиллатиб уй ичида ўйнаб юравераман.
Нега "дурасел" дейсизларми токда юрадиган ўйинчоқ машинага бошқа яна қандай батарейка қўйишим мумкин?
Мошина ҳам даромадга ярашада айнанайлар, майли мен электромобилчамни ўйнай, кейин яна гаплашовуз😁

🇺🇿@Otabek

​​Поезд билетлари нархи максимал даражада ошармуш.

Пастдаги видеода эса нарх ошишини эшитган вилоятга қатнайдиган таксистлар:

🇺🇿@Otabek

Мен ҳеч қачон "GREEN CARD" ўйнамаганман, ўйнаш ниятим ҳам йўқ.
Ҳа, ҳа мен мавжудман😁

🇺🇿@Otabek

БМТда минбаридан туриб Африканинг қашшоқлиги ва ривожланмаётганини тинмай вайсаб юрган Африканинг энг қашшоқ мамлакати Экваториал Гвинея президенти Нгема Обианг Мангенинг "қашшоқ" ўғли Нью-Йоркда бир кеча ухлаш 75 минг доллар бўлган "арзонгина" пентҳаусни бир неча кунга ижарага олибди.

P.S. Логика варрр этдию манақа қараб мингга қўйиб ўтиб кетди...

🇺🇿@Otabek

Нега ТИКТОКерлар кўпайиб кетаётгани сабабини кеча тушундим.
Жонли эфир вақтида бир неча дақиқа ичида менга 10 доллардан кўпроқ пул тушди (эфирга берилган совғалар ҳисобидан албатта) бир неча соат эмас, бир неча дақиқа орасидаги иш бу.

Демак соатлаб эфир қиладиган бошловчилар ТИКТОКдан яхшигина даромад олишади (ўзимизда блокланган бўлса ҳам)
Умуман олганда тармоқлардан даромад олиш борасида одамларга енгилликлар бериш керак, улар ўз-ўзини банд қилгани етмагандек чет эл валютасини катта миқдорда юртимизга кириб келишига ҳисса ҳам қўшишади, ноқонуний иш қилмаса бўлдида...

Бир нарсани тушундим, сиз ўзгалардан бирозгина ажралиб турадиган кичик иқтидор эгаси бўлсангиз демак бемалол ТИКТОКдан даромад топишингиз мумкин.
Рости мен ҳам бошқа ишларга чалғимай тўлиқ ТИКТОКка ўтиб кетсамми деган хаёлдаман.
Блоггинг бу фақат танқид дегани эмас, бу жуда кенг тушунча.
ТИКТОКда сиз қилаётган контент одамларга ёқса эфир вақтида сизни қўллаб-қувватлаш учун шунчаки сизга пуллик совғалар юбориб рағбатлантиришади.
Аввалига тушунмадим бу одамларга пул сарфлаб совға беришдан нима фойда дегандим, "бу бир носди кайпидек кайп" деган жавоб олдим.
Демак сиз қайси соҳа вакили бўлманг ўз соҳангиздан келиб чиқиб бошқаларни такрорламайдиган ўзгача контент қилсангиз бемалол даромад топа оласиз.
Кимдир ТИКТОКни бачканалик дейди (ўзи катталардан пул олиб мақтаб пул бермаса танқид қилса ҳам)
Крисаликдан кўра бачканалик афзалроқ менимча, яна билмадим.
Хуллас ТИКТОКда кезаверайчи ҳали яна валақлашамиз🫡

🇺🇿@Otabek

КЛАСТЕР фойдами ёки зарар?

Кластерлар фаолияти ҳақида жамиятда турли қарашлар шаклланган, кимдир кластерлик фаолиятини ижобий баҳоласа кимдир эски тизимни қумсайди.

Дунё тажрибасида кластерлар фаолияти мутлақ синовдан ўтган.
Хўш КЛАСТЕР ўзи нима?
Бу хом-ашё етиштирилганидан бошлаб то қайта ишланган тайёр маҳсулотни истеъмолчига етказиб беришгача бўлган жараённи қамраб олган бутун бошли тизим.
Бунда у бутун бошли тизим иштирокчиларини (фермерлар, қайта ишловчи корхона, экспортйир ва ҳоказо)ларни бир йўналиш бир мақсадда жамланган корхоналар тизими ҳисобланади.
Кластерларни ташкил этишдан мақсад эса маҳсулотни сифатли етиштириш, ҳосилдорликни ошириш, тайёр маҳсулотни экспортга жалб қилиш, маҳсулот етиштирувчиларни замонавий моддий-техник базасини замонавий технологиялар ҳамда ускуналар билан бойитишдан иборат.

