Ишдан кейин ва дам олиш кунларида ҳам иши яққол кўринётган ходимлар ким?

Бугун давлат ишларида иш вақтидан ташқари вақтда, тунги вақтда ва дам олиш кунларида ишлайдиган ва ишлаганда ҳам иши яққол кўзга кўринадиган бир соҳа вакиллари бор.

Булар ахборот хизмати ходимлари.

Мана, ҳозир ижтимоий тармоқларда ўтирибман, давлат идоралари, айниқса, марказий идоралардаги, ҳокимлик органларидаги ахборот хизмати ходимлари тиним билгани йўқ.

Улар ижтимоий тармоқлардаги расмий сахифаларда ўз ишлари билан машғул, ишлаётган ташкилоти фаолияти ҳақида маълумотлар беряпти, бўлаётган воқеа-ҳодисаларга муносабатлар билдиряпти, баёнотлар беряпти ва ҳоказо. Хуллас, дам олиш кунларида ҳам ўз меҳнат вазифалари билан шуғулланаётганини ҳеч ким инкор қилолмайди уларнинг. Интернетда бунинг исботи тўлиб ётибди.

Тўғри, бошқалар ҳам ишлаяпти. Лекин, ахборот хизмати ходимлари ишининг бир қисми ижтимоий тармоқлар билан боғлиқ бўлгани учун, уларнинг тармоқлардаги расмий позициялари ҳар қанақасига меҳнат вазифаси бўлиб кўринаверади. Ҳоов, ярим тунда тармоқда қанақадир расмий позиция билдирдими, демак, у меҳнат вазифаси билан машғул. Тушуняпсиз-а?

Агар Меҳнат кодексида кўрсатилган иш вақтидан ташқари вақт ва дам олиш кунларидаги иш учун 2 хиссалик ва тунги вақтдаги иш учун 1,5 бараварлик ҳақ тўланса, улар давлат ишидаги энг кўп иш ҳақи олувчилардан бўлиши мумкин.

👉@yuristkadr