Отабек Артиков

Сўз эркинлиги берилиши билан сўзни "ов милтиққа" айлантириб, ташкилот раҳбарларини қўрқитиш эвазига ов бошлайдиган таъмагир овчилар ҳам кўпайиб кетди.
Қамалаётганлари ҳам кам эмас...

Аммо энг алам қиладигани бундайларни қамалиши энг аввало омма орасида "Сўз эркинлигига қилинаётган чеклов" деб таърифланади.

Масалан пора билан қўлга тушган шифокорни ҳеч ким ҳукумат шифокорларга қарши уруш эълон қилди демайди.
Ёки бирор ўқитувчи таъмагирлик қилиб қамалса уни ҳам мана бизда ўқитувчиларга қарши уруш бошланди демайди, аммо ўзидан блогер ясаб олган бирортаси соққа билан қўлга тушиб қамалса дарров "Сўз эркинлигига таҳдид" деб жар солишади.
Кейин эса "Эркин фикри учун қамалди" дейилган "фаришта" блогерни қаердандир ё пул сўраган аудиоси чиқади, ёки пул олган видеоси😁.

Рости бошида баъзи блогерлар қамалганда менда ҳам "Наҳотки сўз эркинлигига қарши уруш бошланган бўлса?" деган ҳадик бўлган, аммо вақт ўтиб билдимки сўзга нисбатан жазо йўқ, шунчаки сўзни ўз тирикчилиги, таъмагирлиги воситасига айлантирганларга жазо бор, ва бунга кўп марта гувоҳ бўлдим.

Бугун ҳам Қашқадарёда бир нечта таъмагирлик билан қамалганларни хорижий ахборот тарқатувчилар "Ўзбекистонда блогерлар қамалди" деб сиёсий тус бермоқда.
Насинэмсин энди ҳар қамалган одамни блогер деб оқласак бўлар экан а?

Агар уларни яқиндан танимаганимда ҳам ишонса бўлар эди, ит танимайдиган, фақат ўз манфаати учун шантаж орқали маълумот тарқатадиган уюшган гуруҳларни ҳам блогер деб оқлашга уруниш жуда кулгили рости.

Масалан шу қамалганларни иккитасини отни қашқасидек танийман ва ҳеч қандай блогер эмаслигини жуда яхши биламан.
Булардан биттаси Косон туманида ўзидан адолатли блогер ясаб олган олий маълумотли чет тили ўқитувчиси (Ҳ.Д) эди, у бир муддат аввал фуқаролардан мурожаатини ҳал қилиб бериш эвазига 10 млндан ортиқ пул олгани учун 168-модда билан 3.5 йилга сабзи-пиёзсиз кетиб қолганди (бу опа ҳамтовоқлари билан меникига ҳам анча осилганди, осилиб-осилиб сирпанчиқлигидан шериклари билан бирма-бир ҳаммаси кириб ҳам кетганди, оббо меней😁)

Орадан кўп ўтмай бу опа озод бўлди деб эшитганимда, рости жаҳлим чиқди, бунақаларга яна имкон бериш хато деб ҳисоблаганим учун ҳам.

Еб тўймаган, ялаб ҳам тўймайди деганларидек қамалса ҳам нафсини жиловлай олмаган бу опамиз озод бўлиши билан яна эски ҳунарини кўрсатиб, ташкилотларни қўрқитиб соққа қилишни давом эттираётганини хабари ҳам уёқ-буёқдан эшитилиб юрди.
Кейин бу ўзига ўхшаган яна 1-2 та сўзни қурол қилиб олган шантаж опалар (биттасини танирдим К.Н дегани мен билан ҳам кўп тортишган у ҳам) билан тил бириктириб "Ҳимоячи блогерлар" деган фирма очиб (номни қара номи чиқиб ётибди😂) шантаж эвазига баъзи ташкилотлардан таъмагирлик қилиб пул олиб юргани ҳақида ҳам шивир-шивирлар қулоғимга чалинди.

Аммо "Бузоқни югургани сомонхонагача, таъмагирни югургани қамоқхонагача" деганларидек бу ва шериклари жиноят устида қўлга тушибди, яна аввалгидек таъмагирлик билан.

Демак Ҳ.Д иккинчи марта яна эски айблов билан қўлга тушганини ҳисобга олсак энди у давлат кечиришига муносиб эмас.

Мени иккилантираётгани бундайлар яна енгил жазо билан қутулиб қолмасмикан?
Қонун устувор, жазо муқаррар экани буларга ҳам ишлатилармикан кўрамиз?

Бундан ҳам қизиқ жойи бундайларни ҳам кимлардир "Сўз эркинлиги қурбони" деб малакалаши, дод-вой қилаётгани латифадан беш баттар кулгили.

Менку кимнингдир кулфатидан суюнадиган даражада гнида эмасман, аммо нохолис кетиб, сўзни қурол қилиб блогер деган номни булғаётган бундай паразитларни камайиб бораётгани мени анча хотиржам қилади.

Майли кузатайликчи бу ишни охири нима бўлар экан, буларни ҳали яна кимлар "Ҳақиқатгўйлиги учун қамашди" деб ҳимоя қилиб чиқиши мен учун жуда-жуда қизиқ.

Буларни ким нима деб оқлашини билмайман аммо уларни қинғир ишлари ҳақида мен ўзим учун барча нарсани биламан ва керак бўлса омма билан бўлишаман ҳам.

Майли қолганини вақт кўрсатади, кузатайликчи нималар деб дод солишар экан.
Ҳали бу мавзуга яна қайтамиз, конец связи.

🇺🇿

@Otabek

Please open Telegram to view this post