Кластер тарихига назар соладиган бўлсак бу атама илк бор 1990-йилда америкалик иқтисодчи, Гарвард бизнес мактабининг профессори Майкл Портер томонидан "Давлатнинг рақобатдош афзаллиги" асарида келтирилган.
Асарда муаллиф иқтисодчи сифатида кластерлик фаолияти давлат иқтисодининг асосий устуни эканини аниқ-тиниқ фактлар билан таҳлил қилиб, исботлаб берган.
Бутун дунё тажрибасида қўлланиши бошланган кластерлик фаолияти ҳам 2017-йилдан Ўзбекистонда ҳам Ўзбекистон Республикаси Президентининг 2017-йил 19-майдаги "Бухоро вилоятида замонавий пахтачилик-тўқимачилик кластерини ташкил этиш чора-тадбирлари тўғрисида"ги ПҚ-2978-сон қарори асосида Бухоро вилоятида "VST CLUSTER" МЧЖ Қўшма Корхонаси тажриба-синов тариқасида жорий этилган.
Ҳозирга келиб эса Республикамизда Қишлоқ хўжалиги вазирлиги томонидан ташкил этилган 460 дан ортиқ кластерлар фаолият юритмоқда.
Бу албатта соғлом рақобат дегани, аввалгидек фермер келтирган пахтани тарозидан уриб, уни қайтариб фермерни ўзига отни калласидек нархга сотиш каби қон-қонимизга сингиб кетган иллатлар кластерлар фаолиятида кузатилмайди.
Қолаверса эндиликда юртимизда етиштирилаётган пахта хомашёсини харидор билан келишган ҳолда келишилган нархда сотиши мумкин.
Энди нархни давлат белгиламайди, бозорда сотгандек ким ўз маҳсулотини қайси нархга лойиқ кўрса келишган ҳолда сотаверади.

Умуман олганда Кластерларнинг сони ортиши бу қўшимча иш ўринлари кўпайиши билан биргаликда рақобатбардош маҳсулотларни бозорга чиқиб келишига асос бўлади.
Рақобат бор жойда эса албатта Ривожланиш бўлади.

Биргина Қашқадарё вилояти миқёсида қарайдиган бўлсак "Sultan TEX" Косон туманидаги "Бунёдкор" МЧЖ, "Қарши туманидаги "Оқ сарой" ва Кўкдала туманидаги "Само" кластер корхоналари бир неча минглаб хонадонларни қозони қайнашига сабаб бўлмоқда.
Масалан Кўкдала туманидаги "Само" кластер корхонаси ҳозиргача 500 дан ортиқ кўкдалаликларни доимий иш билан таъминлаган.
Бир сўз билан айтганда кластерлар фаолияти Ўзбекистон шароитида ўзини оқлади.
Кластерлар нафақат иш ўринлари яратилиши билан балки фермерларни қўллаб-қувватлаш, сифатли маҳсулот етиштириш борасида ҳам жорий этилган ушбу тизим буткул ўзини оқлади деб айта оламиз.
Албатта барча кластерлар бир хилда ижобий натижа кўрсатмоқда дейиш фикридан йироқман, аммо умумий статистикага қарайдиган бўлсак кластерлар фаолияти фермерлар ва бозор ҳаётида ўз ўчмас ўрнини аллақачон исботлаб бўлди.
Тан олиш керак кластерлар фермерларнинг асосий таянчи эканини амалда исботлай олди.

🇺🇿@Otabek

Кластерларга қарши уруш бошланган шекилли?
Бу постим билан кимнидир ковагини э йўғе арини уйини ковлаб қўйдим шекилли...😁
Кластер жаҳон тажрибасида ўзини оқлаган, агар бизда ҳам виждонан ишлашса ўзини оқлайди.
Совет даврида пахтани қўшиб ёзганлар мустақиллик даврида ҳам бу анъанага содиқ қолишди.
Кластерлар эса кўп ўғриларни шўрига шўрва бўлди, буни кўпчилик кўтаролмаяпти.
Мен маълумот бердим, ўз фикримни ёздим ва бу учун ҳужум шарт эмас, қолаверса кластерларни тугатиш эмас балки камчиликлaрни, ўз функционал вазифасини бажармай юрган дангаса кластерларни қарашларини тугатиш керак.
Жаҳон тажрибасида синовдан ўтган кластер бизда иш бермаётган бўлса демак муаммо кластерда эмас тизимдаги одамларда айнанайлар...

🇺🇿@Otabek

"-Артиков Россия-Украина уруши ҳақида нима дейсиз?
-Онам уруш-жанжалга аралашмай жим юр деб тайинлаганлар..."

🇺🇿@Otabek

-Артиков Украина-Россия уруши ҳақида нима дейсиз?
-Ғарб пропагандамагандавагандасини ўқисам Украина ғалаба қозоняпти дейишади, Россия пропаганпропанбутангасини эшитсам Руслар ютишяпти дейишади.
Бир шоти э мотиватор айтганидек "Урушда доим ғолиблар ютади"☝️

🇺🇿@Otabek

Бу суратда иккинчи жаҳон уруши даврида фаластин қирғоқларига яқинлашган яҳудийлар кемаси акс этган.
Кемадаги яҳудийлар қўлларида "Немислар бизнинг оилаларимизни ўлдирди, сизлар сўнгги умидимизни ўлдирманглар" деган плакатларни тутганча ялиниб келишди.
Фаластинликлар эса уларга уйидан жой бериб кўрсатган ҳамдардлиги ва меҳрибонлиги эвазига "Бечора қочқинлар"га ўз ватанларини ҳам бўшатиб беришди.

🇺🇿@Otabek

Уруш сабаб Украина ва Россиядан Исроилга қочиб кетган санъаткорлар, зиёлилар, бойлар энди Исроилдаги уруш сабаб қаерга қочишар экан а?

P.S. Урушда доим содда халқ жангга киради, "ватан ҳимояси", "юрт учун кураш" деган тушунчаларни ҳар доим тилидан қўймай жар солиб юрадиган зиёлилар, санъаткорлар, бойлар ва яна шу кабилар эса ё суриб қолишади, ё ғолиб томонга ўтиб олишади, ҳар доим шундай бўлган.

🇺🇿@Otabek

Ҳеч қачон "0"дан бошлашдан қўрқманг

Мен телеграм тармоғида илк марта 2016 йилда фаолият бошладим "Кулгу" номли ҳазил канал очган эдим.
Қисқа муддатда 80 000 тирик кузатувчи йиғдим (у вақтда каналлар кам, рақобат эса йўқ эди)
Кейин эса бошқа ишларга чалғиб кетдим, "Кулгу" канали эса қаровсизликдан "қулади".
Орадан вақт ўтиб яна телеграмга қайтдим ва мана шу сиз ўқиб турган блогни очдим, бу ҳам секинлик билан олдинлади, аудиторияси кичик бўлса ҳам кўпчиликни кўнглидан жой олди.
Устоз кўрмаган шогирд ҳар соҳага йўрғалар деганларидек вақт ўтиб блогдан ҳам зерикдим, мотивациям ўлди.
Кейин ТИКТОКка ўтдим, 3 ойда 50 минг тирик обуначи ҳамда миллионлаб кўришлар сонига эришдим.
Кейин ТИКТОК мени блоклади, 3 ойлик меҳнатим ҳамда 50 мингта кузатувчи ҳавога учди🤦‍♂.
10-15 кунча ўзимга келолмай юрдим ва ТИКТОКни яна янгидан бошладим, ҳозир янги профилим 1 ойда 20 минг тирик кузатувчи йиғди, бир неча юзминглик кўришлар сони ҳам.
Яъни аввалги профилимдан кўра тезроқ ривожланяпти.

Мен бир нарсани тушундим, истак бўлса ва ўз йўналишинг бўлса ҳар қандай ишда у тармоқми бошқами маълум бир муддатда ўз ўрнингни албатта топа оласан, асосийси умидсизликка тушиб қолмаслик.
Энди мен ТИКТОК мени блоклашидан қўрқмайман, чунки яна нолдан бошласам яна шу натижага эриша олишимга юз фоиз ишонаман.
Маслаҳатим ҳеч қачон нолдан бошлашдан қўрқманг, сиз буни эплашингизга энг аввало ўзингиз ишонинг, қолганлар натижага қараб ишонаверади...☝️🫡

🇺🇿@Otabek